Hebreos 12:3 - Quiché Bible

³ Chichomaj rij ri jun ri xuch'ij ronojel ri c'ax ri xban che cumal ajmaquib, rech man quixcos taj, man quixk'itaj ta pa ri iwanima'.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Chixchoman chirij ri xnoꞌjinik ri Jesús. Sibꞌalaj e kꞌi winaq xeꞌtzelan uwach xuqujeꞌ xkibꞌan kꞌax che, man xtzalij ta kꞌu kan chirij. Rumal riꞌ man kuya taj kixqꞌiꞌtaj chubꞌanik ri tajin kibꞌano.

K'iche'

³ Chixchoman ba' chrij wa' ri c'utbal ri xuya can ri Jesús. Ri Are' xurik nimalaj c'äx pa qui k'ab ri ajmaquib. Je ri' chixchomanok rech man quixcos tä ix, man quixbison taj, cuban ta c'u quieb i c'ux.

K'iche' (New Orthography)

³ Chixchoman b'a' chrij wa' ri k'utb'al ri xuya kan ri Jesús. Ri Are' xuriq nimalaj k'äx pa ki q'ab' ri ajmakib'. Je ri' chixchomanoq rech man kixkos tä ix, man kixb'ison taj, kub'an ta k'u kieb' i k'ux.

Hebreos 12:3 ပူးပေါင်းရင်းမြစ်များ

E C'ambal tak Tzij 24:10

We cäqueblaj a c'u'x aretak at c'o pa tak latz' man e q'ui taj ri a chuk'ab e c'olic.

Ri Isaiy 50:4

Ri Ajawaxel u yo'm nu no'j rech quincu'bisaj qui c'u'x ri e cosinak cuc' tak tzij re chajin anima'aj. Conojel ak'abil cuban chwe chi quineyenic rech quintataben ruc' ch'uch'ujil.

Ri Matey 11:19

Xpe ri Rija'l winak, ri cäwa'ic, ri cuq'uianic. Cäbixic: ‘Chiwilampe'. Are jun ajwij xukuje' uq'uianel. Cachil tok'il tak alcabal. Cachil ajmaquib.’ Are c'u ri no'j cäk'alajisax cumal ri e u chac chi suc'.”

Ri Matey 12:24

Ri pariseyib, aretak xquito, xquibij: “We achi ri' queresaj ri itzel tak uxlabal xak xuwi rumal ri qui nimal ri itzel tak uxlabal ri Beelzebu u bi'.”

Ri Matey 15:2

“Ri a tijoxelab, ¿jasche man cäquinimaj taj ri qui tijonic ulok ri nimak tak tatayib? Man quequijosk'ij ta c'u ri qui k'ab aretak cäquitij ri qui wa.”

Ri Matey 21:23

Xopan ri Jesus pa ri rachoch Dios. Aretak cätajin catijon chila' xenakajin c'u ri e qui nimakil ri e cojol tak tabal tok'ob ruc' xukuje' ri e nimak tak tatayib re ri tinimit. Xquic'ot u chi': “¿Ruc' jachique takanic quebaban we jastak ri'? ¿Jachin xyo'w wa' we takanic ri' pa a k'ab?”

Ri Matey 21:46

Xquitzucuj jas cäquiban che u chapic ri Jesus, xquixe'j c'u quib chquiwäch ri winak, rumal rech chi ri winak quicojom chi ri Jesus are k'axal tzij.

Ri Matey 22:15

Aretak oc'owinak chi wa', ri pariseyib xebec xquijunaj qui wäch che u cojic jun c'amibal rech cakaj ri Jesus pa qui k'ab cumal ri kas e u tzij rech c'o caquitzujubej rech.

Ri Lucax 14:1

Pa jun k'ij re uxlanem, ri Jesus xopan cho rachoch jun chque ri qui nimakil ri pariseyib. Cätajin cutij wa chila', c'ac'alem c'u cumal ri pariseyib.

Ri Lucax 15:2

Xewixwit c'u ri pariseyib xukuje' ri ajtijab re ri pixab, xquibij: “We achi ri' quebuc'ulaj ri ajmaquib, cäwa' cuc'.”

Ri Lucax 16:14

Ri pariseyib, ri e lok'ok'el puak, xquitatabej conojel we jastak ri', xquetz'bej c'u u wäch ri Jesus.

Ri Lucax 2:34

Ri Simeon xebutewichi'j, xubij c'u che ri Mariy ri u nan ri Jesus: “Chawilampe', we ne' ri' q'uiakom chrij chi cubana' chi e q'ui pa Israel quetzakic o quewalijic. Ri are' cux na jun etal ri e q'ui quexutun na,

Ri Lucax 5:21

C'äte c'u ri' ri ajtijab re ri pixab xukuje' ri pariseyib xquichaplej chomanic pa canima', xquibij: “¿Jachin wa', ri cuc'ulelaj ri Dios? ¿Jachin ta ri cäcuin che u sachic mac, xane' xuwi ri Dios?”

