Gálatas 1:7 - Quiché Bible

⁷ Kastzij man c'o ta jun tzijol chic re colobal ib. E c'o c'u jujun ri quixquisacho, are cäcaj cäquiq'uex ri utzalaj tak u tzij ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Man kel ta kubꞌij chi kꞌo chi jun utz laj tzij, xane xa e kꞌo chi nikꞌaj winaq ri kakaj kix kisubꞌu rech jeriꞌ kakikꞌex ubꞌixik ri utz laj utzij ri Cristo.

K'iche'

⁷ Man quinbij taj chi kas tzij c'o chi jun kas “evangelio” chic, xane xa e c'o jujun ri quixquisacho. E are' cäcaj cäquiq'uex ri Utzalaj Tzij re ri Evangelio chrij ri Cristo.

K'iche' (New Orthography)

⁷ Man kinb'ij taj chi qas tzij k'o chi jun qas “evangelio” chik, xane xa e k'o jujun ri kixkisacho. E are' käkaj käkik'ex ri Utzalaj Tzij re ri Evangelio chrij ri Cristo.

Gálatas 1:7 ပူးပေါင်းရင်းမြစ်များ

Ri Jeremiy 23:26

¿C'ä jampa' lo we e k'axal tak tzij ri' caquitakej na quibixic subunic ri xak pa qui jolom queq'uic tak wi?

Ri Jeremiy 23:36

Mucoj chi c'ut ri tzij ‘u chilibenic ri Ajawaxel’, we c'u ne c'o jachin jun cacojowic, quinban na chi ri e u tzij quebux jun chilibenic. Ix i q'uexom ri quel caquibij ri u tzij ri c'aslic Dios, ri rech ri i Dios, ri Ajawaxel ri c'o ronojel u cuinem.

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Hechos 13:10

xubij: “¡Ay, at nojinak che ronojel subunic, che ronojel etzelal, at ralc'ual ri itzel, a banom a c'ulel che ronojel suq'uilal! ¿La ma ta catanaba' u jech'baxic ri suc'alaj u be ri Ajawaxel?

Hechos 15:24

Ka tom c'ut chi jujun ri e elinak bic chkaxo'l ri man c'o ta takanic ka yo'm bic chque ri e qui yo'm latz' chiwe cumal tak ri e qui tzij, xqueblaj c'ut i c'u'x cumal.

Hechos 20:30

Xukuje' chixo'l ix quewalij wi na winak ri cäquitzijoj na jech'laj tak jastak, rech ri e cojonelab, queteri c'u bic chquij.

2 Corintios 11:13

E are c'u wa' ri man kas takomxenlab taj. E subunelab tak ajchaquib, ri cäquijaluj quib chi takomxenlab aj ri Crist.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

Gálatas 1:6

Quinmayij chi sibalaj chanim xiya' can ri Dios, ri xixsiq'uin rumal ri u tok'ob ri Crist, xiterenej c'u jun tzijol chic.

Gálatas 2:4

Jujun tak subunelab tak achalaxelab quinimom quib chkaxo'l chic'uyal, che u nic'oxic ri ka tzokopixic ri c'o kuc' rumal ri Crist Jesus are ta c'u cäcaj chi cujux ta chi u lok'om pataninelab ri pixab.

Gálatas 4:17

E c'o c'u jujun ri sibalaj quixcaj, man are ta c'u utzil cäcaj chiwe, xane' are cäcaj quixquesaj bic chkaxo'l, rech sibalaj quebiwaj na ri e are'.

Gálatas 5:10

Cu'l nu c'u'x chiwij pa ri Ajawaxel, chi man jun ta chi wi ri qui chomaj. Apachin c'u ri cäsachow ri i chomanic, cäc'äjisax na u wäch, apachin ta ne.

Gálatas 5:12

E are' tak c'ut ri queyo'w latz' chiwe, quinwaj ta ne chi kas e are' chi xa' ta jumul caquik'at quib.

Gálatas 6:17

Chuq'uisbalil c'ut, wachalal, c'o chi jun mäyo'w latz' chwe. C'o che ri nu cuerp ri retal tak ri c'ax ri nu rikom rumal rech ri Ajawaxel Jesus.

2 Timoteo 2:18

Ri e are' xesachic, xquiya' can ri kastzij, cäquibij chi bantajinak chic ri c'astajibal, cäquituquij ri qui cojonic jujun.

1 Juan 2:26

Nu tz'ibam wa' chiwe chquij ri winak ri quixquisubu.

1 Juan 4:1

Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

2 Juan 1:10

We c'o jun copan che i solixic, ri man ruc'am ta we tijonic ri', miwoquisaj pa ja, miya' rutzil u wäch.

2 Juan 1:7

E q'ui c'ut ri e benak cho ri uwächulew ri cäcaj quixquisubu, cäquibij chi ri Jesucrist man c'o ta u cuerp xpe cho ri uwächulew. Ri jun ri je cubij wa', are subunel ri cuban u c'ulel che ri Crist.

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.

Apocalipsis 12:9

Xq'uiak c'u bic ri nimalaj dragon, ri ojer cumätz, ri cäbix itzel xukuje' Satanas che, ri quebusub conojel ri winak. Xq'uiak bic cho ri uwächulew. Xukuje' ri u tako'nib xeq'uiak bic ruc'.

Apocalipsis 13:14

Ri xibibal awaj xebuban ri etal ri yo'm che chi quebuban chuwäch ri nabe xibibal awaj. Jeri' chi xebusub ri e jekel cho ri uwächulew. Xubij c'u chque ri winak chi chquibana' ri u wächbal ri nabe xibibal awaj, ri c'o u socotajic re ch'ich' re ch'o'j u takem c'u c'aslem.

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Apocalipsis 2:2

E weta'm ri e a chac, ri e c'axalaj a chac, xukuje' ri a ch'ijonic, weta'm chi man quebak'i taj ri itzel tak winak. Weta'm chi xebanic'oj ri cäquibij quib chi e takom, man e je ta c'ut. Xebanic'oj c'ut chi e banal tak tzij.

Apocalipsis 2:20

Quinna' c'u wa' chawij: a yo'm c'u che ri ixok Jezabel, ri cubij rib chi k'axal tzij, chi quebutijoj ri nu pataninelab xukuje' chi quebusub che u banic macunic cuc' ixokib, xukuje' che u tijic jastak ri e cojom chquiwäch tak diosib.

Apocalipsis 2:6

C'o c'u jun jasach ri utz cätajin cabano. Cawetzelaj u wäch ri qui chac ri nicolaitab, xukuje' in quinwetzelaj qui wäch.

Apocalipsis 20:3

Xuq'uiak bic pa ri jul re ri k'ekumalaj c'olbal, xutz'apij, xucoj c'u t'ikbal che ri tz'apibal u wi': Je xuban wa' che ri itzel rech man quebusub ta chic ri nimak tak tinimit, c'ä quetz'akat na jun mil junab. E oc'owinak chi c'ut ri jun mil junab, rajawaxic chi cäquir na quieb oxib k'ij.