Hebreos 3:9 - Quiché Bible

⁹ Are chi' ri e i mam xquiban jastak chnuwäch xa' che rilic jas quinbano, pune' xquilo cawinak junab jas ri xinban cuc'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Ri itat inan xinkikꞌululaj xuqujeꞌ are xkaj xinbꞌan jastaq chikiwach pune kawinaq junabꞌ xkil ri nuchak.

K'iche'

⁹ Chila', pa ri juyub ri cätz'inowic ri i nan tat ojer xa xquiyac woyowal, pune cawinak junab xquil ronojel tak ri xinbano, xukuje' tak ri cajmabal, —cächa ri Dios.

K'iche' (New Orthography)

⁹ Chila', pa ri juyub' ri kätz'inowik ri i nan tat ojer xa xkiyak woyowal, pune kawinaq junab' xkil ronojel taq ri xinb'ano, xuquje' taq ri kajmab'al, —kächa ri Dios.

Hebreos 3:9 ပူးပေါင်းရင်းမြစ်များ

Salmib 95:9

aretak xinquic'ambejej ri e i mam, pune' xquil tak ri chac ri xebenbano.

Elem 19:4

‘Ri ix xiwilo jas ri xinban chque ri aj ejiptib xukuje' ri xinban che i c'amic ulok wuc', je ta ne ri xixpe puwi' ri u xic' jun cot.

Elem 20:22

Ri Ajawaxel xubij che ri Moises: “Je' chabij wa' chque ri aj israelib: ‘Ri ix iwilom chi in ch'awinak ulok kas pa ri caj iwuc'.

Ri Amos 2:10

Are c'u ri ix xixinwesaj ulok pa Ejipt, cawinak junab c'ut xinc'am i be pa ri chaki'j uwo sak che u ya'ic ri culew chiwe.

Ajilanic 14:33

ri chupam quejeki' wi na ri e calc'ual jacha' aj yuk'ab cawinak junab. Jewa' caquiban na ri e are' che u tojic ri man i jiquil taj, c'ä quixcäm na ri ix iwonojel waral chupam ri chaki'j uwo sak.

Ri Lucax 7:22

Ri Jesus xubij chque ri e u tijoxelab ri Xuan: “Jix, chiya' u tzijoxic che ri Xuan jas ri xiwilo, ri xito. Chibij che chi ri moyab queca'yic, ri ch'ocojib quebinic, ri c'o ch'a'c chquij quejosk'itajic. Ri man quetan taj, cäjaktaj ri qui xiquin, ri cäminakib quec'astajisaxic, chque ri mebayib cätzijox wi ri tzij re colobal ib.

Hechos 13:8

Are c'u ri ajk'ij ri cäbix Elims che pa ri ch'abal grieg, xuk'atij u wäch ri Bernabe xukuje' ri Sawl. Man cäraj taj ri are' chi cäcojon ri nim k'atal tzij.

Hechos 7:36

Are Moises wa' ri xebesan ulok ri ka mam. Xebuban mayibal xukuje' etal pa ri ulew Ejipt. Je xuban pa ri Quiäk Plo. Cawinak junab je xuban pa tak ri chaki'j uwo sak.

U Camulixic ri Pixab 11:7

Ri ix kas xiwil conojel ri nimak tak jastak ri xebuban ri Ajawaxel.”

U Camulixic ri Pixab 29:2

Ri Moises xebumulij conojel ri aj israelib xubij c'u chque: “Ri ix iwilom ronojel ri xuban ri Ajawaxel pa Ejipt che ri ajawinel, xukuje' chque ri e rächk'atal tak tzij xukuje' che ronojel ri rulew,

U Camulixic ri Pixab 4:3

Kas iwilom ri xuban ri Ajawaxel pa Baal-peor, ri xuban chixo'l che u sachisaxic qui wäch conojel ri xek'ijilan che ri dios re ri c'olbal ri',

U Camulixic ri Pixab 4:9

Rumal ri' sibalaj chixoc il chi mebisach ri jastak pa i jolom ri iwilom, mawi chebel ta pa iwanima'; xane' chebik'alajisaj chquiwäch ri iwalc'ual xukuje' chquiwäch ri u wi' tak i mam.”

U Camulixic ri Pixab 8:2

Chnataj chiwe ronojel ri be ri xixuc'am wi ulok ri Ajawaxel ri i Dios pa ri chaki'j uwo sak ronojel ri cawinak junab, che i mach'irisaxic, xukuje' che i c'ambejexic, rech caretamaj tak ri e i chomanic, cäretamaj c'ut we quebitz'akatisaj, o we man quitz'akatisaj ta ri e u takomal.

U Camulixic ri Pixab 8:4

Pa ri cawinak junab ri' man xejar ta ri e iwatz'iak chiwij, mawi xesipoj ta ri iwakan.

Ri Josue 23:3

Ix iwilom ronojel ri xuban ri Ajawaxel chque conojel tak we tinimit ri' ri co xquitac'aba' quib chuwäch, are' c'ut ri ch'ojinak che i q'uexwäch.

Ri Josue 24:7

Ri e are' xquitz'onoj tok'ob chwe, xincoj c'ut jun nimalaj k'ekumalil chquixo'l cuc' ri aj ejiptib, xinban c'ut chi xkaj ri plo paquiwi' ri aj ejiptib xebumuk c'ut. Ri ix ix k'alajisanelab che ri xinban pa Ejipt. Sibalaj c'u xixbeytaj na q'ui k'ijol pa ri chaki'j uwo sak,

Ri Josue 5:6

Rumal c'u rech chi cawinak junab xebin ri aj israelib pa ri chaki'j uwo sak, e cäminak chi c'u conojel ri achijab ri xebel ulok pa Ejipt ri c'o chi qui junab che u banic ch'o'j. We achijab ri' man xeniman ta che ri Ajawaxel rumal ri' ri are' xcha' chque ruc' chi'nic ri kas cäban na chi man caquil ta na ri ulew ri xuchi'j u ya'ic chque ri e qui mam, ulew ri cabelel wi ri leche xukuje' ri juyubal räx cab jacha' ri ja'.