Hechos 11:20 - Quiché Bible

²⁰ E c'o c'u jujun chque, e cojonelab wa' aj Chipr xukuje' aj Siren, aretak xebopan pa Antioquiy, xukuje' xequich'abej ri man aj judeyib taj, xquitzijoj ri utzalaj tak tzij re ri Ajawaxel Jesus chque.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Kꞌo kꞌu jujun kojonelabꞌ ri aꞌj Chipre xuqujeꞌ aꞌj Cirene are xoꞌpan pa Antioquía xkichapleꞌj utzijoxik ri Ajawxel Jesús chike ri man aꞌj Israel taj.

K'iche'

²⁰ E c'o c'u jujun cojonelab aj Chipre, aj Cirene ri xeopan pa Antioquía, e are c'u tak wa' xquitzijoj ri Evangelio rech ri Kajaw Jesús chque ri niq'uiaj winak chic ri man e aj Israel taj.

K'iche' (New Orthography)

²⁰ E k'o k'u jujun kojonelab' aj Chipre, aj Cirene ri xeopan pa Antioquía, e are k'u taq wa' xkitzijoj ri Evangelio rech ri Qajaw Jesús chke ri nik'iaj winaq chik ri man e aj Israel taj.

Hechos 11:20 ပူးပေါင်းရင်းမြစ်များ

Ri Matey 27:32

Aretak xebel bic, xquirik apan jun achi aj Siren, Simon u bi'. Xquicoj chuk'ab che rech cutelej bic ri u ripibal ri Jesus.

Ri Xuan 7:35

Xquitzijobela' c'u quib ri aj judeyib: “¿Jawije' ta lo cäbe wi, ri ma ta cäkarik na? ¿La cäbe ta lo cuc' ri ka winakil ri e jabuninak chquixo'l ri aj Gres? ¿La cäbe cuc' ri aj Gres che qui tijoxic?

Hechos 11:19

Ri cojonelab ri qui jabum quib rumal rech ri c'ax ri xpe chquij aretak xcämisax ri Estebn, xeboc'ow pa tak e q'ui tinimit. Xebopan c'ä pa Penis, pa Chipr, xukuje' pa Antioquiy. Xak xuwi c'u chque ri aj judeyib xquitzijoj wi ri tzij; man xquibij ta chque ri niq'uiaj winak chic.

Hechos 11:22

Xtataj u tzijol wa' cumal ri cojonelab re ri comon cojonelab ri c'o pa Jerusalen, xquitak c'u bic ri Bernabe rech cäbe pa Antioquiy.

Hechos 11:26

Aretak xurik ri Sawl, xuc'am ulok pa Antioquiy. Xec'oji' cuc' ri comon cojonelab chila' ronojel ri jun junab, e q'ui winak xequitijoj. Pa Antioquiy c'ut ri xebinax wi nabe mul ajcristib chque ri e cojonelab.

Hechos 11:27

Pa tak ri k'ijol ri' xebel ulok jujun k'axal tzij pa Jerusalen, xebopan pa Antioquiy.

Hechos 13:1

E c'o k'axal tak tzij xukuje' ajtijab chquixo'l ri comon cojonelab aj Antioquiy. E are wa' ri Bernabe, ri Simeon ri cäbix K'ek che, ri Lus aj Siren, ri Manaen ri junam xq'uiyisax ruc' ri Herod ri k'atal tzij re Galiley, xukuje' ri Sawl.

Hechos 14:26

Xeboc c'u chupam jun nim jucub chila', xebe pa Antioquiy, jawije' xejach wi ulok pa ri u tok'ob ri Dios, che ri chac ri bantajinak cumal.

Hechos 15:22

Ri takomxenlab xukuje' tak ri tatayib ri quetakan ri comon cojonelab pa Jerusalen xukuje' conojel ri e re ri comon cojonelab utz xquilo ri qui cha'ic achijab chquixo'l che qui takic bic pa Antioquiy rech quecachilaj bic ri Pawl rachil ri Bernabe. Xquicha' c'u ri Juds ri cäbix Barsabas che rachil ri Silas, achijab wa' e qui nimakil ri kachalal.

Hechos 15:23

Xquitz'ibaj jun wuj, xquiya' bic pa qui k'ab. Ri je cubij wa': “Uj ri uj takomxenlab, xukuje' tak ri tatayib ri e iwachalal c'o takanic kuc', cäkaya' rutzil qui wäch ri kachalal ri man aj judeyib taj, ri e jekel pa Antioquiy xukuje' pa Siriy xukuje' pa Silisiy.

