Elem 9:16 - Quiché Bible

¹⁶ c'ä at nu c'asbam c'ut rech cäwil ri nu cuinem xukuje' rech quinc'ut wib cho ronojel ri uwächulew.

Elem 9:16 ပူးပေါင်းရင်းမြစ်များ

Ucab Samuel 7:23

Are c'u ri Israel, ri tinimit la, ¡man c'o ta chi jun jacha' ta ri are', xa c'u jun we nim tinimit ri' cho ri uwächulew! Lal, Oh Dios, xto'tajisaj la rech cux tinimit la, xban c'u la che chi xux nim u k'ij, xeban c'u la nimak xukuje' mayibalalaj tak jastak che u banic utzil che. Ri lal xeq'uiak la bic chuwäch ri tinimit la ri xtor la ulok pa Ejipt, ri niq'uiaj nimak tak tinimit chic e cachil tak ri e qui diosib,

Ucab Ajawinelab 19:35

Kas pa ri chak'ab ri' ri tako'n aj caj rech ri Ajawaxel xopanic xebucämisaj jun sient jumuch' ruc' job mil (185,000) achijab aj asiriyab ri e c'o pa ri kajebal, chucab c'u k'ij aretak xsakarisanic conojel e cäminak chic.

Nabe Tzijobelil 16:24

Chitzijoj ri u juluwem xukuje' tak ri mayibal ri e u banom chquiwäch conojel tak ri winak xukuje' ri nimak tak tinimit,

Ri Nehemiy 9:10

Xeban la nimak tak etal xukuje' tak mayibal che u c'ulelaxic ri paraon, xukuje' che qui c'ulelaxic ri e pataninel tak rech xukuje' conojel tak ri winak re ri rulew, rumal rech chi xil la ri c'axc'olil ri xquiban we winak ri' chque ri aj israelib. Xban c'u la chi xnimarisax ri k'ij la jacha' ri u banom camic.

Salmib 106:8

Xebucol c'u ri Dios xa u mac rech ri u bi', che u c'utic ri u cuinem.

Salmib 64:9

Conojel c'ut cäquiya' na u k'ij ri Dios cäquitzijoj na ri jastak ri e u banom; cäquich'ob na ri u banom ri Dios.

Salmib 76:10

Ri royowal ri winak caq'uextaj che yabal k'ij la, xukuje' ne ri xa jubik' royowal caq'uextaj pa corona la.

Elem 14:17

In quinbana' na chi ri aj ejiptib co caquitac'aba' na quib rech quixquiterenej na; quinc'ut c'u ri nu cuinem puwi' ri ajawinel xukuje' paquiwi' conojel ri rajch'ojab, paquiwi' ri u carwaj xukuje' paquiwi' ri rajquiejab.

Elem 14:4

Quinban na co che ri ranima' ri ajawinel quixuterenej c'ut, quinc'ut c'u ri nu cuinem puwi' ri are xukuje' paquiwi' conojel ri rajch'ojab. Cäquetamaj na ri aj ejiptib chi in ri' ri Ajawaxel.” Je c'u xquiban ri aj israelib.

Elem 18:11

xukuje' chupam ri c'ax ri xquiban chiwe. Camic weta'm chic chi ri Ajawaxel are c'o na u k'ij chquiwäch conojel ri diosib.”

Elem 9:15

In in cuininak ta ri' che u c'utic ri nu cuinem chawäch ruc' jun yabil ri cämisanel, ri at xukuje' ri a tinimit sachtajinak ta chi i wäch ri' cho ri uwächulew;

Elem 9:17

Pune' c'u jewa', ri at a takem u k'atixic ri nu tinimit man caya' ta c'u che chi cabec.

E C'ambal tak Tzij 16:4

Ri Ajawaxel u winakirisam ronojel che jun patanijic; xukuje' ne ri itzel winak che ri k'ij re ri c'äjisabal wächaj.

Ri Jeremiy 32:20

Lal xeban la tak mayibal xukuje' tak etal pa Ejipt, xukuje' c'u ne camic takem la qui banic pa Israel jacha' xukuje' chquixo'l tak ri winak, jeri' chi ri bi' la uxinak nim u k'ij.

Ri Ezequiel 39:21

“Je u c'utic ri nu juluwem wa' quenbana' chquiwäch ri nimak tak tinimit. Conojel ri nimak tak tinimit caquil na jas ri u k'atic tzij nu banom paquiwi' xukuje' ri u c'äjisaxic qui wäch.

Ri Malaquiy 1:11

Pa conojel ri nimak tak tinimit re ri uwächulew nim quinil wi; pa ronojel c'olbal caporox c'oc' tak k'ol che u ya'ic nu k'ij queya' c'u tak sipanic chwe ri e takalic.

Ri Malaquiy 1:14

¡C'okotajinak ri cojol c'amibal ri cuchi'j jun awaj ri man c'o ta u yab ri c'o chuxo'l ri u jumulaj cupil c'ut jun chwe ri c'o u yab! In ri' ri Ajawaxel ri nim nu k'ij, in c'u xibibal chquixo'l ri nimak tak tinimit.” Are wa' ri cubij ri Ajawaxel ri c'o ronojel u cuinem.

Ajilanic 14:21

Je c'u wa', chi sibalaj kastzij jacha' ri in in c'aslic xukuje' chi ri nu juluwem u nojisam ronojel ri uwächulew,

Romanos 9:17

Are c'u ri Tz'ibatalic cubij chi ri Dios xubij che ri ajawinel re Ejipt: “Xinnimarisaj a k'ij, rech quinc'ut chquiwäch ri winak chi c'o na nu cuinem in chawäch at, rech cätzijox na ri nu bi' cho ronojel ri uwächulew.”

Romanos 9:22

We c'u ri Dios xraj xuc'ut ri royowal chquiwäch ri winak rech cäquetamaj ri u cuinem, xebuch'ij c'u ruc' nimalaj coch'onic ri winak ri takal chque chi cäc'äjisax qui wäch xukuje' ri cäsach na qui wäch, ¿jas cäkabij che wa'?

Ri Josue 4:24

Jeri' conojel ri tinimit ri e c'o cho ri uwächulew caquetamaj na chi sibalaj nim ri u cuinem ri Ajawaxel, are' c'u ri ix nim quiwil wi na amak'el ri Ajawaxel ri i Dios.”

1 Pedro 2:19

Are utz wa', we jun cuch'ij bis aretak curik c'ax ri man takal ta che, xa rumal rech chi xuban jun jasach ri utz cuna' pa ri ranima' chuwäch ri Dios.

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

Ri Juds 1:4

E c'o jujun winak ri e oquinak chixo'l chi c'uyal. E are wa' ri e bim ulok ojer rumal ri Tz'ibatalic, chi cäc'äjisax na qui wäch, man cäquiya' ta u k'ij ri Dios, xak cäquicoj ri u tok'ob ri Dios che u banic ronojel itzel rayinic, ri cäquic'u' ri Dios ri xa jun Kajchak'e xukuje' ri Kajaw Jesucrist.

Nabe Samuel 4:8

¡Tok'ob ka wäch! ¿Jachin ta ri cujto'wic rech ma ta cujkaj pu k'ab we Dios ri' ri sibalaj nim u chuk'ab? Are wa' xsachow qui wäch ri aj Ejipt pa ri chaki'j uwo sak cumal conojel qui wäch cämisanel yabil.