Gálatas 2:4 - Quiché Bible

⁴ Jujun tak subunelab tak achalaxelab quinimom quib chkaxo'l chic'uyal, che u nic'oxic ri ka tzokopixic ri c'o kuc' rumal ri Crist Jesus are ta c'u cäcaj chi cujux ta chi u lok'om pataninelab ri pixab.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Pune e kꞌo jujun chilaꞌ ri xaq esal taq kiwach alaxik, xaq xwi keꞌkilaꞌ jas ri kujkwinik kaqabꞌano pa Cristo, rech jeriꞌ kujkitaqchiꞌj chubꞌanik ri kubꞌij ri taqanik rech ri Moisés.

K'iche'

⁴ E c'o c'u jujun ri cäca'n che quib chi e cojonelab ri xak chc'uyal xeboc chkaxol. Are ta xcaj chi xoc retal ri ojer trato che ri Tito. Ri e are' xeboc chkaxol xak che rilic jas cäka'n uj, ri uj tzokopital chi rumal ri Cristo pu k'ab ri ojer Pixab. Are c'u cäcaj chi cujk'ax chi jumul pu k'ab wa'.

K'iche' (New Orthography)

⁴ E k'o k'u jujun ri käka'n che kib' chi e kojonelab' ri xaq chk'uyal xeb'ok chqaxol. Are ta xkaj chi xok retal ri ojer trato che ri Tito. Ri e are' xeb'ok chqaxol xaq che rilik jas käqa'n uj, ri uj tzoqopital chi rumal ri Cristo pu q'ab' ri ojer Pixab'. Are k'u käkaj chi kujq'ax chi jumul pu q'ab' wa'.

Gálatas 2:4 ပူးပေါင်းရင်းမြစ်များ

Salmib 119:45

Jeri' quincuinic quinc'oji' pa torotajic, e nu terenem c'u ri takanic la.

Salmib 51:12

Bana' la chwe chi quinna' chi jumul ri quicotemal ri cuya' ri colonic la; chinuc'aj la ruc' ri uxlabal la ri telechinel,

Ri Isaiy 51:23

Quinya' na chque ri xebanow c'ax chawe, ri xquibij chawe: ‘Chapoba' awib cho ri ulew, cujoc'ow c'u na chawij;’ ri at c'ut xapoba' awib cho ri ulew, rech catquitac'alej jacha' ri puc'uc' ulew.”

Ri Lucax 5:38

Are ri c'ac' u wa'l uva rajawaxic cäya' pa c'ac' tak tz'um.

Hechos 15:1

Xebel c'u bic jujun achijab pa Judey, xekaj bic pa Antioquiy, xequitijoj ri kachalal, xquibij: “We man cäcoj na ri etal che u kopixic ri u tz'umal ri u wi' ri ix achijab wi jas ri nak'atisabal ri u bim ri Moises, man quixcuin taj quixcolotajic.”

Hechos 15:24

Ka tom c'ut chi jujun ri e elinak bic chkaxo'l ri man c'o ta takanic ka yo'm bic chque ri e qui yo'm latz' chiwe cumal tak ri e qui tzij, xqueblaj c'ut i c'u'x cumal.

Hechos 20:30

Xukuje' chixo'l ix quewalij wi na winak ri cäquitzijoj na jech'laj tak jastak, rech ri e cojonelab, queteri c'u bic chquij.

Romanos 8:15

Man i c'amom ta jun uxlabal ri cuban lok'om pataninelab chiwe, ri cuban ta chiwe chi quixe'j iwib jas ri nabe canok. Xane' i c'amom ri Uxlabaxel ri xuban chiwe chi xixux ralc'ual ri Dios. Rumal c'u ri are' cäkabij ka Tat che ri Dios.

2 Corintios 11:13

E are c'u wa' ri man kas takomxenlab taj. E subunelab tak ajchaquib, ri cäquijaluj quib chi takomxenlab aj ri Crist.

2 Corintios 11:17

Pune' we nimarisan ib ri' are jun ch'ujilal man e tzij ta c'ut ri quekaj ta chuwäch ri Ajawaxel Jesus xane' cätajin quinch'awic jacha' jun con.

2 Corintios 11:20

Aretak quebopan winak iwuc' ri cäcaj quetakan piwi', o cäqueläk'aj ri jastak iwe, o cäquiban quech chiwe, o cäquinimarisaj quib, o quixquich'ay chipalaj, ri ix xak quebicuyu'.

2 Corintios 11:26

Q'ui mul nu banom tak binem. Xak quieb xubij panuwi' pa tak nima', pa tak qui k'ab eläk'omab, pa tak qui k'ab ri nu winakil, pa tak qui k'ab ri man aj judeyib taj, pa tak tinimit, pa chaki'j uwo sak, pa ri plo, xukuje' chquixo'l ri cäquijaluj quib chi e kachalal.

2 Corintios 3:17

Are' c'ut ri Ajawaxel are ri Uxlabaxel. Jawije' c'ut ri c'o wi ri Ruxlabal ri Ajawaxel chi c'o wi torotajic.

Gálatas 1:7

Kastzij man c'o ta jun tzijol chic re colobal ib. E c'o c'u jujun ri quixquisacho, are cäcaj cäquiq'uex ri utzalaj tak u tzij ri Crist.

Gálatas 4:25

Ri Agar are je jas ri juyub Sinai pa Arab, are u q'uexwäch ri Jerusalen ri c'o camic, rumal rech chi c'o c'ut che lok'om pataninel e rachilam ri ral.

Gálatas 4:3

Jeri' xukuje' ri uj, aretak c'ä uj ch'utik, uj c'o pa qui k'ab ri nabe tak u tijobal ri uwächulew.

Gálatas 5:1

Ri Crist xuya' tzokopinic chke rech cujux tzokopitalic. Rumal c'u ri' co chixtac'al chupam we tzokopitajic ri' minim chi iwib jumul chuxe' ri eka'bal ri c'o paquiwi' ri lok'om tak pataninelab.

Gálatas 5:10

Cu'l nu c'u'x chiwij pa ri Ajawaxel, chi man jun ta chi wi ri qui chomaj. Apachin c'u ri cäsachow ri i chomanic, cäc'äjisax na u wäch, apachin ta ne.

2 Timoteo 3:6

Jujun c'ut chque wa' e are ri queboc pa tak ja, quequisub jujun ixokib, ri sachinak qui c'u'x ruc' ri qui mac, ri e c'amom bic rumal ronojel u wäch rayibal,

Santiago 1:25

Apachin ri cäretamaj jas cubij ri tz'akatalaj pixab ri quebutzokopij ri winak, ri man cuya' ta can ri pixab, ri man xuwi ta cuto xukuje' cusach ta ri u tom, xane' cubano jas cubij ri pixab, utz c'u re wa' pa ri chac ri cubano.

1 Pedro 2:16

Ri Dios cäraj chi ix je jas winak e tzokopim bic. Man utz ta c'ut we quiban etzelal xa' rumal rech chi ix tzokopim bic, xane' chibana' je jas e pataninelab re ri Dios.

2 Pedro 2:19

Cäquibij chi quequitzokopij ri winak, e ximital c'u ne ri e are' rumal ri etzelal. Ri jun ri xch'äcataj rumal jun chic, cäc'oji' ri' chuxe' ri u takanic ri jun ri xch'äcowic.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.