Hebreos 1:3 - Quiché Bible

³ Rumal ri are' cäjuluw ri u juluwem ri Dios. Are u wächbal ri kas u ca'yebal ri Dios. Ri are' ruc'am ronojel ri jastak rumal ri tzij re ri u cuinem. Aretak xujujosk'ij pa ri ka mac, xt'uyi' pa ri u wiquiak'ab ri Dios ri nim u k'ij chicaj.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Ri kꞌojolaxel Dios are utunal ri ujuluwem ri Tataxel Dios, xuqujeꞌ je kapetik jas ri Tataxel, are xuqujeꞌ ri kꞌojolaxel ukꞌaꞌninaq ronojel ri jastaq rukꞌ ri tzij rech ri ukwinem. Ri ukꞌojol ri Dios xkwinik xubꞌano chi ri Dios xukuy ronojel ri qamak, kꞌa te riꞌ xpaqiꞌ chikaj rech xeꞌtꞌuyul pa uwiqiqꞌabꞌ ri tꞌuyul wi ri Dios.

K'iche'

³ Che ri Cristo cäkil wi ri nimalaj u k'ij ri Dios. Ri Are' c'ut kas je' u banic jas ri Dios. Are u c'aninak ronojel ri c'olic ruc' ru Tzij ri c'o u chuk'ab. Aretak u ch'ajom chic ri kanima' che ronojel ri ka mac rumal ru quiq'uel, xt'uyi c'u pa ru wiquiäk'ab ri Dios chila' chicaj.

K'iche' (New Orthography)

³ Che ri Cristo käqil wi ri nimalaj u q'ij ri Dios. Ri Are' k'ut qas je' u b'anik jas ri Dios. Are u k'aninaq ronojel ri k'olik ruk' ru Tzij ri k'o u chuq'ab'. Aretaq u ch'ajom chik ri qanima' che ronojel ri qa mak rumal ru kik'el, xt'uyi k'u pa ru wikiäq'ab' ri Dios chila' chikaj.

Hebreos 1:3 ပူးပေါင်းရင်းမြစ်များ

Nabe Tzijobelil 29:11

¡E ech la, Ajawaxel, ri nimalil, ri cuinem, ri juluwem, ri ajawinic xukuje' ri nimalaj banic la! Rumal rech chi ronojel ri c'o pa ri caj xukuje' ri c'o pa ri uwächulew e ech la. Ech la xukuje' ri ajawinic, lal Ajawaxel nim na k'ij la chquiwäch conojel.

Ri Job 37:22

Quijulk'inic tak k'an puak quec'utun pa ri riquiak'ab elebal k'ij, aretak ri Dios cuc'ut rib pa u niq'uiajil ri xibibalalaj nim ilic.

Salmib 110:1

Ri Ajawaxel xubij che ri wajaw: “Chatt'uyul pa ri nu wiquiak'ab, c'ä quinban na chque ri qui banom qui c'ulel chawe chi quebux e u tac'alibal ri e awakan.”

Salmib 75:3

Aretak cäyicop ri uwächulew, querachilaj conojel ri winak ri e c'o chuwäch, in in banowinak chi co e tac'al ri e u tiq'uilibal.”

Ri Tzijonel 8:4

Ri xubij ri ajawinel man c'o ta caq'uexowic, man c'o ta c'u jachin jun cacuinic cubij ta che chi chubij che jas ri cätajin cubano.

Aj Levitib 15:15

ri cojol tabal tok'ob cuchi'j jun chque jacha' che tabal tok'ob u mac rech ri macaj, ri jun chic che tabal tok'ob ri cächajirisaxic; jewa' cuban ri cojol tabal tok'ob che u josk'ixic ri achi ri c'o we yabil ri' che, chuwäch ri Ajawaxel.

Ri Miquey 5:4

Ri ajawinel cawalij na che u yuk'uxic ri u tinimit ruc' ri cuinem xukuje' ri nimalaj u banic ri Ajawaxel ri u Dios, ri e are' quecuinic quejeki' na pa jamaril, rumal rech chi canimarisax na u k'ij ri Ajawaxel c'ä chupam ri q'uisbal jutz' re ri uwächulew.

Ri Matey 22:24

“Ajtij, ri Moises xubij: ‘We c'o jun achi cäcämic, we c'u man e c'o ta can ralc'ual ruc' ri rixokil, ri rachalal cäc'uli' na ruc' ri malca'n ixok. Jeri' ri e ralc'ual ri quec'oji' na ruc', cuban na chque chi e je ta ne e ralc'ual ri rachalal ri xcämic.’

Marcos 16:19

Ri Ajawaxel Jesus, aretak xuq'uis qui tzijobexic ri e u tijoxelab, xc'am xpaki' chicaj, xet'uyul pa ri riquiak'ab ri Dios.

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Ri Xuan 1:29

Chucab k'ij chic ri Xuan xril ri Jesus cätajin cäpe ruc', xubij “Chiwilampe', ri Alaj u Chij ri Dios, ri cäresaj ri qui mac ri winak.

Ri Xuan 1:4

Pa ri are' c'o wi ri c'aslemal, ri c'aslemal are ri u chäj ri winak.

