Filipenses 4:7 - Quiché Bible

⁷ Are c'u ri u jamaril ri Dios, ri nim na chuwäch ronojel no'j, cächajin na ri iwanima' xukuje' ri i ch'obobal pa ri Crist Jesus.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Rech jeriꞌ kuya na ri Dios ri ujaꞌmaril chiꞌwe, are waꞌ ri jaꞌmaril ri man kekwin taj ri winaq cho ri uwachulew kakichꞌobꞌ rij, are waꞌ ri katoꞌw ri kanimaꞌ xuqujeꞌ ri kichomabꞌal ri e rech chik ri Cristo.

K'iche'

⁷ We je' quibano, ri Dios cuban na chi cuxlan ri iwanima'. Je ri' chi ri winak cäquicajmaj na wa' chi man quixej tä iwib. Ri uxlanem ri' ri cuya ri Dios chiwe cuchajij na ri iwanima' xukuje' ri i chomanic, rumal chi cäcu'bi na i c'ux chrij ri Cristo Jesús.

K'iche' (New Orthography)

⁷ We je' kib'ano, ri Dios kub'an na chi kuxlan ri iwanima'. Je ri' chi ri winaq käkikajmaj na wa' chi man kixej tä iwib'. Ri uxlanem ri' ri kuya ri Dios chiwe kuchajij na ri iwanima' xuquje' ri i chomanik, rumal chi käku'b'i na i k'ux chrij ri Cristo Jesús.

Filipenses 4:7 ပူးပေါင်းရင်းမြစ်များ

Ri Nehemiy 8:10

Xubij chi na ri Esdras chque: “Jix, jebe i tija' utzalaj tak jastak, chiwuq'uiaj qui' u wa'l uva chebiwula'j jachin tak ri man c'o ta qui suc'umam, jun k'ij c'u wa' ri tasom che ri Kajawaxel ri ka Dios. Man quixbison taj, are c'ut ri u quicotemal ri Ajawaxel are cayo'w ka chuk'ab.”

Ri Job 22:21

Chatutzir ruc' ri Dios, catk'inomar chi c'u na.

Ri Job 34:29

We c'u man c'o jas cubij ri Dios, ¿jachin ta lo ri cacuin che u c'okoxic? We cuc'u' ri u palaj, ¿jachin ta lo ri cacuin che rilic? Ri are' quebuyuxlej tak tinimit xukuje' tak ri winak

Salmib 29:11

Ri Ajawaxel cuya' u chuk'ab ri u tinimit; ri Ajawaxel cutewichi'j ri u tinimit ruc' jamaril.

Salmib 85:8

Quintatabej na ri cuya' u bixic ri Ajawaxel; cutzijoj c'u na jamaril che ri u tinimit, chque ri e jic ruc', rech man quequibana' ta chic ch'ujilal.

E C'ambal tak Tzij 2:11

Ri utzalaj chomanic xukuje' ri etamanic e are' wa' ri e chajil awech amak'el;

E C'ambal tak Tzij 4:6

Lok' chawila' wi ri no'j maya' apan jela' cuya' c'u na ri u to'banic chawe.

E C'ambal tak Tzij 6:22

cäquic'am na a be aretak at benak pa binem, catquichajij na aretak cätajin catwaric, quetzijon na awuc' aretak catc'astajic.

Ri Isaiy 26:12

Ajawaxel, lal cayo'w la ri utzalaj c'olem chke; kas c'u tzij lal ri' ri cäbanow la conojel ri e ka banoj.

Ri Isaiy 26:3

Ajawaxel, ri lal quebe chajij la pa jamaril ri co e c'olic, rumal rech chi qui cuban qui c'u'x chi'j la.

Ri Isaiy 45:7

In quinyo'w ri sakil xukuje' ri k'eku'm, in quinyo'w ri utzalaj c'aslemal xukuje' ri u q'ueyowal. In, ri Ajawaxel ri quinbanow conojel we jastak ri'.”

Ri Isaiy 48:18

¡We ta ba' xanimaj ri nu takanic ri xinya' chawe! Ri a jamaril cätajin ta cäq'uiy ri' jacha' jun nima', ri colomal ri e a rikom, e je ta ri' e jacha' ri e u rekbla' ri plo,

Ri Isaiy 48:22

Chque c'u ri winak ri e lawalo, man c'o ta jamaril cäyataj chque. Are' ri Ajawaxel yowinak u bixic.

Ri Jeremiy 32:16

“Aretak e ya'tajinak chic ri e u wujil ri xlok'ic che ri Baruc, u c'ojol ri Neriy, xinban we ch'awem ri' ruc' Dios:

Ri Jeremiy 33:6

Quebencunaj c'u na, quinya' na ri rutzil qui wäch quinban c'u na chi ruc' nim ilic quec'oji' na pa jamaril xukuje' ruc' jiquiban c'uxaj.

Ajilanic 6:26

chatuca'yej c'ut ri Ajawaxel ruc' lok'ok'ebal c'uxaj chuya' c'ut ri jamaril chawe.’

Ri Lucax 1:79

Ri are' cuc'ut na rib chquiwäch ri winak ri e c'o pa k'eku'm, pa ri u mu'jal ri cämical, cuc'am ka be rech cäc'oji' utzil chkaxo'l.”

Ri Lucax 2:14

“¡Juluwem che ri Dios ri c'o sibalaj sibalaj chicaj! ¡Jamaril cho ri uwächulew chquixo'l ri winak ri e rech ri utzalaj u rayibal!”

