Hebreos 5:9 - Quiché Bible

⁹ Tz'akatirinak chi c'ut, xux junalic colol quech conojel ri queniman che.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Are xtoꞌtaj ri Cristo chubꞌanik ronojel ri karaj ri Dios, xuxik kolonel rech jeriꞌ xuya kikoltajem konojel ri kenimanik.

K'iche'

⁹ Je ri' kas xujach rib chubanic ronojel ru rayibal ri Dios. Rumal c'u ri Are' xpe ri tobanic ri man c'o tä u q'uisic ri cuya ri Dios chque conojel ri queniman che.

K'iche' (New Orthography)

⁹ Je ri' qas xujach rib' chub'anik ronojel ru rayib'al ri Dios. Rumal k'u ri Are' xpe ri tob'anik ri man k'o tä u k'isik ri kuya ri Dios chke konojel ri keniman che.

Hebreos 5:9 ပူးပေါင်းရင်းမြစ်များ

Salmib 45:17

Quinban na chi cänatax ri bi' la cumal ri c'äte queq'uiy chic, chyo'k ta k'ij la cumal tak ri tinimit amak'el, chbe k'ij sak.

Salmib 51:6

Kastzij, ri lal calok'ok'ej la ri anima' ri jicom, cäc'ut la ri no'j chnuwäch chupam ri wanima'.

Salmib 51:8

Chinnojisaj la che utzil xukuje' quicotemal; chinquicotisaj chi c'u na la jumul, pune' in c'axc'obisam la.

Ri Isaiy 45:22

Chixpet wuc', quixincol c'u na, tinimit tak ri ix c'o c'ä chutza'm ri uwächulew, in c'u ri Dios, man c'o ta chi jun.

Ri Isaiy 49:6

jewa' cubij: “Man cuban ta wa' chi catux at pataninel wech xuwi rech quebawalijisaj ri e ramak' ri Jacob, xukuje' rech quebatzelej ulok ri aj israelib ri e to'tajinak canok; in quinban na chi catux chäj chque tak ri nimak tak tinimit, rech cac'am bic ri colobenic ri quinya'o c'ä pa tak ri c'olbal naj cho ri uwächulew.”

Ri Isaiy 50:10

Ix ri nim quiwil wi ri Ajawaxel xukuje' quitatabej ri u ch'abal ri pataninel rech: we quixbin pa ri k'eku'm, man c'o ta jubik' i chaj, chicu'ba' i c'u'x chrij ri Ajawaxel; chitok'ej iwib che ri i Dios.

Ri Isaiy 55:3

Chixpet wuc', chitatabej ri quinbij, chitampe' ri quinbij, quixc'asi' c'u na. In quinban na iwuc' jun junalic c'ulwächinic, jewa' ri qui tz'akatisaxic tak ri chi'nic ri xinban rumal ri u lok'al ri David.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Ri Zacariy 6:15

Quepe na winak ri naj quepe wi, rech quebeltob che u banic ri rachoch ri Ajawaxel; c'äte c'u ri quich'ob na ix chi are' ri Ajawaxel ri c'o ronojel u cuinem are' ri xintakow ulok. Wa' quec'ulmatajok aretak ri ix chitatabej ri u ch'awebal ri Ajawaxel ri i Dios chixniman c'u che.

Ri Matey 17:5

C'ä cätajin cätzijon ri Lu', xpe c'u jun sutz' ri cäjuluwic, xebuch'uku. Xtataj c'u jun ch'abal pa ri sutz' ri xubij: “Are lok'alaj nu C'ojol wa', ri cäkaj chnuwäch. Chitatabej ba ri u tzij.”

Ri Lucax 13:32

Ri Jesus xubij chque: “Jix, chibij che ri yac ri': ‘Chawilampe', quebenwesaj na itzel tak uxlabal, quinq'uis cunanic camic xukuje' chwek. Churox k'ij c'ut quinto'taj che ri nu chac.’

Ri Xuan 19:30

Aretak xutz'ub ri ch'amalaj u wa'l uva, ri Jesus xubij: “Xtz'akatic.” Xupachba' ri u jolom, xcämic.

Hechos 3:15

Xcämisaj alak ri jun ri xbanow ri c'aslemal. Xc'astajisax c'u wa' rumal ri Dios chquixo'l ri cäminakib. Ri uj c'ut xkilo chi kastzij xc'astajic.

