Gálatas 2:16 - Quiché Bible

¹⁶ Keta'm chi man c'o ta jun winak cäk'alajisaxic chi suc' chuwäch ri Dios rumal ri u nimaxic ri pixab; xane' rumal ri qui cojonic che ri Jesucrist. Ri uj xukuje' xujcojon che ri Crist Jesus, rech cäk'alajisaxic chi uj suc' rumal ri cojonic, man rumal ta ri u nimaxic ri pixab. Man c'o ta c'u jun winak cäk'alajisaxic suc' rumal ri u nimaxic ri pixab.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Qetaꞌm kꞌut chi man kꞌo ta jun kabꞌantaj sukꞌ che rumal ri chak ri kuta ri taqanik xane xaq xwi kabꞌantaj sukꞌ che jun rumal ri kojobꞌal pa Jesucristo, jeriꞌ rumal man kꞌo ta jun kabꞌantaj sukꞌ che rumal ri taqanik.

K'iche'

¹⁶ Pune ta ne je ri', ketam chi jun winak man jicom tä ri ranima' ri' cho ri Dios rumal ru banic ri cubij ri Pixab ri xutz'ibaj ri ka mam Moisés, xane xuwi cäjicomataj ri ranima' rumal chi cäcojon che ri Jesucristo. Rumal ri' ri uj xukuje' uj cojoninak che ri Jesucristo rech cäjicomataj ri kanima' cho ri Dios xa rumal chi uj cojoninak che ri Cristo, man rumal tä ru banic ri cubij ri Pixab. Man c'o tä c'u jun winak ri cäjicomataj ri ranima' cho ri Dios rumal ru banic ri cubij ri Pixab.

K'iche' (New Orthography)

¹⁶ Pune ta ne je ri', qetam chi jun winaq man jikom tä ri ranima' ri' cho ri Dios rumal ru b'anik ri kub'ij ri Pixab' ri xutz'ib'aj ri qa mam Moisés, xane xuwi käjikomataj ri ranima' rumal chi käkojon che ri Jesucristo. Rumal ri' ri uj xuquje' uj kojoninaq che ri Jesucristo rech käjikomataj ri qanima' cho ri Dios xa rumal chi uj kojoninaq che ri Cristo, man rumal tä ru b'anik ri kub'ij ri Pixab'. Man k'o tä k'u jun winaq ri käjikomataj ri ranima' cho ri Dios rumal ru b'anik ri kub'ij ri Pixab'.

Gálatas 2:16 ပူးပေါင်းရင်းမြစ်များ

Ri Job 25:4

¿La cäcuin ta c'u lo, jun xak winak cux ch'ajch'oj xukuje' chi ma ta c'o u mac chuwäch ri Dios?

Ri Job 9:29

We c'u u banom chwe chi in ajchak'mac, man c'o ta cupatanij quincoj nu chuk'ab.

Salmib 143:2

Mäsiq'uij la ri pataninel ech la rech cajilaj la ri u mac chrij, man c'o ta c'u jun chwäch la ri ma ta c'o u mac.

Ri Xuan 20:31

E tz'ibam c'u wa' rech quicojo chi ri Jesus are' ri Crist, u C'ojol ri Dios, rech aretak quicojo, cäc'oji' i c'aslemal pa ri u bi'.

Hechos 4:12

Man c'o ta chi jun c'o ta wi colobal ib, ri Dios c'ut man u yo'm ta chke ri u bi' ta chi jachin jun cho ri uwächulew ri cujcuin ta wi cujcolotaj ta wi.”

Romanos 1:17

Ri utzalaj tak tzij cuc'ut chkawäch chi ri Dios cuban suc' chke rumal ri cojonic, xak xuwi rumal ri cojonic. Jas ri cubij ri tz'ibatalic: “Ri suc'alaj winak cäc'asi na rumal ri cojonic.”

Romanos 3:30

xa' c'u jun ri Dios. Rumal ri cojonic, ri Dios cäk'alajisanic chi e suc' chuwäch ri are' ri aj judeyib ri cojom quetal re kopinic che ri qui tz'umal ri e achijab wi. Xukuje', rumal ri cojonic, ri Dios cäk'alajisanic chi e suc' chuwäch ri are' ri winak ri man cojom ta ri quetal re kopinic che ri qui tz'umal ri e achijab wi.

Romanos 4:2

We ta xk'alajisax ri Abraham chi suc' rumal ri u chac, c'o ba jas cunimarisaj wi rib ri'. Man chuwäch ta c'u ri Dios.

Romanos 4:24

Xane' xtz'ibax xukuje' rumal kech uj. Rumal ri ka cojonic, ri Dios cujuk'alajisaj chi uj suc' chuwäch, ri cujcojon che ri Jun ri xuc'astajisaj, ri Jesus, ri Ajawaxel, chquixo'l ri cäminakib.

Romanos 8:3

U banom c'u ri Dios ri man xcuin ta ri u pixab ri Moises che u banic, man ticarel ta c'u che u banic u mac rech ri u tukaril ri aj macalaj winak: ri Dios xutak c'u ulok ri kas u C'ojol pa ri u junamil ri aj macalaj winak jacha' che tabal tok'ob rech cacuyutaj ri macaj, je c'u wa' ri u c'okotajic ri macaj chupam ri kas u tukaril ri winak.

Romanos 9:30

¿Jas c'u cäkabij? Cäkabij chi ri man aj judeyib taj ri man xquitzucuj ta ri suq'uil, ri e are' xquirik ri suq'uil, ri suq'uil ri cäpe rumal ri cojonic.

1 Corintios 6:11

E c'o c'u jujun chiwe e je tak wa' nabe canok. Camic c'ut ix ch'ajtajinak chic, banom chi tastalic tak winak chiwe, ix k'alajisam chic chi ix suc' chuwäch ri Dios pa ri u bi' ri Ajawaxel Jesucrist, rumal ri Uxlabal re ri ka Dios.

Gálatas 4:5

rumal kech uj ri uj c'o chuxe' ri pixab, che kesaxic chuxe', rech cujux ralc'ual ri Dios.

Gálatas 5:4

Ix ri quichomaj quik'alajisaj chi ix suc' rumal ri u nimaxic ri pixab, i tasom iwib naj ix c'o c'u wi che ri Crist. Tasom iwib che ri u tok'ob.

Filipenses 3:9

Xukuje' rech quinriktaj pa ri are'. Jeri' in suc' chic man rumal ta ri u nimaxic ri pixab, xane' rumal rech chi xincojon che ri Crist. Are suq'uil wa' cuya' ri Dios rumal ri cojonic.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

1 Pedro 2:24

Ri Crist xebuc'am bic ri ka mac chrij ri u cuerp cho ri ripibal, rech aretak uj cäminak chic chquiwäch ri mac, cujc'asi' na, cäkaban na ri suc'. Rumal ri u socotajic ri are', ri ix xixcunatajic.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.

2 Pedro 1:1

Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.

Apocalipsis 7:9

Aretak e bantajinak chi we jastak ri', xinca'yic, xinwil q'uialaj winak, ri man c'o ta jun cäcuin che cajilaxic, ronojel qui wäch tak tinimit, amak', winakil, ch'abal. E tac'atoj chuwäch ri tem re ajawibal xukuje' chuwäch ri Alaj Chij, quicojom sakloloj tak atz'iak xukuje' cuc'am u xak tak tut pa qui k'ab.