Gálatas 5:3 - Quiché Bible

³ Quink'alajisaj chi jumul, apachique achi ri cäkopix ri u wi' ri u tz'umal ri achi wi, rajawaxic cunimaj ronojel ri u pixab ri Moises.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Junmul chik kinbꞌij chi ri karaj kusakꞌij ribꞌ choqꞌaqꞌ wi kubꞌano ronojel ri kubꞌij ri taqanik.

K'iche'

³ Jumul chic cwaj quinbij chque conojel ri achijab, chi we cäquiya quib chi coc ri retal ri ojer trato chque, tzrajwaxic wi ri' cäca'n ronojel ri cubij ri Pixab ri xutz'ibaj ri ka mam Moisés.

K'iche' (New Orthography)

³ Jumul chik kwaj kinb'ij chke konojel ri achijab', chi we käkiya kib' chi kok ri retal ri ojer trato chke, tzrajwaxik wi ri' käka'n ronojel ri kub'ij ri Pixab' ri xutz'ib'aj ri qa mam Moisés.

Gálatas 5:3 ပူးပေါင်းရင်းမြစ်များ

Ri Nehemiy 9:34

Mawi tak ri e kajawinelab, c'amal tak ka be xukuje' tak ri e ka cojol tabal tok'ob, mawi ri e ka mam, xquitz'akatisaj taj ri pixab la, mawi xeboc ta il che qui nimaxic tak ri e takomal la xukuje' tak ri e pixbenic la chque.

Ri Matey 23:16

¡C'ax iwech, ix moyab tak c'amal tak be! Ri ix quibij: ‘Apachin ri cucoj ri u bi' ri rachoch Dios che u banic jun chi'nic ri kas cäban na, man c'o ta cubij, apachin c'u ri cucoj ri u bi' ri kan puak ri c'o pa ri rachoch Dios che u banic jun chi'nic ri kas cäban na, rajawaxic cubano jas ri xubij.’

Ri Matey 23:18

Xukuje' quibij: ‘Apachin ri cucoj ri u bi' ri porobal che u banic jun chi'nic ri kas cäban na, man c'o ta cubij. Apachin c'u ri cucoj ri u bi' ri sipanic ri c'o puwi' ri porobal che u banic jun chi'nic ri kas cäban na, ri are rajawaxic cubano jas ri xubij.’

Ri Lucax 16:28

E c'o c'u can job wachalal. Quinwaj chi ri Lazaro cuk'alajisaj ronojel wa' chquiwäch, rech man quepe ta pa we c'olbal ri' re c'axc'olil.’

Hechos 15:1

Xebel c'u bic jujun achijab pa Judey, xekaj bic pa Antioquiy, xequitijoj ri kachalal, xquibij: “We man cäcoj na ri etal che u kopixic ri u tz'umal ri u wi' ri ix achijab wi jas ri nak'atisabal ri u bim ri Moises, man quixcuin taj quixcolotajic.”

Hechos 2:40

Ri Lu' xubij niq'uiaj tzij chic chque ri winak. Naj xtzijon cuc'. Xebupixbej, xubij: “¡Tasa' ib alak chquij we itzel tak winak ri'!”

Hechos 20:21

Xink'alajisaj chquiwäch ri aj judeyib xukuje' ri man aj judeyib taj chi rajawaxic cäquiq'uex qui c'u'x chuwäch ri Dios. Xinbij chque chi rajawaxic quecojon che ri Kajaw Jesus.

Romanos 2:25

Are c'u ri etal ri cojom che ri u tz'umal ri u wi' ri achi wi jun c'o quechebex che, we cachajij ri pixab; we c'u man canimaj ta ri pixab, je ta ne chi man cojom ta ri' ri etal re kopinic chawe.

Gálatas 3:10

Conojel ri qui jiquibam qui c'u'x chrij ri pixab, e c'o chuxe' c'okonic. Tz'ibatal c'ut: “C'okotajinak ronojel jachin ri man cäjeki' ta pa conojel ri jastak ri e tz'ibatal pa ri wuj re ri pixab, che qui banic.”

Gálatas 5:2

In Pawl quinbij chiwe achijab we cakopix ri u tz'umal ri u wi' ri ix achijab wi che iwetal che i suq'uirisaxic chuwäch ri Dios, man c'o ta cupatanij ri' ri Crist chiwe.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Efesios 4:17

Are c'u wa' quinbij, quixinbochi'j pa ri u bi' ri Ajawaxel: chi miban chic jas ri cäquiban ri winak ri man e rech ta ri Dios. Ri e are' are cäquiban ri qui chomanic, ri man c'o ta u patan.

U Camulixic ri Pixab 27:26

‘C'okotajinak ri winak ri man nim ta queril wi we pixbenic ri', ri man cuban ta jas ri cäquibij.’ Conojel ri tinimit cäquibij na: ‘Je chelok.’ ”

U Camulixic ri Pixab 31:21

Aretak c'ut quepe q'uialaj etzelal paquiwi', xukuje' tak c'axc'olil, we bix ri' cux jun k'alajisanel chquij, cänataj c'u na chque tak ri e quija'lil cäquibixoj c'u na kas c'ä majok c'u ne quinban chque chi queboc pa ri ulew ri xinchi'j chque, weta'm chic ri qui chomanic.”

U Camulixic ri Pixab 8:19

We c'u cäsach ri Ajawaxel ri i Dios pa i jolom, quixbe ta c'u chquij jule' tak diosib chic che qui k'ijilaxic, quinjiquiba' u bixic chiwe chi kas cäsach na i wäch iwonojel.

1 Tesalonicenses 4:6

C'o jun muban c'ax mawi musub ri rachalal pa we jasach ri'. Are' c'u ri Ajawaxel cätojow u q'uexel ronojel wa' che, jas ri ka bim chi ulok, jas ri xkak'alajisaj chiwäch.

1 Juan 4:14

Ri uj c'ut kilom xukuje' cäkak'alajisaj chi ri Tataxel xutak ulok ri C'ojolaxel che Colol que ri winak cho ri uwächulew.