Hechos 12:6 - Quiché Bible

⁶ Pa ri u chak'abil ri k'ij ri xresaj ta ulok ri Herod, ri Lu' cätajin cäwar chquixo'l quieb ajch'ojab, ximom che quieb tikom ch'ich', e c'o chi c'u niq'uiaj chajinelab chuchi' ri che' che u chajixic ri che'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Jun aqꞌabꞌ karaj kuriq ri qꞌij kaqꞌat tzij puꞌwiꞌ ri Pedro, ri Pedro tajin kawar chikixoꞌl kebꞌ aꞌj ajchꞌoꞌjabꞌ chajil tinimit, ri nikꞌaj aꞌj ajchꞌoꞌjabꞌ chajil tinimit chik kichajim ri uchiꞌ ja rech ri cheꞌ.

K'iche'

⁶ Aretak ri tat Herodes xraj xresaj lok rech cuya chquiwäch ri winak, pa ri ak'ab ri' ri tat Pedro warinak chquixol quieb soldados, ximom ruc' quieb ximibal re ch'ich'. E c'o chi c'u niq'uiaj soldados chic qui chajim ru chi' ri che'.

K'iche' (New Orthography)

⁶ Aretaq ri tat Herodes xraj xresaj loq rech kuya chkiwäch ri winaq, pa ri aq'ab' ri' ri tat Pedro warinaq chkixol kieb' soldados, ximom ruk' kieb' ximib'al re ch'ich'. E k'o chi k'u nik'iaj soldados chik ki chajim ru chi' ri che'.

Hechos 12:6 ပူးပေါင်းရင်းမြစ်များ

Chapletajic 22:14

Ri Abraham xucoj u bi' we c'olbal ri', ri u bi' ri xucojo are' wa': “Ri Ajawaxel cuya' ri cajwatajic.” Rumal ri' c'ä cäbixic: “Pa ri juyub, ri Ajawaxel cuya' ri rajawaxic.”

Salmib 4:8

In quink'oyi' pa jamaril chanim c'ut cäc'amtaj nu waram, lal c'ut Ajawaxel, caban la chwe chi quinjeki' pa cu'bisan c'uxaj.

Ri Jeremiy 40:1

Ri Ajawaxel xutzijobej ri Jeremiy, aretak ri Nabuzaradan, takanel paquiwi' ri chajinelab, u tzokopim chic ri Jeremiy ri xurik pa Rama. Ri Nabuzaradan xurik ri Jeremiy yutum cojom pach'um ch'ich' che c'o chquixo'l ri aj Jerusalen xukuje' aj Juda ri cätajin cac'am bic pa Babilon.

Ri Jeremiy 40:4

Ampe', kas camic quebenwesaj tak ri tikom ch'ich' ri e ximibem awech. We are cawaj chi catbe wuc' pa Babilon, jo'; in catinwilij na we c'u ne man cawaj catbe wuc', chatcanajok. C'o ronojel ri ulew pa a k'ab: cuya' catbec jawije' ri cawil wi chi utz na chawe.

Ri Matey 28:4

Ri ajch'ojab chajinelab xquixe'j quib chuwäch, xebirbitic, je ta ne ri xebux ta cäminakib.

Hechos 12:5

Chajin c'u ri Lu' pa che'. Are c'u ri e comon cojonelab man xquitanaba' ta ri u banic ch'awem ruc' Dios puwi' ri Lu' ruc' ronojel canima'.

Hechos 21:33

Ri qui nimal ri ajch'ojab xopan ruc' ri Pawl, xuchapo, xtakan che u yutic cuc' quieb tikom ch'ich'. Xc'otow c'u chi'aj jachinok xukuje' jas ri xubano.

Hechos 28:20

Rumal ri' xintakan che siq'uixic alak rech quinwil wäch alak, xukuje' che tzijobexic alak; kas c'u ne rumal rech ri keyebal c'u'x uj ri uj aj israelib, ximom we tikom ch'ich' ri' chwe waral.”

Hechos 5:23

Xquibij: “Kastzij, ri che' tz'apilic xekarika', sibalaj utz u banom. Xebekarika' ri chajinelab e tac'atoj chquichi' ri che'; aretak c'ut xekajako, man c'o ta jun xkarik chupam.”

Efesios 6:20

Ri Dios in u takom che u tzijoxic we utzalaj tzij ri'. Rumal c'u wa' in c'o pa che'. Chibana' ch'awem panuwi' rech man quinxe'j ta wib, quintzijoj jas ri takal u banic wumal.

U Camulixic ri Pixab 32:26

In xinchomaj qui jabuxic, quinsach c'u u wäch ri natabal quech cho ri uwächulew,

2 Timoteo 1:16

Chel ta u c'u'x ri Ajawaxel chque ri e aj uwo rachoch ri Onesipor. Q'ui mul c'ut ri are' xuya' uxlanem chwe, man xq'uix ta c'u chwe chi ri in, in c'o pa che', in ximom ruc' tikom ch'ich'.

Hebreos 13:6

Je c'u ri' cäcu'bi ka c'u'x, cuya' cäkabij: “Ri Ajawaxel are to'l wech, man quinxe'j ta wib chuwäch ri cäquiban na ri winak chwe.”