Gálatas 3:13 - Quiché Bible

¹³ Are ri Crist xujcoloben chuxe' ri u c'okonic ri pixab, xux c'u c'okotajinak che ka q'uexwäch. Tz'ibatal c'ut: “C'okotajinak ronojel ri cätzayabax cho jun che'.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Ri Cristo xujresaj loq pa ri etzelal rech ri taqanik are xubꞌan itzel chibꞌil ribꞌ xa rumal qe, jetaq kubꞌij ri Tzꞌibꞌatalik: Etzelatajinaq uwach ri karip cho jun che.

K'iche'

¹³ Ri Cristo xujutoro, xujuto' rech man cuya' taj cäk'at tzij pa ka wi' chi cäc'äjisax ka wäch xa rumal rech ri Pixab. Ri Are' xurik wa' we c'äx ri' rumal kech uj. Tz'ibtal c'u pa ru Lok' Pixab ri Dios, cubij: “Cäc'äjisax na u wäch ronojel winak ri cäxecbax cho jun che',” —cächa'.

K'iche' (New Orthography)

¹³ Ri Cristo xujutoro, xujuto' rech man kuya' taj käq'at tzij pa qa wi' chi käk'äjisax qa wäch xa rumal rech ri Pixab'. Ri Are' xuriq wa' we k'äx ri' rumal qech uj. Tz'ib'tal k'u pa ru Loq' Pixab' ri Dios, kub'ij: “Käk'äjisax na u wäch ronojel winaq ri käxekb'ax cho jun che',” —kächa'.

Gálatas 3:13 ပူးပေါင်းရင်းမြစ်များ

Ucab Samuel 17:23

Aretak c'u xril ri Ahitopel chi man xbantaj ri xubij xuquiejej ri u bur xbe cho rachoch, pa ri u tinimit, aretak c'u xesuc'umataj conojel ri jastak rech cho rachoch, xujitz'aj rib. Je u cämic wa', xmuk c'u chupam ri xmuk wi ri u tat.

Ucab Samuel 18:10

Are c'u ri xilow wa', xbe che u bixic che ri Joab, xubij: “Xinwil ri Absalon tzayal xo'l tak ri u k'ab jun bakit.”

Ucab Samuel 21:3

Ri David xuc'ot qui chi' xuta' chque, xubij: “¿Jas ri rajawaxic quinban chiwe? ¿Jas ri quinban che u c'ojoxic ri winakchi' ri xban chiwe, rech qui tewichi'j ri e u winak ri Ajawaxel?”

Ucab Samuel 21:9

xebujach c'u chque ri e c'o pa Gabaon, ri xequitzayiba' pa ri juyub chuwäch ri Ajawaxel. Je xban wa' chque, junam xecäm ri wukub, pa ri nabe tak k'ij ri xchaptaj u k'atic ri sebad.

Ucab Ajawinelab 22:19

rumal c'u rech chi slabetajinak ri awanima' xatkeb c'u wuc' aretak xatatabej ri k'alajisanic ri nu yo'm chrij we c'olbal ri' xukuje' ri winak ri e c'o chupam, chi quejocoq'uex na bic e c'okotajinak c'ut, rumal rech chi xajis ri awatz'iak chawij xukuje' chi xatok' chnuwäch, ri in xatintatabej. In, ri Ajawaxel, quinbij chawe.

Ri Ester 7:10

Xtzayabax c'ut ri Aman puwi' ri jitz'abal ri xutac'aba' che ri Mardoquey. Ruc' wa' xoc'ow ri royowal ri ajawinel.

Ri Ester 9:14

Ri ajawinel xuya' takanic chi je chbanok. Ri takanic xjabux u bixic pa Sus, xetzayabax c'ut ri lajuj u c'ojol ri Aman.

Ri Jeremiy 44:22

Are c'u ri Ajawaxel man xcuin ta chi che qui coch'ic ri itzel tak banoj ri xebibano ri sibalaj itzel querilo. Rumal quech wa' ri iwulew c'o pa yojyobic camic ri man c'o ta c'u jun cäjeki' ta chupam; uxinak c'utbal re c'okotajic, pa jun jasach ri cuya' xibriquil.

Ri Jeremiy 49:13

In, ri Ajawaxel, quinban na ri chi'nic ri kas cäban na, quincha' pa nu bil wib: Ri tinimit re Bosra cux na canok jun chaki'j uwo sak, pa etzeletajic, jun c'utbal re mach'irisanic xukuje' c'okotajic, are c'u ri niq'uiaj tak tinimit chic quecanaj pa etzeletajic chbe k'ij sak.”