Hechos 4:12

Man c'o ta chi jun c'o ta wi colobal ib, ri Dios c'ut man u yo'm ta chke ri u bi' ta chi jachin jun cho ri uwächulew ri cujcuin ta wi cujcolotaj ta wi.”

Hechos 5:32

Uj, c'u uj k'alajisal rech ronojel wa'. Xukuje' ri Ruxlabal ri Dios cuk'alajisaj wa', ri u yo'm ri Dios chque ri queniman che.”

Romanos 1:5

Ri rumal kac'amom ri tok'ob xukuje' ri takomal rech cänimax ri cojonic chquixo'l conojel ri man e aj judeyib taj, che u lok'ok'exic ri u bi'.

Romanos 10:16

Man conojel ta c'ut cäquinimaj ri tzij re colobal ib. Jacha' xubij c'u ri Isaiy: “Ajawaxel, ¿jachin cojowinak ri ka bim?”

Romanos 15:18

Xak xuwi quintzijoj ri jastak ri e u banom ri Crist wumal in, rech jeri' ri man aj judeyib taj cäquinimaj ri u tzij ri Dios. Are wa' xbantaj rumal ri nu tzij xukuje' rumal ri nu chac,

Romanos 2:8

are c'u ri winak ri xak xuwi cäquitzucuj ri jastak ri cäcaj ri e are', ri cäquiban ri etzelal xukuje' man cäquinimaj ta ri kastzij, cäpe na ri royowal ri Dios paquiwi', cuc'äjisaj na qui wäch.

Romanos 6:17

Maltiox c'u che ri Dios, pune' ba xixc'oji' na can che lok'om tak pataninelab che ri mac, camic c'ut ruc' ronojel iwanima' cätajin quinimaj ri tijonic ri yo'm chiwe.

2 Corintios 10:5

xukuje' ronojel banoj nimal ri cucoj u chuk'ab chi ma ta quetamax u wäch ri Dios. Ronojel chomanic aj winak cäkaya' xe' rakan u k'ab ri Crist, rech caniman che are'.

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

2 Tesalonicenses 1:8

cutoj na u q'uexel chque ri man queta'm ta u wäch ri Dios, ri man queniman ta che ri u tzij ri Kajaw Jesus re colobal ib.

2 Tesalonicenses 2:16

Ri Kajaw Jesucrist xukuje' ri Dios ka Tat xujulok'ok'ej, xuya' cu'bisabal ka c'u'x ri man cäq'uis taj, xuya' utzalaj cu'lbal ka c'u'x rumal ri u tok'ob.

2 Timoteo 2:10

Rumal ri' quinch'ij conojel ri rikoj c'ax che cutzil ri e cha'om, rech xukuje' ri e are' cäquirik ri colobal ib ri c'o pa Crist Jesus ruc' ri junalicalaj juluwem.

Hebreos 1:14

Conojel c'ut ri tako'nib aj caj, e uxlabal ri e c'o pa ri patanijic cho ri Dios e takom ulok che qui patanixic ri winak ri caquechbej ri colotajic.

Hebreos 11:40

rumal rech chi ri Dios xuchomaj ulok jun jasach ri utz na chke ri uj, jeri' chi ri e are' quetz'akatisax na junam kuc' uj.

Hebreos 11:8

Rumal ri cojonic, ri Abraham aretak xsiq'uixic, xnimanic xbe pa ri c'olbal ri cuc'am na che rechbal. Xel bic, pune' man reta'm ta c'ut jawije' cäbe wi.

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

Hebreos 2:10

Rumal ri Dios e c'o conojel ri jastak, xukuje' conojel ri jastak e rech are'. Cäraj chi e q'ui queboc che ralc'ual xukuje' quebopan pa ri u juluwem. Rumal ri' rajawaxic xutz'akatisaj ri Crist ri qui Colonel rumal c'axc'olil.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

Hebreos 9:15

Rumal ri' ri Crist are ri ch'awenel aj jun c'ac' c'ulwächinic, rech ri e siq'uitalic caquic'am ri junalic echbal ri chi'talic, camic c'ut cäminak ri are' che quesaxic ri macaj ri e ban tajinak chuxe' ri nabe c'ulwächinic.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Ri Juds 1:21

Chichajij iwib pa ri lok'ok'ebal u c'u'x ri Dios. Chiweyej na ri k'ij aretak ri Kajaw Jesucrist ruc'am ulok ri lok'ok'ebal c'u'x chke, xukuje' ri junalic c'aslemal ri u bim chke.