Gálatas 4:19 - Quiché Bible

¹⁹ Alaj tak walc'ual, jumul chic quebencoch' k'oxomal u mac iwech, jacha' jun nanaxel ri quebucoch' k'oxomal aj alc'ualanic; quintakej c'u na qui coch'ic c'ä cawinikir na ri Crist pa ri ix.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Alaj taq walkꞌwaꞌl, kinnaꞌ chi junmul qꞌoxom iwumal iwe jetaq ri jun nan ri kakꞌojiꞌ ral, kꞌa jampaꞌ katzꞌaqat na ri Cristo pa iwanimaꞌ.

K'iche'

¹⁹ Ix, ri ix je' ta ne alaj tak walc'ual, jumul chic quinna' c'äx iwumal, je' jas ri c'äx ri curik jun yawab ixok. Quintakej c'u na u ch'ijic ri c'äx ri' rech je' quixel na jas ri Cristo, kas cätakan c'u na ri Are' pa iwanima'.

K'iche' (New Orthography)

¹⁹ Ix, ri ix je' ta ne alaj taq walk'ual, jumul chik kinna' k'äx iwumal, je' jas ri k'äx ri kuriq jun yawab' ixoq. Kintaqej k'u na u ch'ijik ri k'äx ri' rech je' kixel na jas ri Cristo, qas kätaqan k'u na ri Are' pa iwanima'.

Gálatas 4:19 ပူးပေါင်းရင်းမြစ်များ

Ri Isaiy 53:11

Aretak oc'owinak chic ri nimalaj c'axc'ol cäril na ri chäj, cäquicot c'u na aretak caretamaj, ri suc'alaj u pataninel ri Ajawaxel q'ui quebuk'alajisaj na chi e suc'urisan chic chuwäch ri Dios, cärekaj c'u na ri quetzelal wa'.

Ri Lucax 22:44

Aretak xel ch'u'j ri ranima', sibalaj xbochi'n che ri Dios. Are ri u c'atanal je jas ri ju tak tz'uj quic' ri cäkaj cho ri ulew.

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

Romanos 8:29

E are c'ut ri xetamax ulok qui wäch rumal ri Dios, xebucha' ulok ojer rech quebux na junam ruc' ri u C'ojol, rech are' cux nabeal ri u C'ojol chquixo'l q'ui achalaxelab.

2 Corintios 12:14

Camic c'ut, nu suc'umam chi wib rech quinbe iwuc' churoxmul. Man quinya' ta na jun eka'n chiwij. Man are ta quebentzucuj ri jastak iwech, xane' ix quixentzucuj. Man e are ta c'u ri alc'ualaxelab cäquimulij k'inomal che ri qui tat, xane' ri tataxel cumulij k'inomal chque ri e ralc'ual.

Efesios 4:13

C'ä konojel cakarik na ri junamil pa ri cojonic xukuje' che ri u c'oxomaxic ri u C'ojol ri Dios cujopan c'ut pa ri tz'akatil cakarik c'ut ri tz'akatalaj etabalil re ri tz'akatil ri cakarik pa ri Crist Jesus.

Efesios 4:24

Are' chiwatz'iakij ri c'ac' c'aslemal, jas ri cakaj chuwäch ri Dios, kas pa suq'uilal xukuje' kas pa ri ch'ajch'ojil, ri catakan wi ri u kastzij.

Filipenses 1:8

Ri Dios reta'm, chi sibalaj quixinwaj iwonojel ruc' ri lok'ok'ebal u c'u'x ri Jesucrist.

Filipenses 2:17

Pune' cäpil na ri kas nu c'aslemal che u tz'akatil ri sipanic ri quiya' ix che ri Dios rumal ri i cojonic, in quinequicotok, ix c'u joch'ob quixquicot wuc'.

Filipenses 2:5

Chc'ol ta ba' iwuc' we chomanic ri' ri xc'oji' ruc' ri Crist Jesus.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

Colosenses 2:1

Quinwaj c'ut chi quiwetamaj chi sibalaj cätajin quintij nu k'ij che i to'ic, xukuje' ri e aj laodiseyib xukuje' che quito'ic conojel ri man in quilom taj chiwinakil.

Colosenses 3:10

Iwatz'iakim chi iwib ruc' ri c'ac' i c'aslemal. Cätajin c'u cuq'uex rib rech cajunamataj ruc' ri u wächbal ri Dios ri xixwinakirisanic, rech kas quiwetamaj u wäch.

Colosenses 4:12

Ri i winakil Epapras cuya' rutzil i wäch, are rajchac ri Crist Jesus. Ri are' amak'el cutij u k'ij che ch'awem ruc' Dios piwi', rech co quixtaq'ui'c, ix tz'akat, xukuje' che ri kas i cojonic, kas quiwetamaj ronojel jachique ri u rayibal ri Dios.

1 Tesalonicenses 2:7

pune' takal chke chi c'o ka takanic piwi' rumal rech chi uj takom re ri Crist. Xane' uj utz iwuc', jas jun chuchu' quebulok'ok'ej ri ral, quebuchajij.

1 Timoteo 1:2

Quintz'ibaj we wuj ri' chawe, Timotey, kas at nu c'ojol pa ri cojonic. Ri Dios Tataxel xukuje' ri Crist Jesus ri Kajaw cuban tok'ob chawe, quel u c'u'x chawe, xukuje' cuya' jamaril chawe.

Ri Tit 1:4

Quintz'ibaj we wuj ri' chawe, Tit, kas at nu c'ojol pa ri cojonic, xa' junam c'ut ri ka cojonic uj quieb. Are ta ri Dios Tataxel xukuje' ri ka Colonel Jesucrist cuban tok'ob chawe, cuya' jamaril chixo'l ruc'.

Filemón 1:10

quinta' jun tok'ob puwi' ri nu c'ojol Onesimo, ri xux je ta ne nu c'ojol waral pa che'.

Filemón 1:19

In, Pawl quintz'ibaj ruc' ri nu k'ab: in quintojow na, ¡cuya' ta c'u ne ri' quinbij chawe chi a c'as awib pa nu k'ab!

Hebreos 5:7

Ri Crist, aretak xc'oji' waral cho ri uwächulew, xurak u chi', xok'ic aretak xuban ch'awem ruc' Dios. Xuban bochi'nic xukuje' tz'ononic che ri Dios, ri cäcuin che u to'ic chuwäch ri cämical. Xtataj c'ut rumal ri u nimanic.

Santiago 1:18

Ri are' xuchomaj jas cuban na, xuya' ka c'aslemal rumal ri tzij re kastzij, rech cujux jujun nabe tak qui wächinic ri jastak ri e banom rumal.

1 Juan 2:1

Lok'alaj tak walc'ual, quebentz'ibaj bic we jastak ri' chiwe rech man quixmacun taj. We c'u c'o jun camacunic, c'o jun ch'awenel pakawi' chuwäch ri Tataxel. Are' ri Jesucrist, suc' c'ut ri are'.

1 Juan 2:12

Quintz'ibam chiwe ix lok'alaj tak walc'ual, rumal rech chi e cuyum ri e i mac, rumal ri u ya'ic u k'ij ri u bi'.

1 Juan 5:21

Lok'alaj tak walc'ual, mebiwokaj ri e diosib.

3 Juan 1:4

Sibalaj quinquicotic aretak quinto chi ri e walc'ual e jekel pa ri kastzij. Man c'o ta chi jun nu quicotemal chuwäch wa'.