Hebreos 9:4 - Quiché Bible

⁴ Chila' xc'oji' wi jun porobal coc'al re k'an puak, xukuje' ri u caxa ri c'ulwächinic. Ri u caxa ri c'ulwächinic ronojel ch'ukutal rij che k'an puak. Chupam c'u wa' xc'oji' wi jun tzima re k'an puak ri xc'oji' wi ri jaswa', ri u ch'imiy ri Aaron ri xtuxic, xukuje' ri tz'alam tak abaj ri tz'ibam wi ri c'ulwächinic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ chilaꞌ kꞌo wi ri tzujbꞌal ri bꞌantal che qꞌana pwaq, xuqujeꞌ chilaꞌ kꞌo wi ri kaxa rech ri chꞌekom tzij ri chꞌuqtal che qꞌana pwaq. Pa ri kaxa kꞌo wi ri jun xaruꞌ bꞌantal che qꞌana pwaq ri yaꞌtal maná chupam, xuqujeꞌ ri uchꞌamiꞌy ri Aarón ri xtuxik, rachiꞌl ri lajuj taqanik ri tzꞌibꞌatalik cho ri kebꞌ tzꞌalam abꞌaj.

K'iche'

⁴ Chila' c'o wi ri ta'bal tok'ob re k'än puak ri cäporox wi ri incienso, xukuje' ri caxa ri ch'ukum rij che k'än puak, ri c'olotal wi ri trato. Chupam ri caxa ri' c'o jun xaro re k'än puak ri c'o maná chupam, c'o c'u ru ch'imiy ri ka mam Aarón ri xtuxic, xukuje' e c'o ri tz'alam tak abaj chupam ri xetz'ibax wi ri takanic re ri trato.

K'iche' (New Orthography)

⁴ Chila' k'o wi ri ta'b'al toq'ob' re q'än puaq ri käporox wi ri incienso, xuquje' ri kaxa ri ch'uqum rij che q'än puaq, ri k'olotal wi ri trato. Chupam ri kaxa ri' k'o jun xaro re q'än puaq ri k'o maná chupam, k'o k'u ru ch'imiy ri qa mam Aarón ri xtuxik, xuquje' e k'o ri tz'alam taq ab'aj chupam ri xetz'ib'ax wi ri taqanik re ri trato.

Hebreos 9:4 ပူးပေါင်းရင်းမြစ်များ

Nabe Ajawinelab 7:50

ri e kumubal tak, ri kopibal tak qui wi' ri mecha', ri nimak tak lak, ri nimak tak paq'uebal ri e bukibal, conojel e re utzalaj k'an puak. Xukuje' e re k'an puak ri e qui wiki'b tak ri e roquibal ri Sibalaj Tastalicalaj C'olbal, ri c'o chupam ri rachoch Dios, xukuje' ri rech tak ri e roquibal ri rachoch Dios.

Nabe Ajawinelab 8:21

Nu banom c'u ne jun c'olbal che ri caxa jawije' c'o wi ri c'ulwächinic ri xuban ri Ajawaxel cuc' ri e ka mam aretak xeresaj ulok pa Ejipt.”

Nabe Ajawinelab 8:9

Man c'o ta c'u jas c'o chupam ri caxa xane' xak xuwi ri quieb tz'alam tak abaj ri xebuya' ri Moises chupam chila' pa Horeb, ri quieb tz'alam rech ri c'ulwächinic ri xuban ri Ajawaxel cuc' ri aj israelib aretak xebel ulok pa Ejipt.

Ucab Tzijobelil 5:10

Chupam ri caxa xuwi e c'o ri quieb tz'alam abaj ri xebuya' ri Moises chupam pa Horeb, ri tz'alam tak abaj re ri c'ulwächinic ri xuban ri Ajawaxel cuc' ri aj israelib aretak xebel ulok pa Ejipt.

Elem 26:33

Caxequeba' ri ch'ukubal cuc' ch'epebal re k'an puak, chila' c'ut, chrij ri ch'ukubal caya' wi ri caxa ri c'olbal re ri c'ulwächinic. We ch'ukubal ri' cajwataj na chiwe che tasbal u xo'l ri c'olbal tastalic ruc' ri c'olbal ri sibalaj tastalic.

