Hebreos 8:9 - Quiché Bible

⁹ We c'ulwächinic' man je taj jas ri xinban cuc' ri e qui mam pa ri k'ij aretak xebenc'am che ri qui k'ab che quesaxic ulok pa Ejipt; rumal c'u rech chi ri e are' man xquitz'akatisaj taj ri nu c'ulwächinic, ri in xebenya' canok,’ cächa' ri Ajawaxel.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Man kajunumataj taj rukꞌ ri chꞌekom tzij ri xinbꞌan kukꞌ ri itat inan ojer, are xeꞌnwesaj loq pa Egipto xeꞌntzuyej loq, rumal kꞌu che ri man xejeqiꞌ taj pa ri chꞌekom tzij, man xel ta chi na kꞌuꞌx chike.

K'iche'

⁹ Man junam tä c'u ri' ruc' ri trato ri xinban cuc' ri qui mam ojer pa ri k'ij ri xinc'am qui be rech queinwesaj lok pa ri nim tinimit Egipto. Man xca'n tä c'ut jas ri cubij ri trato ri xinban cuc', rumal c'u ri' xeinya canok, cubij ri Kajaw Dios, —cächa ri'.

K'iche' (New Orthography)

⁹ Man junam tä k'u ri' ruk' ri trato ri xinb'an kuk' ri ki mam ojer pa ri q'ij ri xink'am ki b'e rech keinwesaj loq pa ri nim tinimit Egipto. Man xka'n tä k'ut jas ri kub'ij ri trato ri xinb'an kuk', rumal k'u ri' xeinya kanoq, kub'ij ri Qajaw Dios, —kächa ri'.

Hebreos 8:9 ပူးပေါင်းရင်းမြစ်များ

Chapletajic 19:16

Xbeytaj c'u ri Lot, ri quieb tako'nib aj caj xquiyukej bic che ri u k'ab, rumal rech chi xel u c'u'x ri Ajawaxel che. Xukuje' xquic'am bic ri rixokil, ri quieb u mia'l, naj xequic'am wi bic che ri tinimit rech queto'tajic.

Ri Job 8:20

Ri Dios man cuwonoba' ta ri winak ri man c'o ta macaj pa ri u c'aslemal, mawi quebutok'ej ri banal tak etzelal.

Salmib 105:43

Jewa' xuban ri Dios aretak xresaj ulok ri u tinimit ri cha'talic, cuc' rakoj tak chi'aj re quicotemal,

Salmib 77:20

Xc'am la u be ri tinimit la jacha' jumulaj chij, rumal ri Moises xukuje' ri Aaron.

Salmib 78:57

je xquibano jas ri xequiban ri qui mam, xquixutuj canok, man xebin ta jic chuwäch; ¡xejech'obic jacha' jun subunelalaj q'uiakbal ch'ab!

Elem 32:8

Chanim c'ut xquitas quib che ri be ri xebentak che u ternexic. Xquija'risaj k'an puak, xquiban jun alaj ama' wacax, cätajin cäquik'ijilaj, xukuje' cätajin cäquiya' tabal tok'ob chuwäch, cäquibij c'ut: ‘Israel, are a dios wa' ri xatesan ulok pa Ejipt.’”

Elem 34:10

Ri Ajawaxel xubij: “Chixtatabenok: In quinban camic jun c'ulwächinic ruc' ronojel ri a tinimit. Quebenban na mayibal tak jastak ri mawi jumul e banom pa jun nim tinimit chic ri c'o cho ri uwächulew, conojel c'u ri winak ri e c'o chquinakaj cäquil na ri cäcuin ri Ajawaxel che u banic, e mayibal tak c'ut ri quebenbana' na iwuc'.

Bixonic Tak 8:5

“¿Jachin wa' ri cätajin capaki' ulok pa ri chaki'j uwo sak, tzalan puwi' ri u teleb ri lok' chuwäch?” “Chuxe' jun u che'al mansa'n xinya' wi latz' che ri a waram: chila' jawije' xebucoch' wi k'oxom ri a nan; chila' jawije' xatralaj wi ri a nan.”

Ri Isaiy 40:11

Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.

Ri Isaiy 41:13

Rumal rech chi ri in, ri Ajawaxel ri a Dios at nu yukem che ri a k'ab; in nu bim chawe: ‘Man caxe'j ta awib, in catinto'.’ ”

Ri Isaiy 51:18

Chquixo'l conojel ri awal ri e c'olic man c'o ta jun chque cäc'amow ta na a be chquixo'l conojel ri awal ri e a q'uiyisam man c'o ta jun chque catyuken ta na che ri a k'ab.

