Hebreos 6:2 - Quiché Bible

² ri tijonic chrij tak ri kajem pa tak ri ja', ri nak'atisabal ib che quich'ajic k'abaj, ri quic'astajic ri cäminakib xukuje' ri q'uisbal k'atan tzij.

RI KꞌAKꞌ TESTAMENTO PA TZIJOBꞌAL KꞌICHEꞌ

² ri ucholajil chirij ri qasanaꞌ, ri yaꞌoj qꞌabꞌaj pa kiwiꞌ ri winaq, ri kꞌastajibꞌal kiwach ri kaminaqibꞌ xuqujeꞌ ri qꞌatoj tzij ri man kꞌo ta ukꞌisik.

K'iche'

² Mäkatzijoj chic xak xuwi ri tijonic chrij ri kasna', o chrij ru ya'ic k'abaj pa qui jolom ri cojonelab, chrij ri qui c'astajic ri cäminakib, xukuje' chrij ri k'atow tzij, tojbal ri man c'o tä u q'uisic ri cuya ri Dios chque ri winak.

K'iche' (New Orthography)

² Mäqatzijoj chik xaq xuwi ri tijonik chrij ri qasna', o chrij ru ya'ik q'ab'aj pa ki jolom ri kojonelab', chrij ri ki k'astajik ri käminaqib', xuquje' chrij ri q'atow tzij, tojb'al ri man k'o tä u k'isik ri kuya ri Dios chke ri winaq.

Hebreos 6:2 ပူးပေါင်းရင်းမြစ်များ

Ri Tzijonel 12:14

Ri Dios cutz'onoj na chke ri cajilabal conojel tak ri e ka banoj, we e utz, we man e utz taj, pune' e ka banom chi c'uyal.

Ri Isaiy 26:19

E are c'u ri cäminak la quec'asi' chi na, ri e qui bakil quec'astaj na. Ri quewar chupam ri ulew quec'asutaj na cäquirak na qui chi' ruc' quicotemal. Cätak c'u la ulok ri sakil la jacha' ri räx k'ab e are' tak c'ut ri cäminakib queq'uiy chi na chupam ri ulew.

Ri Daniel 12:2

E q'ui chque ri cätajin quewar chupam tak ri mukubal quec'astaj na: jujun quec'asi' na re chbe k'ij sak, jujun chi c'ut che esbal q'uixbal xukuje' che ri xibibal ri e junalic.

Ri Matey 28:19

Rumal c'u ri', jix, chibana' tijoxelab chque ri winak pa conojel ri tinimit cho ri uwächulew. Chibana' qui bautism pa ri u bi' ri Tataxel, pa ri u bi' ri C'ojolaxel xukuje' pa ri u bi' ri Ruxlabal ri Dios.

Ri Matey 3:14

Ri Xuan are ta xraj xuk'ilo, xubij c'u che ri Jesus: “In ta ri' ri rajawaxic cäban la ri nu bautism. ¿Are c'u ri lal cäpe la wuc'?”

Marcos 16:16

Apachin ri cäcojonic, cäban c'u ri u bautism, cäcolotaj na. Apachin c'u ri man cäcojon taj, cac'okox na.

Marcos 7:4

Aretak quetzelej ulok pa ri c'ayibal, we man cäquijosk'ij quib jas ri cubij ri tijonic, man quewa' taj. Xukuje' xequiban q'ui jastak chic rech cäquinimaj ri qui tijonic ri nimak tak tatayib. Quequich'aj tak ri uq'uiabal, ri t'uy, ri lak re k'an ch'ich'.)

Marcos 7:8

I yo'm can ri u takanic ri Dios, quinimaj c'u ri qui tijonic ri winak.”

Ri Lucax 11:38

Ri parisey xrilo chi ri Jesus man xuch'aj ta ri u k'ab aretak xoc che ri wa'im, xumay wa'.

Ri Lucax 12:50

Quinoc'ow na chupam jun xibibalalaj c'ämbejebal, ¡cätajin c'u quinc'axc'obic c'ä cäbantaj na ronojel!

