Hebreos 11:1 - Quiché Bible

¹ Are wa' ri u banic ri ka cojonic: cäkacu'ba' ka c'u'x chi je quebel na ri jastak ri cäkaye'j, xukuje' keta'm pa kanima' chi kastzij e c'o ri jastak ri man queilitaj taj.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri kojonik are chi qas tzij kaqayeꞌj xuqujeꞌ kakubꞌiꞌ qakꞌuꞌx chi kaqakꞌamawaꞌj na ri man kaqil ta uwach.

K'iche'

¹ Ri cojonic are ri u jiquibaxic ka c'ux chi kas tzij cäya'taj na chke jas ri keye'm. Xukuje', pune man cäkil tä u wäch ri keye'm, cäkacoj pa kanima' chi kas c'olic.

K'iche' (New Orthography)

¹ Ri kojonik are ri u jikib'axik qa k'ux chi qas tzij käya'taj na chqe jas ri qeye'm. Xuquje', pune man käqil tä u wäch ri qeye'm, käqakoj pa qanima' chi qas k'olik.

Hebreos 11:1 ပူးပေါင်းရင်းမြစ်များ

Salmib 27:13

Ri in cu'l nu c'u'x chi quinwil na ri rutzil ri Ajawaxel pa ri u beytajic we nu c'aslemal ri'.

Salmib 42:11

¿Jas ta che cuban quieb nu c'u'x? ¿Jas ta che quinoc il? Ri weyebal nu c'u'x nu yo'm chrij ri Dios, ri c'ä quintakej na u k'ijlaxic. ¡Are ri nu Dios xukuje' nu colonel!

Hechos 20:21

Xink'alajisaj chquiwäch ri aj judeyib xukuje' ri man aj judeyib taj chi rajawaxic cäquiq'uex qui c'u'x chuwäch ri Dios. Xinbij chque chi rajawaxic quecojon che ri Kajaw Jesus.

1 Corintios 13:13

E oxib jastak e c'olic ri kas e jekejoj wi: ri cojonic, ri eyebal c'uxaj, xukuje' ri lok'ok'ebal c'uxaj. Ri nim c'u na u k'ij chquixo'l we oxib ri', are ri lok'ok'ebal c'uxaj.

2 Corintios 11:17

Pune' we nimarisan ib ri' are jun ch'ujilal man e tzij ta c'ut ri quekaj ta chuwäch ri Ajawaxel Jesus xane' cätajin quinch'awic jacha' jun con.

2 Corintios 4:18

Man are ta cäkacu'ba' ka c'u'x chquij ri jastak ri quebilitajic, xane' chquij ri man quebilitaj taj. Ri jastak ri quebilitajic queq'uis na. Are c'u ri jastak ri man quebilitaj taj e junalic.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

2 Corintios 5:7

Cujbinic rumal ri cojonic, man rumal ta ri cayenic.

2 Corintios 9:4

We ne e c'o jujun chque ri aj Masedon quebe wuc', quixelquirika' c'ut man i suc'umam ta iwib. We jeri', quel na ka q'uixbal, rumal rech chi ka jiquibam ka c'u'x chiwij, xukuje' ri ix quel na i q'uixbal.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Ri Tit 1:1

Ri in Pawl, in rajchac ri Dios xukuje' takom re ri Jesucrist, rech quecojon na ri winak ri e cha'tal rumal ri Dios, rech cäquetamaj ri kas k'ijilanic che ri Dios,

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Hebreos 10:39

Ri uj c'ut man uj ta jun cuc' ri quetzelej chquij che u sachic qui wäch. Xane' uj jun cuc' ri c'o qui cojonic che u colic ri canima'.

Hebreos 11:13

Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

Hebreos 11:27

Rumal ri cojonic, xuya' can ri Ejipt, man xuxe'j ta rib chuwäch ri royowal ri ajawinel, xane' co tac'alic je ta ne chi cäril ri Dios ri man quilitaj taj.

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

Hebreos 3:14

Je c'ut e jacha' ri alc'ualaxelab re jun ja winak e re xa' junam ti'j xukuje' junam quic', jeri' xukuje' ri Jesus aj ti'j xukuje' aj quic' aj winak, ruc' ri u cämical xuch'äc ri cuinelalaj cämisanel, ri u bixic wa' are' ri itzel.

Hebreos 3:6

Are c'u ri Crist jacha' jun c'ojolaxel, puwi' ri rachoch Dios; uj c'u ri' we ja ri', we co ka tiquibam ri jiquibam c'uxaj xukuje' ri u nimarisaxic ka k'ij che ri cu'lbal c'uxaj.

Hebreos 6:12

rech man quixux ta sak'orib, xane' chi quiban iwe jas ri cäquiban ri winak ri c'o qui cojonic, cäquich'ij c'u ri c'ax, cäquechbej c'u ri u bim ri Dios chi cuya' na chque.

2 Pedro 1:1

Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.