Ri Isaiy 63:9

xeresaj pa conojel ri e qui rikoj tak c'ax. Man jun u tako'n ta ri xecolowic are ri Ajawaxel chwinakil. Are xetorowic rumal ri lok'ok'ebal u c'u'x xukuje' rumal ri relebal u c'u'x, xebuwalijisaj xebuloquej pa u k'ab. Je u banom wa' amak'el.

Ri Jeremiy 31:32

We c'ulwächinic ri' man je taj jacha' ri xinban cuc' ri e qui mam, aretak xeben yukej che ri qui k'ab che quesaxic ulok pa Ejipt; rumal chi man xquitz'akatisaj taj u banic ri nu c'ulwächinic e wech c'u ne. In, ri Ajawaxel, quinjiquiba' u bixic.

Juyuwem 4:16

Ri u wächbal ri Ajawaxel xejabunic, man xuya' ta chi u wäch chque. Man nim ta chi xebil wi ri e cojol tabal tok'ob mawi xtok'obisax qui wäch ri ri'jab tak winak.

Ri Ezequiel 16:59

In, ri Ajawaxel, quinbij: “Quinya' na ri c'äjisabal a wäch ri takal chawe, man xatz'akatisajtaj u banic ri chi'nic ri kas cäban na xatcha' wi xukuje' man xatz'akatisajtaj ri c'ulwächinic.

Ri Ezequiel 16:8

Xinoc'ow chi chaxcut, xinca'y c'u chawe; chi c'o chic a junab che ri taquenic. Xinlic' ri nu ch'ukubem wib pawi', xinch'uk ri a cuerp ri ch'analic, xinya' c'u nu tzij chawe che awuc'axic; xinban jun c'ulwächinic awuc', xatux c'u wech. In, ri Ajawaxel, quinjiquiba' u bixic.

Ri Amos 5:22

Man quenwaj taj ri je'lalaj tak c'oc'al ri quebichi'j che u ya'ic nu k'ij, mawi tak ri e i sipanic quech tak c'äj; man quebenc'amowaj ta ri k'obinak alaj tak ama'ib tak wacax ri quebiya' che tabal tak tok'ob re utzirisan tak ib.

Ri Malaquiy 2:13

Are c'u ri ix c'o chi na jubik' u wi ri qui bano: quich'akakisaj ri porobal ri rech ri Ajawaxel cuc' tak ri u wa'l tak i wäch, quixjuyuw c'u ruc' nimalaj ok'ej rumal rech chi ri Ajawaxel man quebuc'amowaj ta chic ri e i sipanic ruc' ronojel ranima'.

Marcos 8:23

Ri Jesus xuc'am ri man cäca'y taj che ri u k'ab, xresaj bic pa ri tinimit. Xuya' ri u chub pa tak ri u bak'wäch, xebuya' ri u k'ab puwi', xuta' che: “¿La c'o jas cawilo?”

Hechos 13:11

Camic cac'äjisax na a wäch rumal ri Ajawaxel: Catmoyir na, man cawil ta chic ri k'ij c'ä pa jun k'ijol chi na.” Chanim c'ut xcanaj ri Elims pa k'ekumalil xukuje' pa räxcanacojil. Cäbinic, man cuch'ob taj jawije' cäbe wi. Cutzucuj c'ut jachin cayuken bic che ri u k'ab.

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

Hechos 9:8

Xwalij c'u ri Sawl cho ri ulew; xebujak ri u bak'wäch, man caca'y ta chic. Je c'u ri' xyukex bic che ri u k'ab, xc'am bic pa Damasc.

Gálatas 4:24

Are wa' jun c'ambal no'j; we quieb ixokib ri' cäquiq'uexwächij ri quieb c'ulwächinic: Ri jun are u q'uexwäch ri juyub Sinai, are wa' ri Agar; ri quebalax rumal ri are', e c'o chuxe' patanijic.

U Camulixic ri Pixab 29:1

E are' tak tzij wa' re ri c'ulwächinic ri xuya' wi takanic ri Ajawaxel che ri Moises chi cuban cuc' ri aj israelib pa ri Moab, c'o chi c'u wi na can ri' ri c'ulwächinic ri u banom chi can cuc' pa ri juyub Horeb.

U Camulixic ri Pixab 29:12

rech quiya' i tzij aretak quiban ri chi'nic ri kas cäban na chi quinimaj ri c'ulwächinic ri cuban ri Ajawaxel ri i Dios iwuc' camic.

U Camulixic ri Pixab 29:25

Ri catzelex na u bixic: ‘Rumal rech chi xquixutuj can ri u c'ulwächinic ri Ajawaxel, ri qui Dios ri e qui mam; ri xuban cuc' aretak xeresaj ulok pa Ejipt,