Hechos 11:19 - Quiché Bible

¹⁹ Ri cojonelab ri qui jabum quib rumal rech ri c'ax ri xpe chquij aretak xcämisax ri Estebn, xeboc'ow pa tak e q'ui tinimit. Xebopan c'ä pa Penis, pa Chipr, xukuje' pa Antioquiy. Xak xuwi c'u chque ri aj judeyib xquitzijoj wi ri tzij; man xquibij ta chque ri niq'uiaj winak chic.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Jujun chike ri kojonelabꞌ ri xaꞌnimaj bꞌik are xchapleꞌtaj kitzukuxik che riꞌ are xkamisax ri Esteban, xebꞌe pa taq ri tinimit rech Fenicia, kꞌo xebꞌe Chipre, kꞌo xebꞌe Antioquía rech Siria. Xkitzijoj ri utzij ri Dios xwi chike ri winaq aꞌj Israel.

K'iche'

¹⁹ Conojel c'u ri cojonelab xeanimaj chuwäch ri c'äxc'ol ri xwalij chquij pa Jerusalén pa ru k'ijol ri tat Esteban. E c'o ri xebe' pa Fenicia, pa Chipre, xukuje' pa ri tinimit Antioquía. Chila' c'ut xak xuwi chque ri winak aj Israel xquitzijoj wi ru Lok' Pixab ri Dios. Man xquitzijoj tä wa' chque ri niq'uiaj winak chic.

K'iche' (New Orthography)

¹⁹ Konojel k'u ri kojonelab' xeanimaj chuwäch ri k'äxk'ol ri xwalij chkij pa Jerusalén pa ru q'ijol ri tat Esteban. E k'o ri xeb'e' pa Fenicia, pa Chipre, xuquje' pa ri tinimit Antioquía. Chila' k'ut xaq xuwi chke ri winaq aj Israel xkitzijoj wi ru Loq' Pixab' ri Dios. Man xkitzijoj tä wa' chke ri nik'iaj winaq chik.

Hechos 11:19 ပူးပေါင်းရင်းမြစ်များ

Ri Matey 10:6

xane' jix nabe cuc' ri chij re ri u tinimit ri Israel, ri e sachinak.

Ri Xuan 7:35

Xquitzijobela' c'u quib ri aj judeyib: “¿Jawije' ta lo cäbe wi, ri ma ta cäkarik na? ¿La cäbe ta lo cuc' ri ka winakil ri e jabuninak chquixo'l ri aj Gres? ¿La cäbe cuc' ri aj Gres che qui tijoxic?

Hechos 11:20

E c'o c'u jujun chque, e cojonelab wa' aj Chipr xukuje' aj Siren, aretak xebopan pa Antioquiy, xukuje' xequich'abej ri man aj judeyib taj, xquitzijoj ri utzalaj tak tzij re ri Ajawaxel Jesus chque.

Hechos 11:22

Xtataj u tzijol wa' cumal ri cojonelab re ri comon cojonelab ri c'o pa Jerusalen, xquitak c'u bic ri Bernabe rech cäbe pa Antioquiy.

Hechos 13:1

E c'o k'axal tak tzij xukuje' ajtijab chquixo'l ri comon cojonelab aj Antioquiy. E are wa' ri Bernabe, ri Simeon ri cäbix K'ek che, ri Lus aj Siren, ri Manaen ri junam xq'uiyisax ruc' ri Herod ri k'atal tzij re Galiley, xukuje' ri Sawl.

Hechos 13:4

Ri e are' e takom bic rumal ri Ruxlabal ri Dios, xekaj bic pa Seleusiy. Chila' c'ut xebel wi bic pa jun nim jucub, xebe pa Chipr.

Hechos 13:46

Ri Pawl xukuje' ri Bernabe xequich'abej ri winak, man xquixe'j ta quib, xquibij: “Rajawaxic ri u bixic ri u tzij ri Dios kumal chech alak nabe ri alak aj judeyib. Ri alak c'ut capakchi'j alak bic. Cak'at alak tzij pawi' alak chbil ib alak chi man takal ta ri junalic c'aslemal chech alak. Chilampe' alak, cujbe c'u na cuc' ri man aj judeyib taj.

Hechos 14:26

Xeboc c'u chupam jun nim jucub chila', xebe pa Antioquiy, jawije' xejach wi ulok pa ri u tok'ob ri Dios, che ri chac ri bantajinak cumal.

Hechos 15:22

Ri takomxenlab xukuje' tak ri tatayib ri quetakan ri comon cojonelab pa Jerusalen xukuje' conojel ri e re ri comon cojonelab utz xquilo ri qui cha'ic achijab chquixo'l che qui takic bic pa Antioquiy rech quecachilaj bic ri Pawl rachil ri Bernabe. Xquicha' c'u ri Juds ri cäbix Barsabas che rachil ri Silas, achijab wa' e qui nimakil ri kachalal.

Hechos 15:3

Xetak c'u bic cumal ri comon cojonelab, xeboc'ow pa Penis xukuje' Samar. Xquibij chque ri winak chi ri man aj judeyib taj qui yo'm can ri ojer qui c'aslemal, e cojoninak che ri Dios. Xquiya' c'u nimalaj qui quicotemal ri kachalal.

Hechos 15:30

Aretak e jachom chi bic, xekaj bic pa Antioquiy. Xequimulij ri cojonelab chila', xquiya' ri wuj chque.

Hechos 15:35

Ri Pawl rachil ri Bernabe xecanaj can pa Antioquiy cuc' q'uia kachalal chic, xequitakej u ya'ic tijonic xukuje' u tzijoxic ri cubij ri Ajawaxel.

Hechos 15:39

Nim c'ut ri c'ulelanib xwalij chquixo'l chi xquitasquib ri jun che ri jun chic. Ri Bernabe xuc'am bic ri Marcux, xebe puwi' ri plo, xebe pa Chipr.

Hechos 18:22

Xkaj c'u can pa Sesarey, xpaki' bic pa Jerusalen. Xuya' rutzil qui wäch ri comon cojonelab. Te c'u ri' xkaj bic pa Antioquiy.

Hechos 21:16

Xujcachilaj c'u bic jujun cojonelab aj Sesarey. C'o jun aj Chipr cuc', Mänason u bi', are ojer cojonel are' c'u cäyo'w na kokxanibal.

Hechos 21:2

Pa Patr xkarik wi jun nim jucub k'axem re pa Penis. Xujoc chupam, xujuc'am bic.

Hechos 3:26

Ri Dios, aretak xuc'astajisaj ri u C'ojol, chech alak xutak wi nabe, je xubano rech catewichitaj alak, rech chijujunal alak cäya' can alak ri etzelal.”

Hechos 4:36

C'o c'u jun achi Jose u bi', ri cäbix Bernabe che cumal ri takomxenlab. Quel cubij wa': “Ralc'ual Cu'bisabal C'uxaj” Ri are' aj levitib, ija'l re Chipr.

Hechos 6:5

Xkaj ri tzij chquiwäch conojel, xequicha' c'ut ri Estebn, are jun achi nojinak che cojonic xukuje' nojinak che ri Ruxlabal ri Dios, xukuje' xequicha' ri Pelip, ri Procr, ri Nicanor, ri Timon, ri Parmens xukuje' ri Nicolas ri aj Antioquiy ri u c'amom ri qui cojonic ri aj judeyib.

Gálatas 2:11

Aretak c'u xopan ri Lu' pa Antioquiy, xinc'ulelaj chupalaj, takal c'u u c'okoxic.