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Ri Daniel 9:26

Aretak oc'owinak chi oxc'al quieb (62) wukutak k'ij quesax na ri u c'aslemal ri ajawinel ri cha'om. Ri Jerusalen xukuje' ri rachoch Dios cäsachisax na qui wäch cumal ri u winak jun ajawinel ri cäpe na. Ri q'uisbalil cäpe na jacha' jun bik'tajic, c'ä chuq'uisbalil c'ut cätaken na ri ch'o'j xukuje' ri sachoj tak wächaj ri e yo'm qui bixic chi quebanic.

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Matey 26:28

Are c'u nu quiq'uel wa' re ri c'ulwächinic. Ri nu quiq'uel cäturuw na rech cäsachtaj ri qui mac e q'ui winak.

Ri Matey 27:5

Ri Judas xuq'uiak can ri sak puak pa ri rachoch Dios. Xel bic, xbe che u jitz'axic rib.

Hechos 5:30

Ri qui Dios ri e ka mam xuc'astajisaj ri Jesus ri xjach alak pa cämisaxic aretak xrip cho jun che'.

Romanos 4:25

Are ri Jesus ri xjach pa ri cämical rumal rech ri ka mac, xc'astaj c'ut rumal rech ri ka k'alajisaxic chi uj suc' chic chuwäch ri Dios.

Romanos 9:3

Quinwaj ta c'u ne chi kas in quinc'oji' ta chuxe' c'okonic, najtajisam ta che ri Crist, we ta ruc' wa' quebento' ta ri e wachalal, ri kas e nu winakil.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Gálatas 3:10

Conojel ri qui jiquibam qui c'u'x chrij ri pixab, e c'o chuxe' c'okonic. Tz'ibatal c'ut: “C'okotajinak ronojel jachin ri man cäjeki' ta pa conojel ri jastak ri e tz'ibatal pa ri wuj re ri pixab, che qui banic.”

Gálatas 4:5

rumal kech uj ri uj c'o chuxe' ri pixab, che kesaxic chuxe', rech cujux ralc'ual ri Dios.

Efesios 5:2

chiwuc'aj ri c'aslemal aj lok'ok'ebal c'uxaj, jas ri Crist xujulok'ok'ej. Xuya' ri u c'aslemal rumal kech, jacha' sipanic, tabal tok'ob cho ri Dios, are jun c'oc'alaj uxlab ri cäkaj chuwäch.

U Camulixic ri Pixab 21:23

ri u cuerp man cäcanaj ta can ronojel ri jun ak'ab chila', rajawaxic cämuk kas pa ri k'ij ri xcämic, c'okotajinak c'ut rumal ri Dios ri cäcämic ri tzayabam cho jun che. Ri ix man cuya' ta quiban tz'il che ri c'olbal ri cuya' ri Ajawaxel ri i Dios chiwe che iwechbal.”

Ri Tit 2:14

Ri Jesucrist xuya' ri u c'aslemal rumal kech, che kesaxic pa u k'ab ronojel etzelal xukuje' che ka josk'ixic, rech cujux rech are' xukuje' cäkacoj ka chuk'ab che u banic utzalaj tak chac.

Hebreos 9:12

Ri Crist xoc pa ri Sibalaj Tastalicalaj C'olbal man rumal ta qui quiq'uel ama'ib tak q'uisic' mawi ri quech ri alaj ama'ib tak wacax, xane' rumal ri u quiq'uel ri are'. Xa' jumul oquinak chbe k'ij sak, bantajinak chic ri junalic kacolotajic.

Hebreos 9:15

Rumal ri' ri Crist are ri ch'awenel aj jun c'ac' c'ulwächinic, rech ri e siq'uitalic caquic'am ri junalic echbal ri chi'talic, camic c'ut cäminak ri are' che quesaxic ri macaj ri e ban tajinak chuxe' ri nabe c'ulwächinic.

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.

1 Juan 4:10

Are wa' ri lok'ok'ebal c'uxaj: man are taj chi uj taj xujlok'ok'en ta ri Dios, xane' chi are' ri are' xujlok'ok'enic, xutak c'u ulok ri u C'ojol, rech cuchi'j rib che tabal tok'ob, quetojtaj c'ut ri e ka mac.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 13:8

Xquik'ijilaj ri xibibal awaj conojel ri e jekel cho ri uwächulew ri man e tz'ibam taj ri qui bi' pa ri wuj re c'aslemal rech ri Alaj Chij ri xcämisaxic kas pa ri u tiquiritajic ri uwächulew.

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.