Gálatas 6:1 - Quiché Bible

¹ Wachalalib, we c'o jun quiriko chi c'o pa jun mac, ix ri utz ri i c'aslemal aj Uxlabaxel, chito' ri je u banom wa' ruc' u ch'uch'ujil iwanima' rech cätzelej pa suq'uil. Chawila' awib, mattakchi'x ne at che mac xukuje'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Qachalal, we kꞌo ne jun kariqitaj pa mak, ri ix ri kꞌamtal ibꞌe rumal ri Uxlabꞌixel, chitoꞌ apanoq rukꞌ mochꞌochꞌem rech jeriꞌ kasukꞌiꞌk. Chichajij xuqujeꞌ iwibꞌ, rech man kixtaqchiꞌtaj ta xuqujeꞌ ix pa mak.

K'iche'

¹ Kachalal, we c'o jun cojonel cäriktaj pa mac, ix ri' ri kas cätakan ri Lok'alaj Espíritu pa ri iwanima', rajwaxic quito' wa' we cojonel ri' ruc' jun utzalaj iwanima' rech cuban chi na ri kas utz pa ru c'aslemal. Aretak quiban wa', are minimarisaj ba' iwib, xane china' pa iwanima' chi man nim tä i banic. Chiwila c'u iwib chijujunal chi mixkaj ne ix pa mac xukuje'.

K'iche' (New Orthography)

¹ Qachalal, we k'o jun kojonel käriqtaj pa mak, ix ri' ri qas kätaqan ri Loq'alaj Espíritu pa ri iwanima', rajwaxik kito' wa' we kojonel ri' ruk' jun utzalaj iwanima' rech kub'an chi na ri qas utz pa ru k'aslemal. Aretaq kib'an wa', are minimarisaj b'a' iwib', xane china' pa iwanima' chi man nim tä i b'anik. Chiwila k'u iwib' chijujunal chi mixqaj ne ix pa mak xuquje'.

Gálatas 6:1 ပူးပေါင်းရင်းမြစ်များ

Ucab Samuel 11:2

Jun benak k'ij', aretak xwalij ri David che ri u waram re pa k'ij xuchap wacatem puwi' ri rachoch, xtaki' c'u apan u wäch che jun je'licalaj ixok ri cätajin catinic.

Salmib 141:5

Are jun tok'ob chwe chi ri winak tz'akatisanel pa ronojel cuc'äjisaj nu wäch, jun je'lalaj c'oc'al c'ut ri quink'ilowic. We jastak ri' man quebenpakchi'j taj; pune' quinquit'oco, quitakej na u banic ch'awem ruc' Dios.

Ri Ezequiel 34:16

Quebentzucuj tak na ri nu chij ri e sachinak, quebenc'am na ulok ri qui jalom tak qui be, quebenbotz' tak na ri jujun cakan ri e k'ajinak, quebento' na ri tukarib, quebenchajij na ri e chomak ri xukuje' ri e co. Ri in utzalaj qui chajixic quinban na.

Ri Matey 11:29

Chic'amowaj ri weka'bal ri quinya' chiwij, chiwetamaj iwe wuc', chi in coch'onel xukuje' mach'al ri wanima'; quirik c'u na uxlanem che ri iwanima'.

Ri Matey 26:69

Are c'u ri Lu' t'uyul apan cho ja. Xopan jun ali ruc' pataninel, xubij che: “Xukuje' ri at xatbin ruc' ri Jesus ri aj Galiley.”

Ri Matey 26:75

Xnataj c'u che ri Lu' ri u tzij ri Jesus, ri xubij: “C'ä majok cok' ri ama' ec', oxmul cabij na chi man aweta'm ta nu wäch.” Xel c'u apanok ri Lu', xok' ruc' c'ayil.

Ri Matey 9:13

Jix chiwetamaj ri quel cubij we tz'ibatalic ri': ‘Ri quinwaj are' chi quel i c'u'x, ma are ta ri qui chi'xic tabal tak tok'ob.’ Man in petinak taj che qui siq'uixic ri e suc', xane' ri ajmaquib, rech cäquiq'uex qui c'u'x.”

Romanos 14:1

Utz u c'ulaxic ri tukar pa ri u cojonic chibana'. Mixk'atan tzij puwi' ri jalan tak chomanic.

Romanos 15:1

Are c'u ri uj ri c'o ka chuk'ab chupam ri cojonic, chekacoch'o' ri qui tukaril ri man c'o ta qui chuk'ab, mäkaban c'u ri cäkaj chkawäch chbil kib.