Ri Xuan 10:20

E q'ui chque xquibij: “Itzel uxlabal c'o che, ch'ujarinak. ¿Jasche quitatabej?”

Ri Xuan 18:22

Aretak xbitaj wa' rumal, jun chque ri pataninelab, ri tac'alic, xupak'ij jun k'ab che ri u palaj ri Jesus, xubij: “¿La je catzelej u bixic wa' che ri qui nimal ri e cojol tabal tok'ob?”

Ri Xuan 5:16

Rumal c'u wa' ri aj judeyib xcokataj ri Jesus, rumal rech chi xuban we jastak ri' pa ri k'ij re uxlanem.

Ri Xuan 7:12

C'o nimalaj wixwitem chrij chquixo'l ri q'ui winak; jujun caquibij: “Jun utzalaj winak wa'.” Jujun chic c'ut caquibij: “Man utz taj, xane' quebusub ri winak.”

Ri Xuan 8:13

Xquibij ri pariseyib che: “At cak'alajisaj awib chbil awib. Ri a k'alajisanic c'ut man kastzij taj.”

Ri Xuan 8:52

Xquibij ri aj judeyib che: “Camic keta'm chi c'o itzel uxlabal chawe. Ri Abraham xcämic, xukuje' ri e k'axal tak tzij xecämic. At c'ut cabij: ‘Jachin ri cunimaj ri nu tzij, man cäcäm ta chbe k'ij sak.’

Ri Xuan 8:59

C'äte ri' xequic'am abaj che u q'uiakic che. Chic'uyal c'ut xel ubic ri Jesus pa ri rachoch Dios.

Ri Xuan 9:40

Jujun chque ri pariseyib ri e c'o ruc', aretak xquita' wa', xquibij che: “¿La uj ta c'u moyab xukuje'?”

1 Corintios 15:58

Je c'u ri', lok'alaj tak wachalal, kas co chixtac'alok, man c'o ta quixslabsanic. Amak'el chixoc il che ri u chac ri Ajawaxel. Iweta'm chi ri i chac pa ri Ajawaxel man xak ta lok'.

2 Corintios 4:1

Je c'u ri' man cäq'uistaj ta ka c'u'x, rumal rech chi ri Dios yowinak ri chac ri' pa ka k'ab rumal ri u tok'ob.

2 Corintios 4:16

Rumal wa' man cäq'uistaj ta c'u ka c'u'x. Pune' ta ne cätajin cuban k'e'l ri ka cuerp, are c'u ri kanima' cäc'ac'arisaxic k'ij chi k'ij.

Gálatas 6:9

Mäq'uistaj ba ka c'u'x che u banic ri utzil. Cäpe c'u na ri k'ij aretak cäkayac na ri wächinic, we man cujtukaric.

U Camulixic ri Pixab 20:3

cubij chque: ‘Chitampe', aj israelib, camic quitij i chuk'ab cuc' ri i c'ulel. Muban quieb i c'u'x, mawi mixe'j iwib; mixbirbitic, mawi mäsach i c'u'x;

2 Tesalonicenses 3:13

Ri ix c'ut, kachalal, mäq'uistaj i c'u'x che u banic ri utzil.

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

Hebreos 12:5

Sachinak chic pa i jolom ri pixbenic ri cuya' ri Dios chiwe, jas ri cuya' jun tataxel chque ri e ralc'ual, ri cubij pa ri Tz'ibatalic: “Walc'ual, nim cawil wi ri c'äjisabal a wäch rumal ri Ajawaxel, matk'itajic aretak cäk'alajisax ri a mac rumal.

Hebreos 3:1

Je c'u ri', tastalic tak wachalal, ix siq'uim cuc' niq'uiaj chic chi quixux rech ri Dios. Kas chichomaj ba' ri Crist Jesus, are takom xukuje' qui nimal ri cojol tabal tok'ob re ri ka cojonic.

1 Pedro 2:23

Aretak xyok'ic, man xuya' ta rajil u q'uexel. Aretak xurik c'ax, man xubij ta chque ri winak chi cuban na c'ax chque. Xane' xujach ronojel pa u k'ab ri Dios, ri cuk'at tzij ruc' suq'uil.

Apocalipsis 2:3

C'o a ch'ijonic, at coch'oninak rumal rech ri nu bi', man at k'itajinak ta c'ut.

Nabe Samuel 12:24

Ri ix xak xuwi rajawaxic nim quiwil wi na ri Ajawaxel xukuje' ri u ya'ic kas k'ijilanic che ruc' ronojel iwanima', kas c'u chenataj chiwe conojel ri nimak tak jastak ri e u banom chiwe.