Filipenses 2:2 - Quiché Bible

² chitz'akatisaj ba' ri nu quicotemal: xa' junam chixchomanok, chilok'ok'ela' iwib, xa jun iwanima', xa' jun i chomanic.

RI KꞌAKꞌ TESTAMENTO PA TZIJOBꞌAL KꞌICHEꞌ

² chininojisaj che kiꞌkotemal, chijunamaj ikꞌuꞌx, chijunamaj ri iloqꞌanik, xuqujeꞌ chijunamaj ri iwanimaꞌ xuqujeꞌ ri ichomabꞌal.

K'iche'

² chibana ba' chi sibalaj quinquicotic. Chiwaj ba' iwib. Chixchacun junam rech man c'o tä ch'oj chixol, rech quina' pa ri iwanima' chi xa ix jun, xa jun ri i chomanic. Xa je ri' quiya quicotemal chwe.

K'iche' (New Orthography)

² chib'ana b'a' chi sib'alaj kinkikotik. Chiwaj b'a' iwib'. Chixchakun junam rech man k'o tä ch'oj chixol, rech kina' pa ri iwanima' chi xa ix jun, xa jun ri i chomanik. Xa je ri' kiya kikotemal chwe.

Filipenses 2:2 ပူးပေါင်းရင်းမြစ်များ

Salmib 122:8

Are c'u ri camic cumal ri e wachalal xukuje' ri e wachil quinbij na: “Chi chc'ol jamaril awuc'.

Ri Xuan 3:29

Pa jun c'ulanem, ri uc'aninak ri alibatz are' ri achajilaxel. Are c'u ri rachil ri achajilaxel ri tac'al ruc', sibalaj cäquicotic aretak cuta' ri u ch'abal ri achajilaxel. Je c'u wa' tz'akat ri nu quicotemal ri'.

Hechos 1:14

Conojel c'u wa' xa' jun qui chomanic, amak'el cäquiban ch'awem ruc' Dios, cäquibochi'j. E cachil ri ixokib ruc' ri Mariy u nan ri Jesus xukuje' ri e rachalal.

Hechos 2:1

Aretak xopan ri nimak'ij re Cawinak Lajuj K'ij, conojel ri cojonelab junam qui wäch, qui mulin quib kas xa' pa jun c'olbal.

Hechos 2:46

Ronojel k'ij quequimulij quib pa ri rachoch Dios, xa' junam qui chomanic, cäquipirila' ri caxlanwa cho tak cachoch, junam cäquic'amala' quech ri wa ruc' quicotemal, ruc' ch'ajch'ojalaj canima'.

Hechos 5:12

E q'ui c'ut etal xukuje' mayibal queban chquixo'l ri winak cumal ri takomxenlab. Conojel cäquimulij quib chupam ri u rakan ja ri Salomon.

Romanos 12:16

Chc'ol xa' jun anima' chixo'l. Mebibanala' nimal. Xane' chiwachilala' iwib cuc' ri man nimak ta qui banic. Michomaj iwib chi c'o i no'j,

1 Corintios 1:10

Quixinbochi'j ba', wachalal, pa ri u bi' ri Kajaw Jesucrist, chi xa' junam chixtzijon iwonojel, mäc'oji' tasoj ib chixo'l, xane' chux junam i chomanic, chux junam iwanima' iwonojel.

2 Corintios 13:11

Chuq'uisbalil, wachalal: Chixquicotok. Chitz'akatisaj jas ri cäraj ri Dios pa ri i c'aslemal. Chicu'bisala' i c'u'x. Chux junam i chomanic. Chixjekel pa jamaril. Are c'u ri Dios ri re lok'ok'ebal c'uxaj, aj jamaril, cäc'oji' na iwuc'.

2 Corintios 2:3

Are c'u xintz'ibaj bic wa' chiwe, rech aretak quinopanic, ma ta quinbison iwumal. Rajawaxic c'ut chi cäquicot ri wanima' rumal iwech. Cu'l c'u nu c'u'x chiwij iwonojel, chi iwonojel c'o quicotemal pa iwanima', jas ri quicotemal ri c'o pa ri wanima' in.

2 Corintios 7:7

Man xuwi ta rumal ri u petic xcu'bisax ka c'u'x, xane' xukuje' rumal rech chi ri are' xucu'bisaj u c'u'x chiwij. Xutzijoj c'u chke chi sibalaj quiwaj quiwil ka wäch, chi quixbison chke, chi quiwaj quiwetamaj we c'o c'ax nu rikom. Rumal ri' sibalaj xinquicotic.

Filipenses 1:4

Amak'el aretak quinban ch'awem ruc' quicotemal quinbochi'j ri Dios piwi' iwonojel,

Filipenses 2:16

pa ri u k'alajisaxic ri tzij re c'aslemal chquiwäch. Jeri' quinquicot na iwumal pa ri k'ij aretak cäpe ri Crist, weta'm chi man xak ta lok' xinc'am wanim pa ri binem, man xak ta lok' xintij nu chuk'ab pa ri nu chac.

Filipenses 2:20

Man c'o ta chi c'u jun ri junam ta u chomanic wuc' in, ri kas coc il chiwe.

Filipenses 4:2

Quinta' jun tok'ob che ri Ebod, quinta' jun tok'ob che ri Sint, chi xak junam che choman pa ri Ajawaxel.

Colosenses 2:5

Pune' man in c'o ta chi winakil chixo'l, in c'o c'ut pa ri uxlabal, quinquicot c'ut che rilic ri utzalaj i cholajil ri c'olic xukuje' chi amak'el co ix tac'al chupam ri i cojonic pa ri Crist.

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

2 Timoteo 1:4

Cänataj chwe ri u wa'l a wäch. Sibalaj quinwaj c'ut quinwil a wäch, rech cänojisax ri wanima' che quicotemal.

Filemón 1:20

Je, wachalal, chabana' jun tok'ob chwe pa ri Ajawaxel. Chaya' uxlanem che ri wanima' pa ri Crist.

2 Juan 1:4

Sibalaj xinquicotic aretak xebenrik jujun chque ri awal quebin pa ri kastzij, jas ri takanic ri ka c'amom che ri Tataxel.

3 Juan 1:4

Sibalaj quinquicotic aretak quinto chi ri e walc'ual e jekel pa ri kastzij. Man c'o ta chi jun nu quicotemal chuwäch wa'.