Elem 31:18

Aretak ri Ajawaxel xutanaba' u tzijobexic ri Moises puwi' ri juyub Sinai, xebujach quieb tz'alam abaj che ri tz'ibatal wi ri pixab rumal ri kas u wi' u k'ab ri Dios.

Elem 32:15

Xkaj c'u ulok ri Moises puwi' ri juyub, u c'amom ulok ri quieb tz'alam tak abaj ri e tz'ibatal wi ri pixab, tz'ibatal c'u ri caperaj qui wäch.

Elem 34:29

Aretak xto'taj ri Moises, xkaj ulok chuxe' ri juyub Sinai e ruc'am ulok ri quieb tz'alam tak abaj ri e tz'ibatal wi ri pixab, man c'o ta c'u cunabej chi ri u palaj cäjuluwic rumal rech chi xtzijon ruc' ri Ajawaxel.

Elem 37:25

Ri Bezaleel xuban ri porobal ri cäporox wi ri c'oc' k'ol, che' re q'uisis xucoj che. Cajtzalaj, ruc' niq'uiaj bara' u rabic, niq'uiaj bara' u wäch, jun bara' rak'anibal. Ri e ruc'a' xa jun cuc'axic quib ruc' ri porobal ri cäporox wi ri c'oc' k'ol.

Elem 39:35

ri caxa re ri c'ulwächinic ri e u balul, ri tz'apibal.

Elem 40:3

Chacojo' ri caxa ri c'o wi ri c'ulwächinic chupam, cach'uk c'u ruc' ri ch'ukubal.

Aj Levitib 16:12

Cuc'am c'u jun bukibal nojinak che rachak k'ak' ri e c'amom puwi' ri porobal chuwäch ri Ajawaxel, xukuje' camuk' coc'alaj k'ol joc'om, cuc'am bic chrij ri ch'ukubal.

Ajilanic 17:10

Xubij c'ut ri Ajawaxel che ri Moises: “Chatzelej ri u ch'amiy ri Aaron chuwäch ri caxa rech ri c'ulwächinic, chac'olo' c'u chi' jacha' che jun c'utbal che we tinimit ri' ri man cacaj ta ch'abexic. Jeri' caban na chi caquitanaba' na nu yok'ic chawäch, man c'u quecäm ta na.”

Ajilanic 17:5

Quinbana' chi cätux ri u ch'amiy ri nu cha'om, je c'u ri' ri aj israelib man cäquitakej ta chi na i yok'ic chnuwäch in.”

Ajilanic 17:8

chucab c'u k'ij, aretak xbe pa ri Lic'om Rachoch Dios, xrilo chi ri u ch'amiy ri Aaron, ri rech ri ramak' ri Levi, tuxirinak: e q'uiyinak tak ri u tux, cotz'ijaninak, e c'o c'u tak almendr chuwäch ri e chak'.

U Camulixic ri Pixab 9:11

E oc'owinak chic ri cawinak (40) k'ij, ri cawinak (40) ak'ab, ri Ajawaxel xuya' ri quieb tz'alam tak abaj chwe, ri tz'alam tak re ri c'ulwächinic,

U Camulixic ri Pixab 9:9

Ri in xinpaki' puwi' ri juyub che qui c'amic ulok ri tz'alam tak abaj, ri tz'ibatal wi ri lajuj pixab, xinbeytaj c'u cawinak k'ij, cawinak ak'ab chila', man c'o ta wa xintijo mawi c'o xinwuq'uiaj.

Apocalipsis 11:19

Xjaktaj c'ut ri rachoch Dios pa ri caj. Xilitaj c'ut ri caxa re ri u c'ulwächinic chupam ri rachoch Dios. Xec'ulmataj caypa', jininem, cakultakja, cabrakan xukuje' nimalaj sakbach.

Apocalipsis 8:3

Xpe chi jun tako'n aj caj, xtaq'ui chuwäch ri porobal, ruc'am jun bukibal re k'an puak. Xya' q'ui c'oc' k'ol che, rech cutik chque ri e qui ch'awem conojel ri e tastalic tak winak aj Dios, puwi' ri porobal re k'an puak ri c'o chuwäch ri tem re ajawibal.