Hechos 1:12 - Quiché Bible

¹² Ri takomxenlab xebel bic chupam ri qui juyubal tak ri u Che'al Aseitun, xetzelej bic pa Jerusalen. Ri qui juyubal tak ri u Che'al Aseitun nakaj c'o wi che ri Jerusalen, be ri cäban pa jun k'ij re uxlanem ri cuya' ri pixab.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Are xeqaj loq ri e taqoꞌn cho ri juyubꞌ ri kabꞌix Olivos che ri kꞌo apanoq chi jun kilómetro che ri tinimit Jerusalén.

K'iche'

¹² Te c'u ri' xekaj lok ri apóstoles cho ri juyub ri xec'oji wi, ri cäbix Ujuyubal Olivos che. Xetzelejic, xebe' pa ri tinimit Jerusalén. Nakaj c'o wi ri juyub ri' che ri Jerusalén, man naj tä c'u ri cäbinibaxic, xuwi ri ya'talic chi cäbin jun pa ri k'ij re uxlanem (craj are jun kilómetro wa').

K'iche' (New Orthography)

¹² Te k'u ri' xeqaj loq ri apóstoles cho ri juyub' ri xek'oji wi, ri käb'ix Ujuyub'al Olivos che. Xetzelejik, xeb'e' pa ri tinimit Jerusalén. Naqaj k'o wi ri juyub' ri' che ri Jerusalén, man naj tä k'u ri käb'inib'axik, xuwi ri ya'talik chi käb'in jun pa ri q'ij re uxlanem (kraj are jun kilómetro wa').

Hechos 1:12 ပူးပေါင်းရင်းမြစ်များ

Ri Zacariy 14:4

Pa ri k'ij ri' ri Ajawaxel quebutac'aba' na ri rakan puwi' ri qui Juyubal tak ri u Che'al Aseitun, ri c'o chuwäch ri Jerusalen, ri c'o chusuq'uil ri elebal k'ij. Jun c'u nimalaj beya', ri cataken pa ri elebal k'ij quetakal pa ri u kajebal k'ij, cuban na quieb che ri qui juyubal tak ri u Che'al Aseitun. Pa niq'uiaj che ri juyub cäk'ax na pa ri iquiak'ab ri jun pa niq'uiaj chic cak'ax na pa ri mox k'ab.

Ri Matey 21:1

Aretak ri Jesus nakaj chic e c'o wi che ri Jerusalen, xebopan pa ri tinimit Betpaje, ri c'o chuxcut ri qui juyubal tak ri u Che'al Aseitun, ri Jesus c'ut xebutak bic quieb chque ri u tijoxelab,

Ri Matey 24:20

Chita' ba' che ri Dios chi ma ta quixanimaj bic pa ri sak'ij mawi pa jun k'ij re uxlanem.

Ri Matey 24:3

Ri Jesus t'uyul pa ri qui juyubal tak ri u Che'al Aseitun. Xebopan ri u tijoxelab ruc' pa qui tuquiel wi, che u ta'ic che: “Bij la chke, ¿Jampa' cäc'ulmax wa'? ¿Jas ri retal ri petbal la? ¿Jas ri retal ri u q'uisbalil ri uwächulew?”

Ri Matey 26:30

Aretak qui bixom chi jun bix, xebe pa ri qui juyubal tak ri u Che'al Aseitun.

Ri Lucax 19:29

Aretak ri Jesus nakaj chic c'o wi chque ri Betpaje xukuje' ri Betan, chuwäch apan ri qui juyubal tak ri u Che'al Aseitun, xebutak bic quieb u tijoxelab,

Ri Lucax 21:37

Ri Jesus quebutijoj ri winak pa k'ij pa ri rachoch Dios, chak'ab quel bic, cäroc'owisaj ri ak'ab pa ri qui juyubal tak ri u Che'al Aseitun.

Ri Lucax 24:50

Ri Jesus xebuc'am bic c'ä pa Betan. Xebuwalijisaj ri u k'ab, xebutewichi'j.

Ri Lucax 24:52

Xetzelej c'u pa Jerusalen ruc' nimalaj quicotemal.

Ri Xuan 11:18

Ri Betan c'o chunakaj ri Jerusalen, cäraj c'o niq'uiaj legua.