Gálatas 3:26 - Quiché Bible

²⁶ Iwonojel c'ut ix ralc'ual ri Dios rumal ri cojonic che ri Crist Jesus.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁶ Iwonojel ix ralkꞌwaꞌl ri Dios xa rumal ri ikojobꞌal pa Cristo Jesús.

K'iche'

²⁶ Iwonojel c'ut, ix ralc'ual ri Dios rumal chi ix cojoninak che ri Cristo Jesús.

K'iche' (New Orthography)

²⁶ Iwonojel k'ut, ix ralk'ual ri Dios rumal chi ix kojoninaq che ri Cristo Jesús.

Gálatas 3:26 ပူးပေါင်းရင်းမြစ်များ

Ri Xuan 1:7

Are' xpe che u ya'ic k'alajisanic rech cuk'alajisaj ri chäj, rech conojel winak quecojon rumal are'.

Ri Xuan 20:17

Ri Jesus xubij che: “Minachapo, c'ä maja' c'u quinpaki' ruc' ri Tataxel. Jät cuc' ri wachalal, chabij chque: ‘Quinpaki' ruc' ri nu Tat, xukuje' i Tat, ruc' ri nu Dios, xukuje' i Dios.’ ”

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

Romanos 8:19

Conojel c'u ri jastak ri e banom rumal ri Dios, are sibalaj cäcaj cäquil ri k'ij aretak quek'alajisax na ri e ralc'ual ri Dios.

2 Corintios 1:1

Ri in Pawl, in takom rech ri Jesucrist rumal ri u rayibal ri Dios. In xukuje' ri kachalal Timotey cäkatz'ibaj we wuj ri' chque ri e re ri u comon cojonelab ri Dios ri c'o pa Corint, xukuje' chque conojel ri winak ri e rech ri Dios ri e c'o pa Acay.

2 Corintios 6:18

quinux c'u na i Tat, ri ix quixux na nu c'ojol xukuje' nu mia'l, cächa' ri Ajawaxel ri c'o ronojel u cuinem.”

Gálatas 3:28

Man c'o ta c'u aj judeyib, mawi man aj judeyib taj; man c'o ta lok'om pataninel, mawi tzokopitalic; mawi achi, mawi ixok; iwonojel xa' ix jun pa Crist Jesus.

Gálatas 4:14

We yabil ri' jun c'ambejebal wa' chiwe, chi man xiwetzelaj ta nu wäch mawi xinipakchi'j rumal rech, xa' c'u ne man je ta wa', xane' xinic'amowaj jacha' jun aj cajalaj u tako'n ri Dios, ¡je ta ne ri kas are' ri Jesucrist!

Gálatas 5:24

Ri e rech ri Crist Jesus qui ripom chic ri qui banic aj winak re mac, ruc' ronojel ri man utz taj ri cäraj xukuje' ruc' ri itzel u rayinic.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Efesios 1:1

In Pawl, u takomaxel ri Jesucrist rumal ri u rayibal ri Dios, quintz'ibaj we wuj ri' chque ri winak ri e rech ri Dios ri e c'o pa Epes ri e cojonelab che ri Crist Jesus.

Efesios 1:5

Ri Dios cujulok'ok'ej, u chomam c'u ulok ojer chi cujoc che ralc'ual ri are' rumal ri Jesucrist, are wa' ri u rayibal, xkaj c'u chuwäch chi je cubano.

Efesios 5:1

Chibana' ba' iwe ri cuban ri Dios, jacha' chi ix alc'ualaxelab ri ix lok'ok'em;

U Camulixic ri Pixab 14:1

“Ix ri ix ralc'ual ri Ajawaxel ri i Dios. Misoc iwib, mawi miban tol che ri i jolom chiwäch aretak c'o jachin cäcämic.

Filipenses 1:1

In Pawl xukuje' ri Timotey, uj u lok'om tak pataninelab ri Jesucrist, cäkatz'ibaj bic we wuj ri' chque conojel ri cojonelab pa Crist Jesus ri e c'o chila' pa Pilips, xukuje' chque ri cojonelab ri quesolin conojel ri ajcristib xukuje' chque ri cojonelab ri quepataninic.

Filipenses 1:8

Ri Dios reta'm, chi sibalaj quixinwaj iwonojel ruc' ri lok'ok'ebal u c'u'x ri Jesucrist.

Filipenses 2:15

Rech jeri' man c'o ta etzelal cäriktaj chiwij, ix ralc'ual ri Dios, man c'o ta mac pa ri i c'aslemal, ix je ta ne chäj quixjuluw chquixo'l ri itzel tak winak ri e c'o cho ri uwächulew camic, ri man e suc' taj,

Colosenses 1:4

Ka tom i tzijol chi c'o i cojonic che ri Crist Jesus, chi quebilok'ok'ej conojel ri tastalic tak cojonelab,

Colosenses 2:6

Je c'ut jas ri u c'amic ri Ajawaxel Jesucrist i banom, je chixbin ruc' are':

Filemón 1:1

In Pawl, in c'o pa che' rumal rech ri Crist Jesus, junam ruc' ri kachalal Timotey quintz'ibaj we wuj ri' chawe, lok'alaj Pilemon, at kach ajchac,

Filemón 1:9

xak c'u quitz'onoj tok'ob chawe, rumal rech chi catinlok'ok'ej. In wa' in, Pawl, in nim winak chic, camic in c'o pa che' rumal rech ri Crist Jesus,

Apocalipsis 21:7

Are' c'ut ri cäch'äcanic cärechbej na we jastak ri'. Quinux na u Dios, ri are' cux na walc'ual.