Hebreos 2:4 - Quiché Bible

⁴ Jeri' ri Dios xuk'alajisaj chi kastzij, xebuban etal, mayibal, xukuje' ronojel u wäch nimak tak chac rumal, xujach ri Uxlabaxel chque ri winak jas ri u rayibal.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ri Dios xuqujeꞌ xukꞌutu ri uqꞌalajisanik rukꞌ mayijabꞌal taq jastaq xuqujeꞌ sibꞌalaj kꞌi kꞌutbꞌal, kꞌi sipanik ri xuyaꞌo rumal ri urayibꞌal kuꞌx ri Tyoxalaj Uxlabꞌixel.

K'iche'

⁴ Ri Dios xukuje' xujiquiba' chi kas tzij ri tajin cäquitzijoj. Je' xuban wa' ruc' nimak tak c'utbal, etal, xukuje' q'uialaj tak cajmabal ri xuban chquiwäch. Xukuje' xuban wa' rumal ri Lok'alaj Espíritu ri xuya jalajoj tak cuinem chke chkajujunal jas ri xraj ri Are'.

K'iche' (New Orthography)

⁴ Ri Dios xuquje' xujikib'a' chi qas tzij ri tajin käkitzijoj. Je' xub'an wa' ruk' nimaq taq k'utb'al, etal, xuquje' k'ialaj taq kajmab'al ri xub'an chkiwäch. Xuquje' xub'an wa' rumal ri Loq'alaj Espíritu ri xuya jalajoj taq kuinem chqe chqajujunal jas ri xraj ri Are'.

Hebreos 2:4 ပူးပေါင်းရင်းမြစ်များ

Ri Daniel 4:35

Chuwäch are' man nimak ta qui k'ij ri winak ri e c'o cho ri uwächulew, ri are', are cuban ri u rayibal, pa ri caj jacha' xukuje' cho ri uwächulew. Man c'o ta jachin jun ri cäcuinic cuk'atij ta u wäch ri u cuinem mawi c'o ta jun cuta' ta che jasche jewa' cubano.’

Marcos 16:20

Ri u tijoxelab xebel bic, xquitzijoj chque ri winak pa tak ronojel c'olbal jas u banom ri Jesus. Ri Ajawaxel xebuto'o xukuje' xubano chi xquibana etal che u k'alajisaxic chi rech ri Dios ri tzij ri cäquibij. Je chbanok.

Marcos 6:14

Ri ajawinel Herod xuta' u tzijol ri Jesus, ri elinak u tzijol pa conojel c'olbal. E c'o jujun caquibij: “Are ri Xuan Bautist xc'astaj chquixo'l ri cäminakib. Rumal ri' c'o u chuk'ab che u banic nimak tak mayibal.”

Ri Xuan 15:26

Aretak c'u cäpe ri cucu'bisaj c'uxaj, ri quintak na ulok chiwe, ri aj nu Tat, ri Uxlabaxel aj kastzij ri quel ulok ruc' ri nu Tat, are' ri' cuk'alajisaj na chwij.

Ri Xuan 4:48

Ri Jesus xubij che: “We man quebiwil tak etal xukuje' tak mayibal, man quixcojon taj.”

Hechos 14:3

Pune' c'u ruc' ronojel wa', q'uialaj k'ij xesachi' chila'. Xquicoj qui chuk'ab che u tzijoxic ri utzalaj tak tzij, man xquixe'j ta quib. Xquijiquiba' qui c'u'x chrij ri Ajawaxel. Ri Ajawaxel c'ut xuk'alajisaj chi kastzij ri cäquibij chrij ri u tok'ob, xuya' chque chi queban tak etal xukuje' mayibal cumal.

Hechos 4:10

chetamaj alak onojel alak, chretamaj ronojel ri tinimit Israel, chi pa ri u bi' ri Jesucrist aj Nazaret xcunax we achi ri'. Are ri Jesus ri xrip alak, ri xc'astajisax chquixo'l ri cäminakib rumal ri Dios, rumal c'u ri are', we achi ri' tac'al chwäch alak utz chic.

Hechos 5:32

Uj, c'u uj k'alajisal rech ronojel wa'. Xukuje' ri Ruxlabal ri Dios cuk'alajisaj wa', ri u yo'm ri Dios chque ri queniman che.”

Efesios 1:5

Ri Dios cujulok'ok'ej, u chomam c'u ulok ojer chi cujoc che ralc'ual ri are' rumal ri Jesucrist, are wa' ri u rayibal, xkaj c'u chuwäch chi je cubano.

Efesios 1:9

Xuya' retamaxic chke ri u rayibal ri man etamatal ta can nabe, ri utzalaj u rayibal ri u chomam ulok pa re wi chi je cuban na.

Efesios 4:7

Yo'm c'u chke chkajujunal jas ri cujcuin che u banic, jas ri u tok'ob ri Crist ri yo'm chke.

Hebreos 6:4

Chque c'ut ri c'o jumul xquic'am ri sakilal, quinaom c'ut ri cochinic ri u yo'm ri Dios, xquita' c'ut u tzijol ri Ruxlabal ri Dios,