Hebreos 11:9 - Quiché Bible

⁹ Rumal ri cojonic, xc'oji' pa ri ulew ri u bim ri Dios chi cuya' na che, xc'oji' chila' pa tak lic'om ja, je jas pa jun ulew man rech taj. Je xukuje' xquiban ri Isaac xukuje' ri Jacob, ri xa' junam ruc' ri Abraham ri xbix ri chi'nic chque.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Rumal che ri kꞌo ukojobꞌal, xkꞌojiꞌk pa ri tinimit jacha kubꞌan jun ikꞌowel pa ri ulew ri xtzuj che, xuqujeꞌ xkꞌojiꞌk pa taq ri ja ri xaq che atzꞌyaq xuqujeꞌ cheꞌ bꞌantal wi, e rachiꞌl ri Isaac xuqujeꞌ ri Jacob are waꞌ e rachiꞌl chi rechabꞌexik ri tzujtal loq.

K'iche'

⁹ Rumal chi kas xcojon ri ka mam Abraham, xc'oji chila' pa ri ulew ri' ri xchi'x che rumal ri Dios, je' ta ne chi are jun estranjer winak. Xak pa tak carpa xc'oji wi. Je' c'u xuban ri ka mam Isaac, ri ka mam Jacob ri xukuje' xchi'x chque rumal ri Dios jas ri xubij che ri ka mam Abraham.

K'iche' (New Orthography)

⁹ Rumal chi qas xkojon ri qa mam Abraham, xk'oji chila' pa ri ulew ri' ri xchi'x che rumal ri Dios, je' ta ne chi are jun estranjer winaq. Xaq pa taq carpa xk'oji wi. Je' k'u xub'an ri qa mam Isaac, ri qa mam Jacob ri xuquje' xchi'x chke rumal ri Dios jas ri xub'ij che ri qa mam Abraham.

Hebreos 11:9 ပူးပေါင်းရင်းမြစ်များ

Chapletajic 12:8

Xbextax c'ut pa ri c'achelajalaj ulew ri c'o pa elebal k'ij che ri tinimit Betel, chila' c'u xuwoc wi ri u lic'om rachoch. Ri Betel xcanaj pa ri u kajebal k'ij che ri u lic'om rachoch, are c'u ri tinimit Hai xcanaj pa elebal k'ij. Ri Abram xuban chi jun porobal chila' ri xutz'onoj wi tok'ob pa ri u bi' ri Ajawaxel.

Chapletajic 13:18

Je c'u ri', ri Abram xuwalijisaj bic ri u lic'om rachoch, xejekel pa ri c'ache'laj aj räx che' ri rech jun achi Mamre u bi', chunakaj ri tinimit Hebron. Chila' xuyac wi jun porobal che u ya'ic u k'ij ri Ajawaxel.

Chapletajic 13:3

Xel chi bic pa Negueb, nojimal xutakej ri u be, c'ä xopan pa ri tinimit Betel; xel chi c'u bic chila' xbe pa ri c'olbal jawije' ri xc'oji' wi can nabe, chuxo'l ri tinimit Betel xukuje' ri Hai.

Chapletajic 17:8

Chawe at, xukuje' chque ri e are' quinya' wi na ronojel ri ulew Canaan ri at c'o wi camic, quinya' na che quechbal re chbe k'ij sak; are c'ut ri in quinux na i Dios.”

Chapletajic 18:6

Ri Abraham xoc bic pa ja, xubij c'u che ri Sara: “¡Aninak, jac'ama' cawinak quiejeb (44) libra c'äj ri sibalaj coc', chabanaxtaj quieb oxib caxlanwa!”

Chapletajic 18:9

Aretak xquelej ri solinelab, xquic'ot u chi' ri Abraham: “¿Jawije' c'o wi ri Sara ri awixokil?” “C'o pa ri lic'om rachoch,” xcha' ri Abraham.

Chapletajic 21:34

Naj xbeytaj ri Abraham chupam ri culew ri aj pilisteyib.

Chapletajic 23:4

“Pune' man in ta i winakil chixo'l, chic'ayij jun mukubal chwe ri quinmuk wi ri wixokil ri xcämic.”

Chapletajic 25:27

Xeq'uiy c'u ri quieb ac'alab. Ri Esau are jun achi ajchac pa ri juyub, xukuje' jun utzalaj tzucunel; are c'u ri Jacob man c'o ta quel wi bic, utz cärilo chi cäcanaj cho ja ruc' ri u nan.

Chapletajic 28:4

Chuya' c'ut chawe xukuje' chque ri e awija'lil, ri tewichibal ri xuchi'j che ri Abraham rech cäcanaj we ulew ri' pa k'ab, ri uj c'o wi camic ri kokxanim wi kib, are' c'u xchi'n che ri Abraham.”

Chapletajic 31:25

Ri Laban xurika' ri Jacob cho tak ri juyub re Galaad, chila' c'u kajinak wi. Xukuje' chila' xekaj wi ri Laban e rachil ri rachalaxic,

Chapletajic 35:27

Ri Jacob xbe che u ch'abexic ri u tat pa Mamre, ri tinimit ri xukuje' cäbix Arba che o Hebron. Chila' c'u xc'oji' wi ri Abraham xukuje' ri Isaac.

Chapletajic 36:7

ri Jacob, ri Esau sibalaj c'u q'ui ri jastak quech ri c'olic, man cuya' ta c'ut quec'oji' junam; man cubana' ta ri k'ayes ri c'o chila' che qui tzukic ri cawaj.

Chapletajic 47:9

Ri Jacob xubij che ri ajawinel: “E c'o chi jun sient ruc' juwinak lajuj (130) junab ri xak xebenjalala' nu c'olbal. Man e q'ui ta wa', c'ax c'u nu rikom pa tak we junab ri', maja' c'u naj quinc'asi'c jacha' ri junab ri xec'asi' ri e nu mam.”

Salmib 105:12

Pune' xa e quieb oxib ri e are', e quieb oxib man e aj chila' ta pa ri ulew,

Ri Jeremiy 35:7

Xukuje' xuya' takanic chke chi mekaban kachoch, mujticonijic xukuje' mekatico o mec'oji' ticbal tak uva kuc'. Xujutako chi amak'el chujjekel pa tak lic'om ja, rech naj cujc'asi' pa we ulew ri' ri xak cujwacatilob wi jacha' ta ne ri ma ta uj aj waral.

Hebreos 6:17

Rumal ri' ri Dios xch'aw ruc' ri chi'nic ri kas cäban na, che u c'utic chquiwäch ri quechben na ri u bim, chi man cuq'uex ta na ri u chomanic.