Gálatas 3:22 - Quiché Bible

²² Ri Tz'ibatalic cuc'utu chi conojel e tz'apital rumal ri mac. Jeri' ri chi'm cäya' chque ri cojonelab rumal ri cojonic che ri Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

²² Are kꞌu ri Tzꞌibꞌatalik kubꞌij chi konojel ri winaq aꞌjuwachulew e kꞌo chuxeꞌ ri mak, jeriꞌ rech rumal ri kojobꞌal pa Jesucristo, kayaꞌtaj na chike ri tzujtal loq.

K'iche'

²² Are c'u ru Lok' Pixab ri Dios ri Tz'ibtalic cubij chi conojel ri e c'o cho ruwächulew je' ta ne e tz'aptal pa che' xa rumal ri qui mac. (Quel cubij wa' chi e c'o pu k'ab ri qui mac.) Je ri' rech ri winak ri quecojon che ri Jesucristo cuya' cäyi' na chque ronojel ri xuchi'j ri Dios xa rumal ri qui cojonic.

K'iche' (New Orthography)

²² Are k'u ru Loq' Pixab' ri Dios ri Tz'ib'talik kub'ij chi konojel ri e k'o cho ruwächulew je' ta ne e tz'aptal pa che' xa rumal ri ki mak. (Kel kub'ij wa' chi e k'o pu q'ab' ri ki mak.) Je ri' rech ri winaq ri kekojon che ri Jesucristo kuya' käyi' na chke ronojel ri xuchi'j ri Dios xa rumal ri ki kojonik.

Gálatas 3:22 ပူးပေါင်းရင်းမြစ်များ

Salmib 143:2

Mäsiq'uij la ri pataninel ech la rech cajilaj la ri u mac chrij, man c'o ta c'u jun chwäch la ri ma ta c'o u mac.

Marcos 16:16

Apachin ri cäcojonic, cäban c'u ri u bautism, cäcolotaj na. Apachin c'u ri man cäcojon taj, cac'okox na.

Ri Xuan 12:46

In chäj, in ulinak cho ri uwächulew, rech conojel ri quecojon chwe, man quec'oji' ta pa ri k'eku'm.

Ri Xuan 20:31

E tz'ibam c'u wa' rech quicojo chi ri Jesus are' ri Crist, u C'ojol ri Dios, rech aretak quicojo, cäc'oji' i c'aslemal pa ri u bi'.

Ri Xuan 3:36

Ri cäcojon che ri C'ojolaxel, c'o junalic u c'aslemal. Ri man cäcojon ta che ri C'ojolaxel, man c'o ta u c'aslemal, xane' ri royowal ri Dios cakaj na puwi'.

Ri Xuan 5:24

Kastzij, kastzij quinbij chiwe: Apachin ri cutatabej ri nu tzij, ri cäcojon che ri xintakow ulok, c'o junalic u c'aslemal. Man cäc'äjisax ta u wäch, xane' xel pa cämical, xk'ax pa c'aslemal.

Ri Xuan 6:40

Are c'u wa' ri u rayibal ri nu Tat, chi conojel ri queca'y che ri C'ojolaxel, quecojon c'u che ri are', cäc'oji' junalic qui c'aslemal, ri in quebenc'astajisaj na pa ri q'uisbal k'ij.”

Hechos 16:31

Ri e are' xquibij: “Chatcojon che ri Ajawaxel Jesus, catcolotaj c'u na ri at xukuje' ri e aj uwo awachoch.”

Romanos 10:9

We cak'alajisaj ruc' ri a chi' chi ri Jesus are ri Ajawaxel, xukuje' we cacoj ruc' awanima' chi are' ri Dios xc'astajisan chquixo'l ri cäminakib, catcolotaj na.

Romanos 11:32

Ri Dios xuban chque conojel chi man queniman taj, rech quel u c'u'x chque conojel.

Romanos 3:22

Ri Dios cuban suc' chque ri winak rumal ri qui cojonic che ri Jesucrist. Xa' junam cuban chque conojel ri quecojon che. Xa' c'u junam qui banic ri winak chuwäch.

Romanos 3:23

Conojel c'ut e macuninak. E najtajisam che ri u juluwem ri Dios.

Romanos 5:12

Je c'u ri', xa' rumal jun winak xoc ri macaj cho ri uwächulew xuc'am c'u ulok ri cämical, xk'ax c'u ri cämical chque conojel, conojel c'ut e macuninak.

Gálatas 3:14

Je xuban wa' rech cäpe ri u tewichibal ri Abraham paquiwi' ri man aj judeyib taj rumal ri Crist Jesus, xukuje' rech rumal ri cojonic, cäkac'am ri Uxlabaxel ri u bim ulok ri Dios chi cuya' na.

Gálatas 3:17

Quinbij c'u wa': Ri Dios xuya' che ri Abraham jun c'ulwächinic, xuc'ut chuwäch chi kastzij cuban na jas ri u bim. Rumal wa, oc'owinak chi quiejeb sient ruc' juwinak lajuj (430) junab, aretak xya' ri pixab che ri Moises, ri pixab man cuya' taj cusach u wäch ri chi'm.

Gálatas 3:23

Aretak c'ä majok cäpe ri cojonic, uj tz'apital rumal ri u pixab ri Moises, je ta ne uj c'o pa che', c'ä xk'alajisax na ri cojonic.

Gálatas 3:29

We ix rech ri Crist, kas ix rija'lil ri Abraham ri', xukuje' echbenelab jas ri u bim ri Dios pa ri u chi'm ulok che ri Abraham.

2 Timoteo 1:1

Ri in Pawl, u takom ri Crist Jesus rumal ri u rayibal ri Dios, jas ri u beya'l ri chi'm, ri u junaxic ib ruc' ri Crist Jesus,

Hebreos 9:15

Rumal ri' ri Crist are ri ch'awenel aj jun c'ac' c'ulwächinic, rech ri e siq'uitalic caquic'am ri junalic echbal ri chi'talic, camic c'ut cäminak ri are' che quesaxic ri macaj ri e ban tajinak chuxe' ri nabe c'ulwächinic.

2 Pedro 1:4

Rumal ri u juluwem xukuje' ri rutzil ri e u sipam chke ri e nimak tak e u chi'nic ri sibalaj e pakal cajil, rech ri ix quixcuinic quebic'am iwech ri u binibal ri Dios rech ri ix quixcuinic man quixkaj ta pa u k'ab ri etzelal ri c'o cho ri uwächulew ri cäpe cumal ri e itzel tak rayibal.

2 Pedro 3:13

Are c'u ri uj keye'm ri c'ac' caj xukuje' ri c'ac' ulew, chila' c'ut cäc'oji' wi na ri suq'uil, jas ri u bim ulok ri Dios.

1 Juan 2:25

Are c'u wa' ri kas u chi'm ri Jesucrist chke: ri junalic c'aslemal.