Hechos 12:23 - Quiché Bible

²³ Chanim ri Herod xsoc rumal jun tako'n aj caj rech ri Ajawaxel, rumal rech chi man xunimarisaj ta u k'ij ri Dios. Kuchum ri u cuerp cumal xjut, xcämic.

RI KꞌAKꞌ TESTAMENTO PA TZIJOBꞌAL KꞌICHEꞌ

²³ Aninaq xpe jun ángel rech ri Dios, xukoj jun yabꞌil che, rumal cher xukꞌamawaꞌj ri qꞌijilaꞌnik ri xkiya ri winaq che, man xuya ta che ri Dios. Xaq jeriꞌ xkamik, iꞌxjut xetijowik.

K'iche'

²³ Chanim c'ut xpe jun ángel rech ri Dios, xusoc ri tat Herodes rumal chi man xuya tä u k'ij ri Dios. Xtij c'u cumal ixjut, xcämic.

K'iche' (New Orthography)

²³ Chanim k'ut xpe jun ángel rech ri Dios, xusok ri tat Herodes rumal chi man xuya tä u q'ij ri Dios. Xtij k'u kumal ixjut, xkämik.

Hechos 12:23 ပူးပေါင်းရင်းမြစ်များ

2 Tesalonicenses 2:4

Ri are' cuc'ulelaj xukuje' cuwalijisaj rib chrij ronojel ri re ri Dios xukuje' chrij ronojel ri cäk'ijilaxic. Je cubano rech cät'uyi' na pa ri rachoch Dios, je ta ne Dios, cuc'ut na rib chi are Dios.

Salmib 115:1

Ajawaxel, chya' k'ij la chbil ib la, ma ta are' ri uj; ¡chnimarisaj k'ij la, rumal ri lok'ok'ebal c'u'x la xukuje' ri kastzij la!

Nabe Samuel 25:38

Oc'owinak chi lajuj k'ij, ri Ajawaxel xusoc chi jumul, xcäm c'u ri Nabal.

Ri Ezequiel 28:2

“At, winak, chabij che ri ajawinel re Tir: ‘Are wa' ri cubij ri Ajawaxel: Ri awanima' xnoj che u banic nimal, are' c'u pa a c'u'x chi at jun dios ri t'uyul chupam ri qui tem re ajawibal ri diosib sutim awij rumal ri plo. Man at ta c'ut jun dios xane' at jun winak ri cuchomaj rib chi c'o ri u c'oxomanic jun dios ruc'.

Ri Isaiy 66:24

Quepe na quequil c'u na ri cäminak tak winak ri xequiwalijisaj quib chwij. Ri xjut ri quetijowic man quecäm ta wi, ri k'ak' ri quekuchuwic man cächup ta wi. ¡Jun jasach c'u wa' ri xawebal chque conojel ri winak!”

Ri Isaiy 51:8

cäsach c'u na qui wäch jacha' jun atz'iak ri chicopirinak, jacha' ri rismal chij ri kuchum cumal xjut. Are c'u ri nu colomal re chbe k'ij sak, ri colobenic ri quinya'o quech k'ij junab.”

Elem 12:29

Niq'uiaj ak'ab ri Ajawaxel xebucämisaj ri e nabeal tak c'ojolaxelab ri e aj ejiptib, are jun ri u nabeal ri ajawinel ri cät'uyi puwi' ri tem re ajawibal xukuje' ri u nabeal ri c'o pa che', xukuje' ri e qui nabeal tak ri awaj.

Ri Ezequiel 28:9

¿La catakej ta c'u na u chomaxic chi at jun dios aretak at c'o chquiwäch ri a c'ulel? ¡Pa qui k'ab ri catcämisanic man c'o ta c'u jas a banic xak at jun apachique winak!

Ri Isaiy 37:23

¿Jachin ri a yok'om xukuje' a yacom royowal? ¿Jachin che co a rakom wi a chi' xukuje' a yacom ri a bak'wäch chrij ruc' nimal? Chrij ri Tastalicalaj u Dios ri Israel.

Ri Isaiy 14:11

C'ä waral xeltac'al wi ri nimarisabal awib, xukuje' ri rok'ibal ri a guita'r ri sibalaj q'ui ri qui c'amal. Ri a ch'at k'ayinakil, ri e a k'u' e xjutib.’

Ri Job 19:26

Pune' ta c'u ne ri nu tz'umal quetzak pa tak ch'akatak, in, chi winakil quinwil na u wäch ri Dios.

Ri Job 7:5

Nojinak ri nu ti'jal chque tak xjut xukuje' tak c'oj, quewalin tak ri socotajic ri e c'o che ri nu tz'umal.

Ucab Tzijobelil 32:21

Are c'u ri Ajawaxel xutak jun tako'n aj caj ri xebucämisaj conojel ri ajch'ojab, xukuje' tak ri e qui nimakil ri ajch'ojab, ri quetakan paquiwi' ri rajch'ojab ri ajawinel re Asiriy, ri xtzelej na pa ri rulewal nojinak che q'uixbal. Aretak c'u xoc chupam ri rachoch ri u dios, kas chila' xcämisax wi cumal ri kas e u c'ojol.

Ucab Ajawinelab 19:35

Kas pa ri chak'ab ri' ri tako'n aj caj rech ri Ajawaxel xopanic xebucämisaj jun sient jumuch' ruc' job mil (185,000) achijab aj asiriyab ri e c'o pa ri kajebal, chucab c'u k'ij aretak xsakarisanic conojel e cäminak chic.

Elem 12:23

Aretak ri Ajawaxel coc'ow che qui cämisaxic ri aj ejiptib, cäril na ri quic' ri bilom chuchi' ri ja ri ix c'o wi, xak coc'ow bic chuwäch ri ja ri'. Jeri' ri Ajawaxel man cuya' ta be che ri cämisanel chi coc pa tak ri ja.

Elem 12:12

Pa ri ak'ab ri' quinoc'ow na pa ronojel ri Ejipt, quebencämisaj na ri qui nabeal ri aj ejiptib ri e c'o pa tak ri cachoch, xukuje' ri e qui nabeal ri awaj, quinban na ri takal u banic chque conojel ri diosib re Ejipt. In ri Ajawaxel, ri nu yo'm u bixic.

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Elem 9:17

Pune' c'u jewa', ri at a takem u k'atixic ri nu tinimit man caya' ta c'u che chi cabec.

Hechos 5:19

Chak'ab c'ut xpe jun u tako'n ri Ajawaxel, xebujak ri u chi' ri che', xeresaj ulok, xubij:

Hechos 12:22

Ri winak xquirak qui chi': “¡U ch'abal ri Dios wa', man rech ta winak!”

E C'ambal tak Tzij 12:8

Ri winak cäya' u k'ij jas ri u cholajil ri u c'oxomanic, are' c'u ri con xuwi takal ri etzelam wächaj che.