Hechos 10:4 - Quiché Bible

⁴ Ri Cornel xca'y che, xuxe'j rib, xubij: “¿Jas ri', Ajawaxel?” Ri tako'n aj caj xubij che: “Ri Dios utz cäril wi chi caban ch'awem, chi caya' tak to'banic chque ri c'o cajwataj chque.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ko xkaꞌyik xuxiꞌj ribꞌ, xubꞌij che: ¿Jas kaj la, tat? Ri ángel xubꞌij che: Ri Dios xuta ri achꞌawem xuqujeꞌ xqaj choch ri asipanik ri xaya chike ri mebꞌaibꞌ.

K'iche'

⁴ Ri are' sibalaj xuxej rib, co xca'y che ri ángel, xuta' che: ¿Jas caj la, tat? —xcha che. Are c'u ri ángel xubij che: Ri Dios retam jas a banom, chi sibalaj caban orar chuwäch, xukuje' rilom ri utzil ri caban chque ri winak. Man sachinak tä wa' che ri Are'.

K'iche' (New Orthography)

⁴ Ri are' sib'alaj xuxej rib', ko xka'y che ri ángel, xuta' che: ¿Jas kaj la, tat? —xcha che. Are k'u ri ángel xub'ij che: Ri Dios retam jas a b'anom, chi sib'alaj kab'an orar chuwäch, xuquje' rilom ri utzil ri kab'an chke ri winaq. Man sachinaq tä wa' che ri Are'.

Hechos 10:4 ပူးပေါင်းရင်းမြစ်များ

Ucab Tzijobelil 32:24

¡Pa ri k'ijol ri', ri Ezequiy xkasax rumal jun c'axalaj yabil; xuban c'u ch'awem ruc' ri Ajawaxel, ri xtzelex u wäch ri u ch'awem rumal, rumal jun mayibalalaj etal!

Ucab Tzijobelil 6:33

chatatabej la ulok kas chicaj, kas pa ri c'olbal ri lal jekel wi, chya' c'u la che ronojel ri cutz'onoj che la, rech quetamax wäch la cumal conojel ri winak ri e c'o cho ri uwächulew chiquiya' c'u k'ij la jas ri cuban ri tinimit la Israel, chuch'obo' c'ut chi cänatax ri bi' la chupam we achoch la ri' ri nu yacom che la.

Salmib 141:2

Ri nu ch'awem uc' la je chuxok jacha' ri c'oc'alaj k'ol chwäch la, e yactal c'ut ri e nu k'ab, jacha' sipanic rech benak k'ij.

Salmib 20:3

Chenataj conojel ri a sipanic che, chebuc'amowaj ruc' quicotemal ri e a tz'onobal tak tok'ob ri quebaporoj puwi' ri porobal.

Ri Isaiy 43:26

We c'o jas cana' chwij, ka chomaj rij. Chebac'ama' ulok ri to'bal tak awib, cäkil c'ut we man c'o jubik' a mac.

Ri Isaiy 45:19

Ri in man cheläk'al ta quinch'awic mawi quinch'aw pa k'eku'm tak c'olbal cho ri uwächulew. Ri in man quinbij ta chque ri e rija'l ri Jacob: ‘Chinitzucuj jawije' ri man c'o ta wi jas c'olic.’ In, ri Ajawaxel, quinbij ri kastzij, quintzijoj ri kas suc'.”

Ri Daniel 10:11

Xubij c'u chwe: ‘Daniel, ri cälok'ok'ex rumal ri Dios, kas utz u tatabexic chabana' ri quenbij chawe: Chatwalijok,; in takom c'u ulok awuc'.’ Xuwi c'u xq'uistaj qui bixic tak we tzij ri' rumal, ri in quinbirbitic, xintaq'ui'c.

Aj Levitib 2:2

cuc'am na bic chquiwäch ri e u c'ojol ri Aaron, ri e cojol tabal tok'ob, jun c'ut chque cuc'am na jumuk' che ri coc'alaj c'äj, rachilam ri aseit, cärachilaj ronojel ri c'oc'alaj k'ol, cuporoj c'u na puwi' ri porobal jacha' sipanic canicowisaxic re natabal, ri cäc'oc'at ruxlab che ri Ajawaxel.

Ri Malaquiy 3:16

(Ri nim caquil wi ri Dios xquitzijobela' c'u tak quib, are c'u ri Ajawaxel xoc il che u tatabexic ri caquibij. Chuwäch c'ut ri Ajawaxel xtz'ibax wi jun wuj, ri quenatax wi ri nim caquil wi ri Ajawaxel man c'u casach ta pa u jolom).

Ri Matey 26:13

Kastzij quinbij chiwe, chi ronojel c'olbal ri cätzijox wi na we utzalaj tak tzij ri' cho ronojel ri uwächulew, chila' xukuje' cätzijox wi na jas ri xuban we ixok ri' chwe che natabal rech.”

Ri Lucax 1:29

Ri Mariy c'ut, xumay ri u tzij, xuchomaj jas quel wa', chi je u ya'ic rutzil nu wäch wa' rumal.

Ri Lucax 24:5

Ri ixokib xquixe'j quib, xquipachba' quib, xquikasaj ri qui palaj cho ri ulew. Xquibij c'u ri achijab chque: “¿Jasche quitzucuj ri c'aslic chquixo'l ri cäminakib?

Hechos 10:31

Je xubij wa' chwe: ‘Cornel, tatajinak ri a ch'awem rumal ri Dios natal c'u che chi c'o a yo'm chque ri mebayib.

Hechos 14:9

cätajin cutatabej ri cubij ri Pawl. Are c'u ri Pawl, co xca'y che ri ch'oco'j, xrilo chi c'o u cojonic rech cutziric.

Hechos 22:10

Xinbij c'ut: ‘¿Jas caj la chi quinbano, Ajawaxel?’ Ri Ajawaxel xubij chwe: ‘Chatwalijok, jät pa Damasc. Chila' cäbix wi na chawe ronojel ri rajawaxic caban na.’

Hechos 3:4

Ri Lu' xukuje' ri Xuan xeca'y che. Xubij c'u ri Lu' che: “Chatca'y chke.”

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.

Filipenses 4:6

C'o jun jasach mixoc wi il, xane' chiya' ronojel chuwäch ri Dios pa ch'awem ruc' Dios; chixtz'onom che, chiya' c'u maltioxinic che xukuje'.

Hebreos 13:16

Chibana' utzil. Chijachala' ri jastak iwech chbil iwib. Mäsach wa' pa i jolom. Je tak sipanic wa' quekaj chuwäch ri Dios.

Hebreos 6:10

Suc' ri Dios, man cäsach ta pa u jolom ri chac ri i banom chi xilok'ok'ej ri u bi' aretak xebipatanij ri cojonelab, xukuje' ne c'ä camic.

Apocalipsis 8:4

Ri u sibal ri c'oc' k'ol cuc' ri qui ch'awem ri tastalic tak winak aj Dios, xpaki' pa u k'ab ri tako'n aj caj, xopan chuwäch ri Dios.

Nabe Samuel 3:10

Xopan c'ut ri Ajawaxel, xcanaj chi' xusiq'uij chic junam jas ri nabe: “¡Samuel!, ¡Samuel!” “Ch'aw la, cätatabex c'u la rumal we pataninel ech la ri',” xcha' ri Samuel.