Hechos 15:30

Aretak e jachom chi bic, xekaj bic pa Antioquiy. Xequimulij ri cojonelab chila', xquiya' ri wuj chque.

Hechos 17:18

E c'o c'u ne jujun ajchomanelab aj epicurib xukuje' aj estoiquib xquichaplej chomanic ruc'. Jujun c'ut caquibij: rech “¿Jas lo ri cäraj we rok'ok'enel ri?” Niq'uiaj chi c'ut caquibij: “Je' ta ne ri quebutzijoj jule' diosib chic.” Je xquibij rumal rech chi ri Pawl cutzijoj ri Jesus chque, cubij chi xc'astaj chquixo'l ri cäminakib.

Hechos 18:22

Xkaj c'u can pa Sesarey, xpaki' bic pa Jerusalen. Xuya' rutzil qui wäch ri comon cojonelab. Te c'u ri' xkaj bic pa Antioquiy.

Hechos 2:10

e c'o aj Prij, aj Panpil, xukuje' aj Ejipt. E c'o ri quepe pa tak c'olbal pa Aprica ch'käp che ri Siren. E c'o jujun aj Rom ri e petinak waral,

Hechos 4:36

C'o c'u jun achi Jose u bi', ri cäbix Bernabe che cumal ri takomxenlab. Quel cubij wa': “Ralc'ual Cu'bisabal C'uxaj” Ri are' aj levitib, ija'l re Chipr.

Hechos 5:42

Ronojel k'ij c'ut quebe pa ri rachoch Dios, quebe cho tak ja, man cäquitänaba' ta ri qui tijonic, man cäquitänaba' ta ri u tzijoxic ri Jesus ri Crist, chque ri winak.

Hechos 6:1

Pa tak ri k'ij ri', aretak cätajin queq'uiyir ri cojonelab, ri quech'aw pa grieg xquiyac wixwitem chquij ri quech'aw pa hebrey, cäquibij chi aretak quepatanix ri malca'nib chuchuyib ronojel k'ij, ri qui malca'nib ri e are' man quepatanix taj.

Hechos 6:5

Xkaj ri tzij chquiwäch conojel, xequicha' c'ut ri Estebn, are jun achi nojinak che cojonic xukuje' nojinak che ri Ruxlabal ri Dios, xukuje' xequicha' ri Pelip, ri Procr, ri Nicanor, ri Timon, ri Parmens xukuje' ri Nicolas ri aj Antioquiy ri u c'amom ri qui cojonic ri aj judeyib.

Hechos 6:9

Jujun chque ri e c'o pa ri ja ri cäquitijoj wi quib ri aj judeyib che ri pixab ri binam Tzokopim tak Winak chque, junam cuc' jujun tak aj Siren, aj Alejandriy, aj Silisiy, ri e aj Asiy, xquichaplej chomanic ruc' ri Estebn.

Hechos 8:35

Ri Pelip xch'awic, xuchaplej ruc' we Tz'ibatalic ri cätajin cusaq'uij ri aj Etiopiy, xebutzijoj c'ut ri utzalaj tak tzij ri xebubij ri Jesus.

Hechos 8:5

Ri Pelip, xkaj bic pa ri tinimit pa Samar, xutzijoj ri Crist chque ri winak chila'.

Hechos 9:20

Chanim ri Sawl xutzijoj ri Jesus chque ri winak pa tak ri ja ri cäquitijoj wi quib ri aj judeyib che ri pixab. Xubij chi ri Jesus are ri u C'ojol ri Dios.

Hechos 9:29

Xebutzijobej xukuje' xchomalan cuc' ri aj judeyib ri quech'aw pa grieg; ri e are' c'ut cäquitzucuj u cämisaxic.

1 Corintios 2:2

Xinbano chi xa jun jasach xc'oji' pa ri nu chomanic chixo'l, xuwi ri Jesucrist xixintijoj che, are' c'u wa' ri xripic.

Gálatas 2:11

Aretak c'u xopan ri Lu' pa Antioquiy, xinc'ulelaj chupalaj, takal c'u u c'okoxic.

Efesios 3:8

In ri man nim ta nu banic chuwäch ri man nim ta u banic chquixo'l ri e aj u tinimit ri Dios, are' c'ut ri are' yowinak we nimarisabal ib ri' chwe chi quinya' u tzijoxic chque ri man aj judeyib taj ri utzalaj tzijol che qui k'alajisaxic tak ri e u k'inomal ri Crist ri man e ch'obel taj.