Filipenses 2:9 - Quiché Bible

⁹ Rumal c'u ri' ri Dios sibalaj xunimarisaj na u k'ij chquiwäch conojel, xuya' jun u bi' ri c'o na paquiwi' conojel ri bi'aj,

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Rumal riꞌ, ri Dios xuya nimalaj uqꞌij, xuya ri bꞌiꞌaj che puꞌwiꞌ ronojel bꞌiꞌaj.

K'iche'

⁹ Rumal wa' ri Dios xuya che ri Jesús chi nim na u k'ij chquiwäch conojel, xukuje' xuya che chi nim quil wi na ru bi' ri Are' chuwäch ri qui bi' conojel.

K'iche' (New Orthography)

⁹ Rumal wa' ri Dios xuya che ri Jesús chi nim na u q'ij chkiwäch konojel, xuquje' xuya che chi nim kil wi na ru b'i' ri Are' chuwäch ri ki b'i' konojel.

Filipenses 2:9 ပူးပေါင်းရင်းမြစ်များ

Chapletajic 3:15

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Salmib 110:1

Ri Ajawaxel xubij che ri wajaw: “Chatt'uyul pa ri nu wiquiak'ab, c'ä quinban na chque ri qui banom qui c'ulel chawe chi quebux e u tac'alibal ri e awakan.”

Salmib 110:5

Ri Ajawaxel c'o pa ri wiquiak'ab la; pa ri k'ij re ri royowal cusach na qui wäch ajawinelab;

Salmib 89:27

Quinya' na takanic pa u k'ab jas ri ya'tal che jun nabeal ala, paquiwi' conojel tak ri ajawinelab ri e c'o cho ri uwächulew.

Salmib 91:14

“Ri in quinto' na, quinwesaj na pa qui k'ab conojel, rumal rech chi ri are' quinulok'ok'ej cuch'ob c'u nu wäch.

Ri Isaiy 52:13

Ri pataninel wech cäch'äcan na, cäwalijisax na, cäya' na sibalaj chicaj.

Ri Isaiy 53:12

Rumal ri' ri Dios cuya' na jun u c'olbal chquixo'l ri nimak qui k'ij, cuc' c'ut ri c'o qui chuk'ab cuc'am na rech ri ch'äcanic. Rumal rech chi xujach rib pa ri cämical, xya' c'u chquixo'l ri itzel tak winak, kas c'u tzij xrekaj ri qui mac e q'ui winak xukuje' xbochi'n paquiwi' ri ajmaquib.

Ri Isaiy 9:7

Cät'uyi na chupam ri u tem re ajawibal ri David; culic' na ri u cuinem aj ajawinel pa ronojel c'olbal, ri jamaril man cäq'uis ta na; ri rajawinic co cajeki' na canok, ri e u tac'alibal are ri suq'uilal xukuje' ri ya'tal u banic kas camic c'ä chbe k'ij sak. Wa' cuban na ri nicowelalaj u lok'ok'ebal c'u'x ri Ajawaxel ri c'o ronojel u cuinem.

Ri Daniel 7:14

Xeya' c'u ri cuinem che, ri juluwem xukuje' ri ajawibal, xukuje' winak que conojel ri nimak tak tinimit xukuje' tak ch'abal quepatanin c'u che. Ri u cuinem man c'o ta u q'uextajic, ri rajawinic mawi jubik' cäsachisax ta u wäch.

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Ri Matey 28:18

Xkeb ri Jesus cuc', xebuch'abej, xubij chque: “Ronojel takanic pa ri caj, ronojel takanic cho ri uwächulew yo'm pa nu k'ab.

Ri Lucax 10:22

Conojel ri jastak e jachom chwe rumal ri nu Tat. Man c'o ta jun reta'm jachin ri' ri C'ojolaxel, xuwi ri Tataxel reta'm. Mawi c'o jun reta'm jachin ri' ri Tataxel, xuwi ri C'ojolaxel xukuje' jachin chquiwäch ri C'ojolaxel cäraj cuc'ut wi.”

Ri Xuan 13:3

Reta'm ri Jesus chi ri Tataxel e u yo'm chi conojel ri jastak pa u k'ab. Reta'm chi ri are' ruc' ri Dios elinak wi ulok, chi xukuje' cäbe na ruc' ri Dios.

Ri Xuan 17:11

In man quinbeytaj ta chic cho ri uwächulew. Ri e are' quebeytaj na cho ri uwächulew, ri in quinbe uc' la. Suc'alaj nu Tat, chec'olo' la ri e are' pa ri bi' la ri e yo'm la chwe, rech quebux xa' e jun, e jacha' ri uj xa' uj jun.

Ri Xuan 17:12

Aretak xinc'oji' cuc', xebenchajij pa ri bi' la ri xeya' la chwe, xebenbechajij. Man c'o ta jun chque xsach qui wäch, xane' xuwi ri ralc'ual sachbal wäch, rech cäbantajic jas ri cubij ri Tz'ibatalic.

