Filipenses 4:9 - Quiché Bible

⁹ Ronojel ri nu c'utum can chiwäch, ri nu bim can chiwe, ri nu tzij ri i tom, xukuje' ri iwilom chi quinbano, ronojel wa' chibana'; are c'u ri Dios aj jamaril cäc'oji' na iwuc'.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Are chibꞌana ri xiwetaꞌmaj, xito, xiwilo, xuqujeꞌ xikꞌamawaꞌj chwe in, rech jeriꞌ ri Dios rech jaꞌmaril kakꞌojiꞌ iwukꞌ.

K'iche'

⁹ Chibana ri nu c'utum chiwäch, ri nu bim chiwe chi rajwaxic quibano. Chibana ronojel ri i tom pa nu chi', xukuje' ri iwilom chi quinbano. We quiban ronojel wa' ri ka Dios ri cubano chi cuxlan ri iwanima' cäc'oji na iwuc'.

K'iche' (New Orthography)

⁹ Chib'ana ri nu k'utum chiwäch, ri nu b'im chiwe chi rajwaxik kib'ano. Chib'ana ronojel ri i tom pa nu chi', xuquje' ri iwilom chi kinb'ano. We kib'an ronojel wa' ri qa Dios ri kub'ano chi kuxlan ri iwanima' käk'oji na iwuk'.

Filipenses 4:9 ပူးပေါင်းရင်းမြစ်များ

Ri Isaiy 41:10

Man caxe'j ta awib, in c'o c'u ne awuc' maxibij awib, in c'ut in a Dios. In quinyo'w a chuk'ab, in catinto', catintok'ej ruc' ri colomalaj nu k'ab.

Ri Isaiy 8:10

Chebibana' i chomanic, queyojix c'u na; chi chomaj u banic ri quiwaj, man cabantaj ta c'u na ri quiwaj, rumal c'u rech chi c'o ri Dios kuc'.

Ri Matey 1:23

“Ri k'apoj ali cux na yawab winak. Cäril na u wäch jun ral ala. Cucoj na Emanuel che u bi'.” Ri tzij Emanuel je quel cubij wa': “Ri Dios c'o kuc'.”

Ri Matey 28:20

Chebitijoj che u nimaxic ronojel jas ri xixintak wi. Chiwilampe', in c'o iwuc' ronojel k'ij c'ä pa ri u q'uistajic ri uwächulew.”

Ri Matey 7:21

“Man ronojel taj ri cabin chwe: ‘Wajaw, Wajaw’, coc ta na pa ri rajawibal ri Dios, xane' xuwi ri quebanow ri u rayibal ri nu Tat ri c'o pa ri caj.

Ri Lucax 6:46

“¿Jasche quibij ‘Ajawaxel, Ajawaxel’ chwe, man quiban ta c'ut jas ri quinbij chiwe?

Ri Lucax 8:21

Ri are' xubij chque: “Ri nu nan xukuje' ri e wachalal e are ri' ri cäquita' ri u tzij ri Dios, caquiban c'ut ri cubij.”

Ri Xuan 13:17

We iweta'm we jastak ri', ix tewichitalic we quibano.

Ri Xuan 15:14

Ix ri' ri ix wachil, we quibano jas ri quixintak wi.

Ri Xuan 2:5

Xubij ri u nan chque ri pataninelab: “Apachique ta ne ri cubij chiwe, chibana'.”

Hechos 9:6

Chatwalijok. Chatoc bic pa ri tinimit. Cäbix c'u na chawe jas ri rajawaxic cabano.”

Romanos 15:33

Ri Dios ri cuya' jamaril, chc'ol ta iwuc' chi nimalaj iwonojel. Je chbanok.

Romanos 16:20

Ri Dios aj jamaril, cuban na' chi cuxak'alej ri Satanas chuxe' ri iwakan. Ri u tok'ob ri Ajawaxel Jesus quixtewichinic.

1 Corintios 10:31

Je c'u ri', we quixwa'ic, we quixuq'uianic, o we c'o jun jasach chic quibano, chibana' ronojel che u nimarisaxic u k'ij ri Dios.

1 Corintios 14:33

Ri Dios man are ta jun Dios re tuquin ib, xane' re jamaril. Je chbanok jas ri banom pa conojel tak ri comon cojonelab.

1 Corintios 4:16

Quixinbochi'j c'ut, chibana' iwech jas ri quinbano.

2 Corintios 13:11

Chuq'uisbalil, wachalal: Chixquicotok. Chitz'akatisaj jas ri cäraj ri Dios pa ri i c'aslemal. Chicu'bisala' i c'u'x. Chux junam i chomanic. Chixjekel pa jamaril. Are c'u ri Dios ri re lok'ok'ebal c'uxaj, aj jamaril, cäc'oji' na iwuc'.

U Camulixic ri Pixab 5:1

Ri Moises xumulij ronojel ri tinimit Israel xubij c'u chque: “Chitatabej aj israelib, ri pixab xukuje' tak ri tz'ibatalic ri quebenya' qui bixic chiwe camic. Utz quetamaxic chebibana', chebitakej c'u qui banic.

Filipenses 3:17

Wachalal, chibana' iwe jas ri quinban in. Are chebiwila' ri cäquiban que jas ri ka banom uj chiwäch.

Filipenses 4:7

Are c'u ri u jamaril ri Dios, ri nim na chuwäch ronojel no'j, cächajin na ri iwanima' xukuje' ri i ch'obobal pa ri Crist Jesus.

1 Tesalonicenses 1:6

Ri ix c'ut xiban iwe jas ri xkaban uj xukuje' jas ri xuban ri Ajawaxel. Xic'am ri tzij ruc' c'axc'olil xukuje' ruc' quicotemal ri yo'm chiwe rumal ri Ruxlabal ri Dios.

1 Tesalonicenses 2:14

Ri ix c'ut, kachalal, xiban iwe jas ri xquiban ri e u comon cojonelab ri Dios ri e c'o pa Judey, ri e re ri Crist Jesus. Xukuje' ri ix xa' junam xirik c'ax cumal ri e i winakil, jas ri e are' xquirik c'ax cumal ri aj judeyib.

1 Tesalonicenses 5:23

Are ri Dios ri cäyo'w jamaril chixo'l, cuban tastalic tak winak chiwe pa ronojel, cuchajij ri iwuxlabal, ri i c'aslibal, xukuje' ri i cuerp rech mata c'u jun quetzelal che ri u petibal ri Kajaw Jesucrist.

2 Tesalonicenses 3:4

Cu'l ka c'u'x chrij ri Ajawaxel chi ri ix quibano xukuje' quiban na jas ri xixkatak wi.

2 Timoteo 4:22

Ri Ajawaxel Jesucrist chc'ol ta ruc' ri awanima'. Are' ta ri Dios cuban tok'ob chiwe.

Santiago 1:22

Chinimaj ri tzij, chibana' jas ri cubij, man xuwi ta quita' ri tzij. We ta xak je quibano, quisub iwib.

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.

1 Juan 3:22

ronojel ri cakatz'onoj che, cuya' chke, rumal rech chi e ka nimam ri e u takomal cäkaban c'ut ri cäkaj chuwäch.