Hechos 1:9 - Quiché Bible

⁹ Xbitaj c'u wa' rumal, aretak ri e u tijoxelab cätajin queca'y che, c'äte xquilo xwalijisax ri Jesus. Xc'am bic rumal jun sutz', xsach bic chquiwäch pa ri caj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Are xbꞌiꞌtaj we jastaq riꞌ rumal ri Jesús, ko xkaꞌyex kumal ri tijoxelabꞌ, kꞌa te riꞌ qas chikiwach xwaꞌjilisax bꞌik, xkꞌam bꞌik chikaj, xchꞌuq bꞌik pa jun sutzꞌ, man xekwin ta chik xkil uwach.

K'iche'

⁹ Aretak ri Jesús xto'taj chubixic wa' we tzij ri' chque ri apóstoles, xyac bi chicaj chquiwäch. Ri e are' tajin queca'y che aretak xpaki chicaj, xch'uktaj c'u rumal jun sutz', man xecowin tä chic xquilo.

K'iche' (New Orthography)

⁹ Aretaq ri Jesús xto'taj chub'ixik wa' we tzij ri' chke ri apóstoles, xyak b'i chikaj chkiwäch. Ri e are' tajin keka'y che aretaq xpaqi chikaj, xch'uqtaj k'u rumal jun sutz', man xekowin tä chik xkilo.

Hechos 1:9 ပူးပေါင်းရင်းမြစ်များ

Salmib 68:18

Nu Dios, xpaki' la chicaj xec'am tak la bic e alabim; xc'am la tojbal chquixo'l ri winak xukuje' ne' ri man e tal ta tzij xequijach tak quib pa k'ab la, Ajawaxel.

Elem 19:9

xubij c'u ri Ajawaxel che ri Moises: “Quinpe na che a tzijobexic pa jun tzatzalaj sutz'; rech cäquitatabej ri aj israelib aretak cätajin quintzijon awuc', jeri' cäquinimaj amak'el ri cabij chque.” Ri Moises xucamulij u bixic che ri Ajawaxel ri xutzelej u bixic ri tinimit,

Elem 34:5

Xkaj c'u ulok ri Ajawaxel pa jun sutz', xc'oji' c'u chila' ruc' ri Moises, xubij c'ut ri kas u bi'.

Ri Isaiy 19:1

Cäya' u bixic ri cuc'ulmaj na ri Ejipt: Chiwilampe' ri Ajawaxel: copan pa Ejipt u c'atal rumal jun sutz' ri aninak cäbinic. Chuwäch ri are' quebirbob ri e u diosib ri Ejipt chuwäch, conojel ri aj Ejipt cäquixe'j quib.

Ri Daniel 7:13

Ri in nu takem quilic tak we c'utwächinic ri' pa ri chak'ab ri', xak c'u c'ätetal: Xinwilo chi petinak jun pa tak ri sutz' ri je ta ne cäpe jun rija'l winak, xbe c'ut jawije' c'o wi ri Nim Winak; xoquisax c'u chuwäch.

Marcos 16:19

Ri Ajawaxel Jesus, aretak xuq'uis qui tzijobexic ri e u tijoxelab, xc'am xpaki' chicaj, xet'uyul pa ri riquiak'ab ri Dios.

Ri Lucax 21:27

C'äte ri' quilitaj na ri Rija'l Winak petinak pa jun sutz' ruc' chuk'ab, sibalaj nim u k'ij.

Ri Xuan 6:62

¿Jas c'u lo ri cäc'ulmataj na we quiwilo cäpaki' bic ri Rija'l Winak jawije' ri c'o wi nabe?

Hechos 1:11

Xquibij c'u chque: “Achijab aj galileyib, ¿jasche cätajin quixca'y chicaj? We Jesus ri' ri xc'am bic ajsic chiwäch pa ri caj, je jas ri xiwilo xbe chicaj, je cuban na wa' aretak cäpe chi na.”

Hechos 1:2

C'ä pa ri k'ij c'ut ri xpaki' chicaj. Aretak xbec, u yo'm chi can takanic, rumal ri Ruxlabal ri Dios, chque ri e u takomxenlab ri e u cha'om, jas ri rajawaxic cäquibano.

1 Tesalonicenses 4:17

C'äte ri' ri uj, ri uj c'asc'oj ri uj canajinak canok, cujc'am na bic junam cuc' ri cäminakib pa tak ri sutz' che u rikic ri Ajawaxel pa ri quiakik'. Jeri' cujc'oji' na ruc' ri Ajawaxel chbe k'ij sak.

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.

Apocalipsis 11:12

Ri quieb k'alajisanelab xquita' jun nimalaj ch'abal chicaj ri xubij chque: “Chixpakal ulok waral.” Xepaki' c'u chicaj pa jun sutz', xeilitaj cumal ri quec'ulelanic.

Apocalipsis 14:4

E are wa' ri man xquitz'iloj ta quib cuc' ixokib, mawi xec'uli'c. Are wa' ri queterenem ri Alaj Chij apawije' ta ne ri cäbe wi. Ri xelok' chquixo'l ri winak che ri Dios xukuje' che ri Alaj Chij, je ta ne ri e nabe tak u wächinic ri tico'n.