Romanos 8:6

Ri u banic ri chomanic aj uwächulew cuya' cämical. Are c'u ri u banic ri u rayibal ri Uxlabaxel cuya' c'aslemal xukuje' jamaril.

1 Corintios 10:12

Je c'u ri', apachin ri cuchomaj chi co tac'alic, chrila' rib rech mätzakic.

1 Corintios 14:37

We c'o jun cuchomaj rib chi k'axal u tzij ri Dios, o cuchomaj rib chi uxlabisam rumal ri Uxlabaxel, cuch'ob na wa' we cätajin quintz'ibaj u takanic ri Ajawaxel.

1 Corintios 2:15

Are c'u ri winak aj Uxlabal cuk'at tzij paquiwi' conojel ri jastak; man c'o ta c'u jun cäk'atow tzij puwi' are'.

1 Corintios 3:1

In, wachalal, man xincuintaj xixintzijobej jacha' winak ri c'amom qui be rumal ri Uxlabaxel, xane' e jacha' apachique winak, e jacha' ac'alab pa ri jastak re ri Crist.

1 Corintios 4:21

¿Jas ri quiwaj? ¿La quinbe iwuc' ruc' xic'ay pa nu k'ab o ruc' lok'ok'ebal c'uxaj xukuje' ch'uch'ujalaj uxlabal?

1 Corintios 7:5

Miya' can ri u rikic iwib we man i chomam ix quieb. We ne quichomaj quiya' na can joropa' k'ij ri u rikic iwib rech quiban ch'awem ruc' Dios. Chirika' chi c'u iwib, rech man quixutakchi'j ta ri Satanas che mac, we man quixcuinic quik'il iwib.

2 Corintios 10:1

In Pawl quixinbochi'j pa ri u bi' ri Crist, ri ch'uch'uj ranima', ri man cunimarisaj ta rib. Cäbixic chi aretak in c'o iwuc' quinna' wib, aretak c'u man in c'o ta iwuc' quinbij ronojel chiwe, man quinxe'j ta wib.

2 Corintios 2:7

Miban chi c'u che camic. Xane' chisacha' u mac, chicu'bisaj u c'u'x, rech man cäc'axc'ob ta rumal ri nimalaj bis.

2 Corintios 2:8

Rumal ri' quixinbochi'j chi jumul quiban utzil che, rech cuch'obo chi quilok'ok'ej na.

Gálatas 5:23

man cäquinimarisaj ta quib, xukuje' quetakan paquiwi' chbil quib. Man c'o ta pixab ri cubij chi ma ta queban we jastak ri'.

Gálatas 6:18

Wachalalib, ri u tok'ob ri Kajaw Jesucrist chc'ol ta pa ri iwanima'. Je chbanok.

1 Tesalonicenses 4:1

Xuwi chi c'u wa' quinbij, kachalal: Quixkabochi'j, quixkapixbej chi jas ri xkabij chiwe chi quiban na pa ri i c'aslemal, chi quiban na ri jastak ri cäkaj chuwäch ri Dios, je chibana'. Je cätajin quiban camic. Sibalaj chibana' ba' amak'el.

2 Tesalonicenses 3:15

Miban c'u i c'ulel che, xane' chipixbej je jas ri quiban che jun iwachalal.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

Hebreos 12:13

Chebibana' suc'alaj tak qui be ri iwakan, rech ri ch'oco'j man cujal ta u be, xane' cäcunatajic.

Hebreos 13:3

Chenataj ri e c'o pa che' chiwe, je ta ne ri ix jun cuc'. Chenataj chiwe ri winak ri cäban c'ax chque, je ta ne ri quina' pa ri i cuerp ix ri c'ax ri qui rikom.

Santiago 3:13

¿Jachin chixo'l c'o u no'j, cuch'ob q'ui jastak? Chebuc'utu ri u chac cumal ri utzalaj jastak ri cuban pa ri u c'aslemal, ri cuban ruc' ri u no'j, munimarisaj rib.

Santiago 3:2

Uj cujkaj pa q'ui qui wäch sachinakil. Je c'u ri' we c'o jun man cakaj ta pa jun sachinakil pa ri cubij are ri' tz'akatalaj winak, ri cäcuinic ruc' jiq'uibal rij wi'aj cätakan puwi' ronojel ri u cuerp.

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.

1 Juan 5:16

We c'o jun ri cäril ri rachalal chi cuban jun mac ri man re ta cämical, chubana' ch'awem puwi', cäya' c'u na u c'aslemal ri jun ri cuban jun mac man re ta cämical. C'o mac re cämical. Man quinbij ta c'ut chi cäban ch'awem ruc' Dios puwi' wa'.