Hebreos 11:3 - Quiché Bible

³ Rumal ri cojonic cäkach'obo chi xtiquiritaj ri uwächulew xukuje' ronojel ri c'olic rumal ri u tzij ri Dios, jeri' chi ri jastak ri man queilitaj taj, xbanbex que ri jastak ri quebilitajic.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Xuqujeꞌ rumal ri kojobꞌal kaqachꞌobꞌo chi rumal ri utzij ri Dios xtikitaj ronojel ri jastaq ri kaqil uwach xuqujeꞌ ri man kaqil ta uwach jeriꞌ ri kaqil uwach xbꞌanik rumal ri man kaqil ta uwach.

K'iche'

³ Rumal ri cojonic ketam chi ri Dios ruc' ru tzij xuban ri uwächulew, ri caj, ri k'ij, ri ic', xukuje' ri ch'imil. Je ri' chi ri man queilitaj taj, are xbambex que conojel ri quekil cämic.

K'iche' (New Orthography)

³ Rumal ri kojonik qetam chi ri Dios ruk' ru tzij xub'an ri uwächulew, ri kaj, ri q'ij, ri ik', xuquje' ri ch'imil. Je ri' chi ri man keilitaj taj, are xb'amb'ex ke konojel ri keqil kämik.

Hebreos 11:3 ပူးပေါင်းရင်းမြစ်များ

Chapletajic 1:1

Aretak xchapletaj u banic ronojel ri c'olic, ri Dios xuban ri caj ulew.

Salmib 33:6

Ri caj xukuje' ronojel ri c'o chuwäch are' ri Ajawaxel xbanowic ruc' ri u tzij xukuje' ruc' ri ruxlab ri xel pa u chi'.

Salmib 33:9

Aretak c'u xch'awic, ronojel xbantajic; xtakanic, ronojel c'ut co xjeki'.

Ri Isaiy 40:26

Chixca'yampe' chicaj, chiwila' c'ut: ¿Jachin xbanow ronojel wa'? Ri cujach qui wäch chquijujunal, conojel c'ut quebusiq'uij ruc' ri qui bi'. Sibalaj nim ri u cuinem xukuje' ri u chuk'ab, chi man c'o ta jun chque ma ta copanic.

Ri Jeremiy 10:11

(Ix, israelib, chibij chque tak ri e k'ijilal diosib: “Ri diosib ri man e are' taj xebanow ri caj mawi ri ulew casach na qui wäch cho ri uwächulew; mawi jun chque cacanaj ta can chuxe' ri caj.)”

Ri Jeremiy 10:16

¡Nim ri u jalbem rib ri u Dios ri Jacob, xuban ronojel ri c'olic! Ri are' xucha' ri Israel jacha' che rechbal. Ri Ajawaxel ri c'o ronojel u cuinem are wa' ri u bi'.

Ri Xuan 1:3

Conojel ri jastak rumal are' xebanic. Man c'o ta jun chque ri jastak ri e banom, ri ma ta xban rumal are'.

Hechos 14:15

xquibij: “Achijab, ¿jasche je quiban wa'? Uj xukuje' uj winak junam ka banic iwuc'. Cäkatzijoj chiwe chi chebiya' can we jastak ri' ri man e c'o ta qui patan, chixcojon che ri c'aslic Dios, ri xbanow ri caj ulew, ri plo xukuje' ronojel ri c'o chquipam.

Hechos 17:24

Ri Dios ri xbanow ri uwächulew xukuje' ronojel ri c'o chuwäch, are' ri Rajaw ri caj ulew. Man cäc'oji' ta pa tak ja ri e banom che qui k'ab winak.

Romanos 4:17

Jas ri tz'ibatalic: “At nu cojom che qui mam q'ui nimak tak tinimit.” Ri Dios ri cäyo'w qui c'aslemal ri cäminakib, ri xebanow ri jastak ri man e c'o ta nabe canok, are Dios wa' ri xucoj ri Abraham.

1 Corintios 2:7

xane' cäkatzijoj ri u no'j ri Dios ri awatalic, ri c'utalic, ri c'utum ulok rumal ri Dios ojer, c'ä majok ri k'ij junab, che ka juluwem;

1 Timoteo 4:5

rumal rech chi cätewichitaj c'u wa' rumal ri u tzij ri Dios xukuje' rumal ri ch'awem ruc' Dios.

Hebreos 1:2

Pa we q'uisbal tak k'ij ri' xujuch'abej rumal ri C'ojolaxel. Ri xucojo chi are' quechben conojel ri jastak, rumal c'u ri are' xebantaj ronojel ri uwächulew xukuje' ronojel ri c'olic.

Hebreos 6:5

xquina' c'ut ri u tijonic ri Dios xukuje' ri u cuinem ri k'ijol aretak cäpe ri rajawinic ri Dios,

2 Pedro 3:5

Xa man cäcaj taj cäquetamaj chi ojer rumal ri u tzij ri Dios xebantaj ri caj, chi ri ulew pa ri ja' xel wi ulok xukuje' chi co c'o pa ri ja'.

Apocalipsis 4:11

“Kajaw xukuje' ka Dios, ya'tal che la ri u c'amic ri juluwem, ri nim ilic xukuje' ri cuinem. Lal xebanow la conojel ri jastak, rumal ri rayibal la e c'olic, xebantajic.”