Ri Xuan 14:27

Ri jamaril quinya' can chiwe. Ri nu jamaril quinya' chiwe. Man je ta c'u u ya'ic quinya' chiwe jacha' ri u ya'ic ri caquiya' ri e aj uwächulew. Mäk'oxow ri iwanima', mawi muxe'j rib.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Romanos 1:7

Quintz'ibaj c'u we wuj ri' chiwe iwonojel ri ix c'o pa Rom. Ri Dios quixulok'ok'ej, xixusiq'uij rech quixux tastalic tak winak. Ri Dios ka Tat xukuje' ri Ajawaxel Jesucrist chubana' tok'ob chiwe xukuje' chuya' jamaril chixo'l.

Romanos 14:17

Ri rajawibal c'u ri Dios man wa ja' taj, xane' suq'uil, jamaril xukuje' quicotemal rumal ri Ruxlabal ri Dios.

Romanos 15:13

Ri Dios ri cucu'bisaj ka c'u'x chunojisaj ta ri iwanima' ruc' nimalaj quicotemal, chc'oji' ta jamaril chixo'l rumal ri i cojonic. Jeri' kas cäcu'bi i c'u'x chrij ri Dios rumal ri u cuinem ri Ruxlabal ri Dios.

Romanos 5:1

Aretak k'alajisam chic chi uj suc' rumal ri ka cojonic, c'o jamaril chkaxo'l ruc' ri Dios, rumal ri Kajaw Jesucrist.

Romanos 8:6

Ri u banic ri chomanic aj uwächulew cuya' cämical. Are c'u ri u banic ri u rayibal ri Uxlabaxel cuya' c'aslemal xukuje' jamaril.

2 Corintios 10:5

xukuje' ronojel banoj nimal ri cucoj u chuk'ab chi ma ta quetamax u wäch ri Dios. Ronojel chomanic aj winak cäkaya' xe' rakan u k'ab ri Crist, rech caniman che are'.

2 Corintios 13:11

Chuq'uisbalil, wachalal: Chixquicotok. Chitz'akatisaj jas ri cäraj ri Dios pa ri i c'aslemal. Chicu'bisala' i c'u'x. Chux junam i chomanic. Chixjekel pa jamaril. Are c'u ri Dios ri re lok'ok'ebal c'uxaj, aj jamaril, cäc'oji' na iwuc'.

Gálatas 5:22

Are c'u wa' ri u wächinic ri Uxlabaxel: c'o lok'ok'ebal qui c'u'x ri winak, quequicotic, c'o jamaril chquixo'l cuc' niq'uiaj chic, c'o qui coch'onic, ch'uch'uj ri canima', cäquibanala' tok'ob, e jic pa ri qui tzij,

Efesios 3:19

Quintz'onoj che ri Dios chi quiwetamaj ri lok'ok'ebal u c'u'x ri Crist, ri coc'ow na chuwäch apachique etamabal, rech cänojisax ri iwanima' che ri Dios.

Filipenses 1:1

In Pawl xukuje' ri Timotey, uj u lok'om tak pataninelab ri Jesucrist, cäkatz'ibaj bic we wuj ri' chque conojel ri cojonelab pa Crist Jesus ri e c'o chila' pa Pilips, xukuje' chque ri cojonelab ri quesolin conojel ri ajcristib xukuje' chque ri cojonelab ri quepataninic.

Filipenses 1:2

Are ri Dios ka Tat xukuje' ri Ajawaxel Jesucrist cuban tok'ob chiwe xukuje' cuya' jamaril chixo'l.

Filipenses 4:19

Ri nu Dios cuya' na ronojel ri rajawaxic chiwe, jas ri juluwemalaj u k'inomal rumal ri Crist Jesus.

Filipenses 4:21

Chiya' rutzil qui wäch ri e tastal che u patanixic ri Dios ri c'o pa Crist Jesus. Xukuje' ri kachalal ri e c'o wuc' cäquiya' bic rutzil i wäch.

Filipenses 4:9

Ronojel ri nu c'utum can chiwäch, ri nu bim can chiwe, ri nu tzij ri i tom, xukuje' ri iwilom chi quinbano, ronojel wa' chibana'; are c'u ri Dios aj jamaril cäc'oji' na iwuc'.

Colosenses 3:15

Chiya' ba' che ri u jamaril ri Crist chajawin pa tak ri iwanima', xukuje' xixusiq'uij c'ut rech quiban xa' jun cuerp; xukuje' chiya' ta c'u xmaltioxinic.

2 Tesalonicenses 3:16

Are ba' ri Ajawaxel re jamaril chuya' jamaril chixo'l amak'el pa ronojel. Chc'ol ri Ajawaxel iwuc' chi nimalaj iwonojel.

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Ri Juds 1:1

In Juds, lok'om pataninel re ri Jesucrist, rachalal ri Santiag, quintz'ibaj we wuj ri' chque ri e siq'uim xukuje' e lok'ok'em rumal ri Dios Tataxel, xukuje' e c'olom rumal ri Jesucrist.

Apocalipsis 1:4

In Xuan quintz'ibaj chque ri wukub comon cojonelab ri e c'o pa Asiy. Chic'ama' ri tok'ob xukuje' ri jamaril che ri ri c'olic, ri c'o ulok, ri cäpe na, xukuje' chque ri wukub uxlabal ri e c'o chuwäch ri u tem re ajawibal,

Apocalipsis 2:17

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri jaswa' pa tijic ri c'u'talic. Xukuje' quinya' na jun alaj sak abaj che, ri tz'ibatal wi jun c'ac' bi'aj ri man c'o ta jun etamaninak, xuwi ri cäc'amowic.’ ”