Gálatas 2:7 - Quiché Bible

⁷ Man xquibij ta c'u jun c'ac' takanic chwe, xane' xquilo chi kastzij yo'm pa nu k'ab ri u tzijoxic ri tzij re colobal ib chque ri man aj judeyib taj, je jas ri Lu' yo'm pa u k'ab chi cutzijoj ri utzalaj tak tzij re colobal ib chque ri aj judeyib.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Xane qas xkilo chi qas xchilibꞌex wi chwe utzijoxik ri utz laj tzij chike ri winaq ri man aꞌj Israel taj jetaq ri xbꞌan che ri Pedro xchilibꞌex che kutzijoj ri utz laj tzij chike ri winaq aꞌj Israel.

K'iche'

⁷ Man c'o tä jun tijonic chic ri xquiya chwe, xane xquich'obo chi kas tzij yo'm pa nu k'ab ru tzijoxic ri Utzalaj Tzij re ri Evangelio chque ri niq'uiaj winak chic ri man e aj Israel taj, je' jas ri Pedro yo'm pu k'ab ru tzijoxic ri Utzalaj Tzij re ri Evangelio chque ri winak aj Israel.

K'iche' (New Orthography)

⁷ Man k'o tä jun tijonik chik ri xkiya chwe, xane xkich'ob'o chi qas tzij yo'm pa nu q'ab' ru tzijoxik ri Utzalaj Tzij re ri Evangelio chke ri nik'iaj winaq chik ri man e aj Israel taj, je' jas ri Pedro yo'm pu q'ab' ru tzijoxik ri Utzalaj Tzij re ri Evangelio chke ri winaq aj Israel.

Gálatas 2:7 ပူးပေါင်းရင်းမြစ်များ

Hechos 15:12

Conojel c'ut man xech'aw ta chic. Xequitatabej ri Bernabe xukuje' ri Pawl, ri xquibij chque conojel ri mayibal xukuje' ri etal ri e u banom ri Dios cumal chquixo'l ri man aj judeyib taj.

Hechos 18:6

Are c'u ri are' xquik'atij u wäch ri u tzij xukuje' xeyok'onic, ri Pawl xutota' ri u k'u', che u c'utic chi man utz taj ri qui banom. Xubij c'u chque: “Kas chiwij quel wi we quixcäm pa ri i mac, man nu mac ta chi in. Camic c'ut quinbe cuc' ri man aj judeyib taj.”

Hechos 28:28

Chetamaj alak we colobal ib ri' ri cuya' ri Dios takom bic chque ri man aj judeyib taj, ri e are' c'ut quetataben na'.”

Hechos 9:15

Xubij ri Ajawaxel che: “Jät. Nu cha'om c'ut we achi ri' rech quinuk'alajisaj chquiwäch ri winak ri e re jule' nimak tak tinimit chic, chquiwäch ri ajawinelab xukuje' chquiwäch ri aj israelib.

Romanos 1:5

Ri rumal kac'amom ri tok'ob xukuje' ri takomal rech cänimax ri cojonic chquixo'l conojel ri man e aj judeyib taj, che u lok'ok'exic ri u bi'.

Romanos 11:13

C'o c'ut ri quinbij na chiwe ix ri man ix aj judeyib taj in u takom c'u ne ri Dios chque ri man aj judeyib taj, ri in sibalaj nim quinwil wi ri in takom che u banic.

1 Corintios 9:17

We ruc' ri nu rayinic, quintzijoj ri colobal ib, c'o na ri tojbal wech. We c'u man quintzijoj ri colobal ib ruc' ri kas nu rayibal, xa ba in takchi'm ri' che u banic.

Gálatas 1:16

xuk'alajisaj ri u C'ojol chnuwäch, rech quintzijoj chquixo'l ri man aj judeyib taj. Aretak xc'ulmataj wa' man xinta' ta nu no'j che jun winak.

Gálatas 1:18

E oc'owinak chi oxib junab, xinpaki' pa Jerusalen, che retamaxic u wäch ri Lu'. Olajuj k'ij xinc'oji' ruc'.

Gálatas 1:6

Quinmayij chi sibalaj chanim xiya' can ri Dios, ri xixsiq'uin rumal ri u tok'ob ri Crist, xiterenej c'u jun tzijol chic.

Gálatas 2:11

Aretak c'u xopan ri Lu' pa Antioquiy, xinc'ulelaj chupalaj, takal c'u u c'okoxic.

Gálatas 2:14

Aretak c'u xinwilo chi man suc' taj quebinic jas ri kastzij re ri tzijol re colobal ib, xinbij che ri Lu' chquiwäch conojel: “We ri at, at aj judey, cäban ri cäquiban ri man aj judeyib taj, man je ta c'ut jas ri aj judeyib, ¿jasche cacoj chuk'ab chque ri man aj judeyib taj rech cäquiban que ri qui nak'atisabal ri aj judeyib?”

Gálatas 2:9

Ri Santiag, ri Lu' xukuje' ri Xuan, are ri xechomaxic chi nimak qui banic pa ri comon cojonelab, aretak xquich'ob ri tok'ob ri yo'm chwe, xquiya' ri qui k'ab chwe in ruc' ri Bernabe, che u c'utic chi xa' junam ri canima' kuc'. Utz c'u xquil wi chi ri uj cujbe cuc' ri man aj judeyib taj, ri e are' quebe cuc' ri aj judeyib.

1 Tesalonicenses 2:4

Ri Dios utz cujril wi rech cujutak bic che u tzijoxic ri u tzij re colobal ib, je cujtzijon wa'. Man cäkabij taj ri cäkaj chquiwäch ri winak, xane' ri cäkaj chuwäch ri Dios, ri reta'm ri kanima'.

1 Timoteo 1:11

jas ri cubij ri tzij re colobal ib ri nim u k'ij, ri u tzij ri Dios ri cänimarisax u k'ij. Are utzalaj tak tzij wa' ri in takom che u tzijoxic.

1 Timoteo 2:7

In cojom che tzijonel xukuje' takom. In cojom che qui tijoxic ri man aj judeyib taj che ri cojonic xukuje' che ri kastzij. Quinbij ri kastzij, man quinban ta tzij.

2 Timoteo 1:11

Ri Dios in u tasom rech quinya' u bixic we tzijol ri', jacha' jun takom xukuje' jun ajtij.

2 Pedro 3:15

Chichomaj ba' chi colobal ri u coch'onic ri Kajaw; je jas xutz'ibaj ri lok'alaj kachalal Pawl chiwe, jas ri no'j ri yo'm che.