Gálatas 5:19 - Quiché Bible

¹⁹ K'alaj ri qui chac ri cäquiban ri qui rayibal aj winak re mac: Quemacun cuc' ixokib achijab, cäquiban tz'il tak jastak, cäquiban q'uixbal tak jastak,

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Sibꞌalaj etaꞌmatal uwach ri uchak ri tyoꞌjal: Are ri kꞌulanem kukꞌ taq kakabꞌ ixoqibꞌ xuqujeꞌ kakabꞌ achyabꞌ, mak kukꞌ taq achyabꞌ xuqujeꞌ ixoqibꞌ, chꞌulujil, rayin makaj pa taq animaꞌaj.

K'iche'

¹⁹ K'alaj ri cäca'n ri winak ri qui jachom quib chubanic xak jas ri qui rayibal ri e are'. Je' cäca'no jas ri cäca'n ri tz'i' ri xak cäquirik quib, man c'o tä qui pixab. Cäca'n c'u ri etzelal ri sibalaj äwas u banic cho ri Dios xukuje' chquiwäch ri winak. Cäca'n c'u ronojel u wäch ri man utz taj ri cäquirayij, ri xa q'uixbal u banic.

K'iche' (New Orthography)

¹⁹ Q'alaj ri käka'n ri winaq ri ki jachom kib' chub'anik xaq jas ri ki rayib'al ri e are'. Je' käka'no jas ri käka'n ri tz'i' ri xaq käkiriq kib', man k'o tä ki pixab'. Käka'n k'u ri etzelal ri sib'alaj äwas u b'anik cho ri Dios xuquje' chkiwäch ri winaq. Käka'n k'u ronojel u wäch ri man utz taj ri käkirayij, ri xa k'ixb'al u b'anik.

Gálatas 5:19 ပူးပေါင်းရင်းမြစ်များ

Salmib 17:4

jacha' cäquiban ri niq'uiaj winak chic; nu najtajisam wib chque tak ri qui be ri tokinelab, nu banom ri cubij ri takanic la.

Ri Xuan 3:6

Ri alc'ualam cumal ri winak, winak ri'. Ri alc'ualam rumal ri Uxlabaxel, uxlabal ri'.

Romanos 7:18

Weta'm c'ut chi man c'o ta ri utz pa ri wanima', pa ri u rayibal ri nu banic aj winak re mac. Rumal c'u ri', quinwaj quinban ri utz, man quincuin ta c'u che u banic.

Romanos 7:25

Quinmaltioxij che ri Dios chi xak xuwi ri are', rumal ri Jesucrist, Kajaw. Ri in c'ut quinch'obo chi rajawaxic quinpatanij ri u pixab ri Dios. Are c'u ri nu banic aj winak re mac, cupatanij ri ri u pixab ri macaj.

Romanos 7:5

Aretak xujc'oji' pa ri aj macalaj c'aslemal re winak, ri pixab xuc'asuj ri u rayinic ri ka ti'jal che u banic ri mac. Ri xkechbej che wa' are ri cämical.

Romanos 8:13

We are quiban ri u rayibal ri i banic aj winak re mac, quixcäm na. We c'u rumal ri Uxlabaxel quebicämisaj ri itzel tak u banoj ri i cuerp, quixc'asi' na.

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

Romanos 8:5

Ri winak ri cäquiban ri rayibal aj winak re mac, are cäquichomaj ri jastak re ri qui banic aj winak re mac. Are c'u ri winak ri cäquiban ri u rayibal ri Uxlabaxel, are cäquichomaj ri jastak re ri Uxlabaxel.

Romanos 8:9

Are c'u ri ix man ix c'o ta pa ri u takanic ri u rayibal ri i banic aj winak re mac. Xane' ix c'o pa ri u takanic ri Uxlabaxel, we jekel ri Ruxlabal ri Dios pa ri iwanima'. We c'o jun ri man c'o ta ri Ruxlabal ri Crist pa ranima', ri are' man rech ta ri Crist.

1 Corintios 3:3

rumal rech chi c'ä are quiban na ri u rayibal ri winak re mac! Itzel quiwil wi we jun chic curik utzil, quiyac ch'o'j, ¿la ma ta are quiban ri u rayibal ri winak re mac? ¿La ma ta c'ä quiban iwe ri cäquiban ri niq'uiaj winak chic?

1 Corintios 6:18

Chixanimaj chuwäch ri quibanic macunic cuc' ixokib achijab. Apachique chi jun mac ri camacun wi ri winak, man cunak ta ri u cuerp; apachin c'ut ri cumacuj cuc' ixokib achijab, cunak ri kas u cuerp che macaj.

Gálatas 5:13

Ri ix c'ut, wachalal, xixsiq'uix che tzokopitajem. Xuwi micoj ri tzokopitajic che u banic ri i rayibal aj winak re mac. Xane' chipatanila' iwib ruc' lok'ok'ebal c'u'x.

Gálatas 5:17

Cumal c'ut ri e aj macalaj tak qui rayinic ri winak, are cäcaj ri man cäraj taj ri Uxlabaxel; are c'u ri Uxlabaxel are cäraj ri man cäcaj taj ri winak cumal ri e itzel tak qui rayinic. C'o jun c'ulelanib chquixo'l, rumal ri' ri ix man quixcuin taj ix are ta quibano jachique ri quiwaj quibano.

Gálatas 6:8

Ri jun cutic ri cäraj ri u rayibal aj winak re mac, cuyac na che ri rayibal re mac ri cämical. Are c'u ri jun ri cutic ri cäraj ri Uxlabaxel, cuyac na che ri Uxlabaxel ri junalic c'aslemal.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Hebreos 13:4

Iwonojel nim chiwila' wi ri c'ulanem. Mitz'iloj ri c'ulanem, ri Dios cuk'ata' c'u na tzij paquiwi' ri quemacun cuc' ixokib achijab, xukuje' ri quekaj pa mac cuc' niq'uiaj chic.

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.