Hebreos 9:9 - Quiché Bible

⁹ Are c'u ri' c'ambal no'j pa ri k'ij camic. Ri winak ri cäquiya' sipanic xukuje' quequicämisaj awaj che tabal tok'ob cho ri Dios, man cuya' ta rumal ri qui k'ijilanic cäquina' pa ri canima' chi ma ta c'o qui mac,

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Ronojel we riꞌ xbꞌanik rech jeriꞌ xkꞌut chiqawach chi ri sipanik xuqujeꞌ ri tzujuꞌnijik ri katzujik man kꞌo ta ukwinem chubꞌanik sukꞌ che ri kichomabꞌal ri kakibꞌan ri qꞌijilaꞌnik riꞌ.

K'iche'

⁹ Ronojel c'u wa' xa are jun c'utbal chkawäch uj cämic. Ri sipanic c'ut, xukuje' tak ri awaj ri quecämisax che qui ya'ic cho ri Dios, man quecowin taj cäca'no chi ri winak ri quek'ijilanic chila' utz cäquina' pa canima' cho ri Dios.

K'iche' (New Orthography)

⁹ Ronojel k'u wa' xa are jun k'utb'al chqawäch uj kämik. Ri sipanik k'ut, xuquje' taq ri awaj ri kekämisax che ki ya'ik cho ri Dios, man kekowin taj käka'no chi ri winaq ri keq'ijilanik chila' utz käkina' pa kanima' cho ri Dios.

Hebreos 9:9 ပူးပေါင်းရင်းမြစ်များ

Romanos 5:14

Kas c'u ne pa ri u k'ijol ri Adan c'ä pa ri u k'ijol ri Moises, ri cämical xajawin paquiwi' conojel, pune' ri qui mac man are taj ri ma ta u nimaxic ri jun takanic, jacha' ri xuban ri Adan, ri are' u wächbalil ri cäpe na.

Gálatas 3:21

¿La cubij lo wa' chi ri pixab quebuc'ulelaj ri e u chi'nic ri Dios? Man je taj. We ta xya' jun pixab ri cäcuin che u ya'ic c'aslemal, cäban ta suc' ri' chke rumal ri u nimaxic ri pixab.

Hebreos 10:11

Ronojel cojol tabal tok'ob cutac'aba' rib ronojel k'ij che k'ijilanic, jewa' cubano q'ui mul quebucämisaj tak awaj che tabal tok'ob cho ri Dios. Ri cubano mawi jumul cäcuin che quesaxic tak ri mac.

Hebreos 11:19

Ri Abraham reta'm chi ri Dios c'o u cuinem che qui c'astajisaxic ri cäminakib; rumal ri' ri Abraham xuc'am chi jumul ri u c'ojol jacha' pa ri cämical, je xux jun c'ambal no'j.

Hebreos 5:1

Ronojel qui nimal ri cojol tabal tok'ob ri cha'om chquixo'l ri winak, are' cojom chuwäch ri Dios che qui q'uexwäch ri winak, rech cuya' sipanic cho ri Dios xukuje' quebucämisaj tak awaj che tabal tok'ob cho ri Dios rumal quech ri mac.

Hebreos 7:11

Ri e aj Israel xquic'am ri pixab chuxe' ri qui takanic ri levitib ri e cojol tabal tok'ob, e are' rija'l ri Aaron. We ta ba' ronojel xuban tz'akat cuc' ri e are', ma ta rajawaxic ri' chi cäwalij ta jun cojol tabal tok'ob chic jas ri cäjunamataj ruc' ri Melquisedec, ri man cäjunamataj taj ruc' ri Aaron.

Hebreos 8:4

We ta c'o ri Jesucrist cho ri uwächulew, ma ta cojol tabal tok'ob ri'. C'ä e c'o c'u na cojol tabal tok'ob ri cäquiya' sipanic jas ri cubij ri pixab.

Hebreos 9:24

Man xoc ta ri Crist pa ri k'ijilabal ri banom che qui k'ab ri winak, u wächbal ri kas k'ijilabal. Xane' xoc pa ri caj, camic c'ut cutac'aba' rib chuwäch ri Dios che ka q'uexwäch.

1 Pedro 3:21

Are c'u ri ja' pa ri u k'ijol ri Noe are' cuq'uexwächij ri roc'owem ri Jesus pa ri nimalaj c'ax ri cujcolow camic; rumal c'u ri' man cujcolotaj ta rumal ri u josk'ixic ri ka cuerp, xane' ri u c'amowaxic ri jun ch'ajch'ojalaj anima' che ri Dios rumal ri u c'astajic ri Jesucrist.