Ri Xuan 17:5

Camic c'ut, Tat, chnimarisaj la nu k'ij chxcut la ruc' ri juluwem ri xc'oji' wuc', aretak c'ä majok ri uwächulew.

Hechos 5:31

Xnimarisax c'ut u k'ij we Jesus ri' rumal ri Dios, xut'uyuba' pa ri u wiquiak'ab, xucoj c'u che C'amal Be xukuje' Colonel. Jeri' xuya' chque ri aj Israel chi cäquiq'uex qui c'u'x, xuya' chque chi cäsachtaj qui mac.

Efesios 1:10

Pa ri k'ij aretak cäsuc'umataj na ronojel, ri Dios u chomam chi quebumulij na conojel ri jastak, ri e c'o pa ri caj xukuje' ri e c'o cho ri uwächulew, quebuya' na xe' u takanic ri Crist.

Colosenses 1:18

Xukuje' are' ri jolomaj ri catakan puwi' ri cuerp, ri are' ri comon cojonelab. Are' ri tiquiritajic, are' ri nabe ri xc'astajisax chquixo'l ri cäminakib, rech jeri' ri are' nabe c'o paquiwi' conojel ri jastak.

2 Tesalonicenses 1:12

Jeri' quinimarisaj ri u bi' ri Kajaw Jesucrist, xukuje' cänimarisax i k'ij rumal ri are', jas ri u beya'l ri u tok'ob ri ka Dios xukuje' ri Ajaw Jesucrist.

Hebreos 1:4

Sibalaj xnimarisax na u k'ij chquiwäch ri tako'nib aj caj. Jeri' chi xrechbej jun bi'aj sibalaj utz na chquiwäch ri e are'.

Hebreos 1:9

Alok'ok'em ri suq'uil, awetzelam c'u u wäch ri etzelal. Rumal wa' ri Dios, ri a Dios, sibalaj xuya' na quicotemal chawe at chquiwäch ri awachil, je ta ne xuya' aseit pawi'.”

Hebreos 12:2

Xuwi chkila' ri Jesus, ri xutiquirisaj xukuje' cutz'akatisaj na ri ka cojonic. Are xuch'ij ri ripibal man xuya' ta c'u u wäch che ri u q'uixbal ri xelic, rumal rech chi reta'm chi curik na quicotemal. Xt'uyi' c'u pa ri u wiquiak'ab ri u tem ri Dios re ajawibal.

Hebreos 2:9

Are c'u ri Jesus, ri xban che chi ch'utin na jubik' ri u k'ij chquiwäch ri tako'nib aj caj, cäkilo chi nim u k'ij xukuje' nim quilic, je ta ne jun corona ri cojom che. Jewa' banom che rumal rech chi xurik cämical rumal quech conojel, jas ri tok'ob ri xuban ri Dios chque.

1 Pedro 3:22

Ri benak pa ri caj, c'o pa ri u wiquiak'ab ri Dios. Conojel c'u ri e tako'n aj caj, conojel ri c'o qui takanic, xukuje' conojel ri c'o qui cuinem e yo'm chi chuxe' ri u takanic ri Jesucrist.

2 Pedro 1:17

Ri Dios Tataxel xuk'alajisaj chi nim cäril wi ri Jesucrist xukuje' xunimarisaj u k'ij, aretak xpe ulok jun ch'abal ruc' nimalaj juluwem ri jewa' xubij: “Are lok'alaj nu C'ojol wa', ri sibalaj cäkaj chnuwäch.”

3 Juan 1:7

Ri e are' pa ri u bi' ri Jesucrist e benak. Man c'o ta c'u jas xquic'am chque ri man e cojonelab taj.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 11:15

Ri uwuk tako'n aj caj xrok'esaj ri u trompet. Xepe nimak tak ch'abal chicaj, ri xquibij: “Ri e ajawibal re ri uwächulew e rech chic ri Kajaw xukuje' e rech chic ri u Crist. Cajawin c'u na puwi' ronojel amak'el chbe k'ij sak.”

Apocalipsis 19:16

Che ri ratz'iak xukuje' che ri ra' tz'ibatal wi we bi'aj ri': “Cajawinel ri ajawinelab, Cajaw ri ajawib.”

Apocalipsis 3:21

Apachin ri cäch'äcanic, quinya' na che chi cät'uyi' na wuc' pa ri nu tem re ajawibal, je jas ri in in ch'äcaninak, in t'uyul ruc' ri nu Tat pa ri u tem re ajawibal.

Apocalipsis 5:12

Xquibij ruc' chuk'ab: “Takal che ri Alaj Chij ri xcämisaxic, chi cuc'am ri cuinem, ri k'inomal, ri no'j, xukuje' ri chuk'ab, xukuje' ri nim ilic, xukuje' ri juluwem xukuje' chi cak'ijilaxic.”