Ri Lucax 14:14

Catquicot na, rumal rech chi ri e are' man quecuin ta che u tojic u q'uexel chawe. Cätoj c'u na u q'uexel chawe aretak quec'astaj na ri suc'alaj tak winak chquixo'l ri cäminakib.”

Ri Lucax 3:16

Xch'aw ri Xuan, xubij chque conojel: “In kastzij quinban ri i bautism pa ri ja'. Petinak c'u jun chwij ri c'o na u cuinem chnuwäch. Man takal ta chwe chi quinquir ri u c'amal ri u xajäb. Ri are' quixucoj na pa ri Ruxlabal ri Dios; o quixucoj na pa ri k'ak'.

Ri Xuan 1:33

Ri in man weta'm ta u wäch, are' c'ut ri xintakowic chi quinban ri bautism pa ri ja', wa' xubij chwe: ‘Jachin puwi' cawil wi chi cäkaj wi ri Uxlabaxel cabeytaj c'u puwi', are' wa' ri cäcojow ri winak pa ri Ruxlabal ri Dios.’

Ri Xuan 5:29

quebel na ulok pa tak ri mukubal. Ri winak ri xquiban ri utz quec'astaj na rech cäc'oji' na qui c'aslemal; e are c'ut ri winak ri xquiban etzelal, quec'astaj na che c'okotajem.”

Hechos 10:47

Are' c'u ri Lu' xubij: “¿La cuya' ta c'ut cäk'atixic chi we winak ri', ri qui c'amom ri Ruxlabal ri Dios je jas ri uj, chi mat cäban ri qui bautism?”

Hechos 13:3

Aretak c'ut, bantajinak chic ri ch'awem ruc' Dios xukuje' bantajinak chic ri man u tijowic ta wa, xequiya' ri qui k'ab paquiwi', xequijach bic.

Hechos 16:15

Xban c'ut ri bautism junam cuc' conojel ri e c'o chupam ri rachoch, xujubochi'j c'u na: “We ri ix i k'alajisam chi kastzij in cojoninak che ri Ajawaxel, chixpetok chixelc'ol chupam ri wachoch.” Xucoj chuk'ab chke chi cujcanaj can chila'.

Hechos 16:33

Kas c'u pa ri jok'otaj chak'ab, ri chajil che' xebuc'am bic, xebuch'aj tak ri e qui socotajic, chanim xban c'ut ri u bautism, ri are' xukuje' conojel ri e c'o chupam ri rachoch.

Hechos 17:18

E c'o c'u ne jujun ajchomanelab aj epicurib xukuje' aj estoiquib xquichaplej chomanic ruc'. Jujun c'ut caquibij: rech “¿Jas lo ri cäraj we rok'ok'enel ri?” Niq'uiaj chi c'ut caquibij: “Je' ta ne ri quebutzijoj jule' diosib chic.” Je xquibij rumal rech chi ri Pawl cutzijoj ri Jesus chque, cubij chi xc'astaj chquixo'l ri cäminakib.

Hechos 2:38

Ri Lu' xutzelej u bixic chque: “Chq'uexa' c'u'x alak, chban c'ut ri bautism alak pa ri u bi' ri Jesucrist chjujunal alak, chuc'utic chi e cuyutajinak chic ri mac alak, cäc'am c'u alak ri cochinic ri are' ri Ruxlabal ri Dios.

Hechos 2:41

Je c'u ri' ri xquic'amowaj ri u tijonic, xban c'ut ri bautism; craj c'u ne e c'o oxib mil winak xetikitaj chque ri cojonelab pa ri k'ij ri'.

Hechos 23:6

Cuch'ob ri Pawl chi ri niq'uiaj winak e saduseyib, ri niq'uiaj chic e pariseyib. Xch'aw c'u ruc' chuk'ab chquiwäch ri comon re ri qui nimakil ri aj judeyib, xubij: “Wachalal, in parisey, in u c'ojol jun parisey. Cäk'at c'u tzij panuwi' rumal rech chi cu'l nu c'u'x chi quec'astaj na ri cäminakib.”