Hechos 2:33

Ri Jesus xwalijisaxic rech quet'uyul pa ri u wiquiak'ab ri Dios, xuc'am c'u che ri Tataxel ri Ruxlabal ri Dios ri chi'm ulok, ri xujachala' ri are'. Are' wa' ri ilom alak xukuje' e tatabem alak.

Hechos 7:56

Xubij: “¡Chilampe' alak! Quebenwil ri caj e jakajoj, quinwil ri Rija'l Winak, c'o pa ri u wiquiak'ab ri Dios.”

Romanos 1:16

In man quinq'uix ta che ri utzalaj tzij re colobal ib, u cuinem c'ut ri Dios che qui colic conojel ri quecojowic, nabe chque ri aj judeyib xukuje' c'u chque ri man aj judeyib taj.

Romanos 8:34

¿Jachin ta ri cäcuin che u c'ajisaxic qui wäch? Ri xcämic are ri Crist Jesus, xukuje' ri xc'astajic, ri c'o pa ri u wiquiak'ab ri Dios, ri cubochi'j ri Dios pakawi'.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

Colosenses 3:1

We ix c'astajinak chi ruc' ri Crist, chebitzucuj ba' ri jastak aj chicaj, jawije' ri t'uyul wi ri Crist pa ri u wiquiak'ab ri Dios.

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Hebreos 1:13

Mawi c'u jumul xubij ta ri Dios che jun tako'n aj caj: “Chatt'uyul pa ri nu wiquiak'ab, c'ä quebenya' na ri a c'ulel che qui tac'alibal ri e awakan.”

Hebreos 10:12

Aretak c'u we cojol tabal tok'ob ri' u chi'm chic re chbe k'ij sak jun xa' tabal tok'ob ri cäyo'w ri cuyubal macaj, xut'uyuba' c'u rib pa ri u wiquiak'ab ri Dios.

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

Hebreos 4:14

C'o jun nimalaj qui nimal ri cojol tabal tok'ob kech uj, ri xroc'owisaj ri caj, ri Jesus u C'ojol ri Dios. Rumal ri', chkak'alajisaj ri ka cojonic, co chujtac'alok.

Hebreos 7:27

Man rajawaxic ta che chi ronojel k'ij cucämisaj ta jun awaj che tabal tok'ob cho ri Dios nabe paquiwi' ri u mac ri are', te c'u ri' paquiwi' ri qui mac ri winak, jas cäquiban ri niq'uiaj e cojol tabal tok'ob. Xa' c'u jumul chbe k'ij sak ri Jesus xuya' tabal tok'ob, aretak xuya' ri u c'aslemal cho ri ripibal.

Hebreos 8:1

Ri u c'u'x ri ka bim are wa': Chi je u beya'l wa' ri qui nimal ri cojol tabal tok'ob ri kech uj xt'uyi' chicaj pa ri u wiquiak'ab ri u tem ri Dios re ajawibal, ri nim u k'ij ri c'o pa ri caj,

Hebreos 9:16

Jawije' c'u ri c'o wi jun c'ulwächinic, rajawaxic cäk'alajisaxic chi xcäm ri jun ri xbanow ri c'ulwächinic.

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

1 Pedro 1:21

Rumal ri Crist ri ix xixcojon che ri Dios, ri xuc'astajisaj ri Crist chquixo'l ri cäminakib xukuje' xunimarisaj u k'ij, rech quixcojon che ri Dios xukuje' quicu'ba' i c'u'x chrij.

1 Pedro 3:22

Ri benak pa ri caj, c'o pa ri u wiquiak'ab ri Dios. Conojel c'u ri e tako'n aj caj, conojel ri c'o qui takanic, xukuje' conojel ri c'o qui cuinem e yo'm chi chuxe' ri u takanic ri Jesucrist.

2 Pedro 1:16

Aretak xkatzijoj ri u cuinem xukuje' ri u petic ri Kajaw Jesucrist chiwe, man xkatzijoj ta chomanic chiwe ri xa' ta pa qui jolom ri winak elinak wi ulok, xane kas uj xujilow ri u nimalil ri Jesucrist.

2 Pedro 1:17

Ri Dios Tataxel xuk'alajisaj chi nim cäril wi ri Jesucrist xukuje' xunimarisaj u k'ij, aretak xpe ulok jun ch'abal ruc' nimalaj juluwem ri jewa' xubij: “Are lok'alaj nu C'ojol wa', ri sibalaj cäkaj chnuwäch.”

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

1 Juan 3:5

Ix iweta'm chic chi ri Jesucrist xpe cho ri uwächulew che quesaxic tak ri macaj, xukuje' chi ri are' man c'o ta jun u mac.

Ri Juds 1:25

Ri Dios ri xa jun, ri c'o retamanic, are ka Colonel rumal ri Kajaw Jesucrist, chyok ta juluwem che ri are', chnimarisax ta u k'ij, che ri are' ya'tal wi ri cuinem xukuje' takanic, are c'ä majok ri k'ij junab, are camic, are amak'el chbe k'ij sak. Je chbanok.

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.

Apocalipsis 4:11

“Kajaw xukuje' ka Dios, ya'tal che la ri u c'amic ri juluwem, ri nim ilic xukuje' ri cuinem. Lal xebanow la conojel ri jastak, rumal ri rayibal la e c'olic, xebantajic.”