Hechos 24:15

C'o c'u weyebal c'u'x chrij ri Dios jacha' xukuje' ri e are' chi quec'astaj na ri cäminakib, chi e utz chi e lawalo.

Hechos 24:21

We ne c'o jas cäquirik chwij rumal we jun tzij ri', ri co xinbij aretak in tac'al chquiwäch: ‘Cäk'at tzij panuwi' camic umal alak, rumal rech chi quinbij chi quec'astaj ri cäminakib.’ ”

Hechos 24:25

Aretak c'u ri Pawl xutzijoj ri jun suc'alaj c'aslemal che, ri k'iloj ib xukuje' ri k'atan tzij ri cäpe na. Ri Pelics xuxe'j rib, xubij che: “Xak je na la', cuya' catbec. Aretak c'ut cäbantaj wumal, quintakan chi na che a siq'uixic.”

Hechos 26:8

¿Jasche man cacoj ta alak chi ri Dios quebuc'astajisaj cäminakib?”

Hechos 4:2

Xpe coyowal chque ri Lu' xukuje' ri Xuan rumal rech chi quequitijoj ri winak, cäquibij chi ri Jesus xc'astaj chquixo'l ri cäminakib.

Hechos 6:6

Xequic'am c'u bic chquiwäch ri takomxenlab. Xquiban ch'awem ruc' Dios, xquiya' ri qui k'ab paquiwi'.

Romanos 2:16

pa ri k'ij aretak ri Dios cuk'at na tzij rumal ri Jesucrist puwi' ronojel ri e awatal cumal ri winak, jas ri cubij ri tzij ri quintzijoj.

1 Corintios 10:2

Conojel xejunataj ruc' ri Moises aretak xejunataj chuxe' ri sutz' xukuje' pa ri plo.

1 Corintios 12:13

Xak c'u junam chke konojel, chi aj judeyib chi man aj judeyib taj, lok'om pataninelab o e torotalic, xujjunatajic rech cujux xa' jun cuerp rumal xa' jun Uxlabal; chke c'ut konojel xya' wi ruq'uiaxic ke che we kas Uxlabal ri'.

2 Corintios 5:10

Rajawaxic c'ut chi konojel cäkatac'aba' na kib chuwäch ri u k'atbal tzij ri Crist, rech chkajujunal cäkac'am na ri tojbal re ri ka banom aretak c'ä uj c'o pa ri ka cuerp, we utz, we man utz taj.

Filipenses 3:21

Ri cujal wachij na ri ka cuerp ri man nim ta u k'ij, cux na xak junam ruc' ri juluwemalaj u cuerp, jas ri u cholajil ri cuinelalaj u cuinem ri rumal wa' xukuje' cäcuinic quebucoj conojel ri jastak chuxe' ri u takanic.

Colosenses 2:12

aretak xban ri i bautism, jun c'utbal chi xa ix jun chic ruc' ri Crist, ri ix xixmuk junam ruc' ri are', xukuje' xixc'astaj junam ruc' rumal rech chi xixcojon che ri u cuinem ri Dios, ri xc'astajisan ri Crist chquixo'l ri cäminakib.

2 Timoteo 2:18

Ri e are' xesachic, xquiya' can ri kastzij, cäquibij chi bantajinak chic ri c'astajibal, cäquituquij ri qui cojonic jujun.

Hebreos 11:35

Jujun ixokib xequic'am ri qui cäminakib rumal chi xec'astajic. E c'o jujun chic xquirik c'ax, man xcaj ta c'ut chi quecol chuwäch ri c'ax, churikic jun c'astajibal ri sibalaj utz na.

Hebreos 9:10

rumal rech chi xak takanic wa' chquij jastak ri quebilitajic, chrij ri wa, ja' xukuje' q'ui qui wäch ch'ajanic. Ri xuwi c'o qui patan aretak c'ämajok chuban ri Dios ri q'uextajem.

2 Pedro 3:7

Are c'u ri caj ulew ri e c'o camic, e chajin rumal ri u tzij ri Dios c'ä pa ri k'ij re k'atoj tzij, queporox c'u na, aretak cäsach na qui wäch ri winak ri man cäquiya' ta u k'ij ri Dios.