Elem 7:17 - Quiché Bible

¹⁷ Jewa' u bim ri Ajawaxel: Camic quetamaj na la chi in ri' ri Ajawaxel: Aretak quinjabuj ri nu ch'amiy ri c'o pa nu k'ab puwi' ri nima' Nil, ri ja' caq'uex taj na pa quic'.

Elem 7:17 ပူးပေါင်းရင်းမြစ်များ

Nabe Ajawinelab 20:28

Xopan c'ut jun k'axal tzij ruc' ri ajawinel re Israel, xubij c'u che: “Jewa' cubij ri Ajawaxel: ‘Rumal rech chi qui bim ri aj siriyab chi ri in in jun dios quech ri c'ache'laj, chi ri in man in jun dios taj c'ut quech ri beya', quebenjach we q'uialaj winak ri' pa a k'ab. Jeri' cawetamaj na chi in ri' ri Ajawaxel.’ ”

Ucab Ajawinelab 19:19

Are c'u ri camic, Ajawaxel xukuje' ka Dios, maya' ba' la c'olbal chi cujkaj pa u k'ab, rech conojel ri winak re ri uwächulew chquetamaj chi ri lal, Ajawaxel, chi xuwi ri lal lal Dios.”

Salmib 105:29

Xebujalwächij ri ja' ri e c'o pa tak ri nima' pa quic'. Xebucämisaj conojel ri cär ri e c'o chupam;

Salmib 78:44

aretak xebujalwächij ri nima' pa quic' ri aj ejiptib man xecuintaj xcuq'uiaj ri qui ja'il ri nima'.

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Salmib 9:16

Ri Ajawaxel u c'utum rib: ¡u banom suq'uilal! Ri banal etzelal cächaptaj can chupam ri c'amibal ri are' xcojowic.

Elem 1:22

Ri ajawinel pa rech wi xuya' takanic chque conojel ri aj ejiptib, xubij chque: “Chebiq'uiaka' bic ri calc'ual ri aj israelib pa ri nima' ri quil qui wäch ri e alabom, are c'u ri alitomab chebic'asba'.”

Elem 10:2

rech xukuje' ri at catzijoj chque ri a c'ojol, ri e u wi' tak a mam ri xinban che retz'bexic qui wäch ri aj ejiptib, xukuje' ri nimak tak mayibal ri xinban chquixo'l. Jeri' quiwetamaj na chi in ri' ri Ajawaxel.”

Elem 4:9

we c'u man cäquicoj ri cabij chque mawi cäquinimaj ri a tzij cuc' we quieb etal ri', chac'ama' ja' pa ri nima' chatixa' cho ri ulew. Xak c'u xuwi cäkaj ri ja' puwi' ri ulew caq'uex taj na pa quic'.”

Elem 5:2

Xubij c'u ri ajawinel che ri Moises: “¿Jachin ri' ri Ajawaxel rech quinnimaj ri cubij, quebentzokopij ta c'u bic ri aj israelib? Man weta'm ta u wäch ri Ajawaxel, mawi quebentzokopij ta bic ri aj israelib.”

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 7:20

Ri Moises, ri Aaron xquibano jas ri xetak wi rumal ri Ajawaxel. Ri Aaron xuyac ri u ch'ämiy xupuk'ij ri nima' Nil chuwäch ri ajawinel xukuje' chquiwäch ri e rach k'atal tzij, ronojel c'u ri ja' xjalwächitaj pa quic'.

Elem 7:5

Aretak c'u nu banom chi c'ax che ri Ejipt, xukuje' e wesam chi bic ri aj israelib, ri e aj ejiptib cäquetamaj na chi in ri' ri Ajawaxel.”

Ri Ezequiel 25:17

Quinya' na xibibalalaj rajil q'uexelal chque; quinc'äjisaj na qui wäch ruc' oyowal. Aretak c'u chenbana' wa', caquich'ob na chi in ri' ri Ajawaxel.”

Ri Ezequiel 29:9

Catjalwächitaj na pa jun chaki'j uwo sak, are c'u ri winak caquich'ob na chi in ri' ri Ajawaxel. At xabij: Ri Nil wech in, in xinbanowic.

Ri Ezequiel 30:19

Ri in quinban na ri u c'äjisaxic u wäch ri Ejipt, c'äte c'u ri' caquich'ob na chi in ri' ri Ajawaxel.”

Ri Ezequiel 30:8

Aretak chenbana' chi ri ulew chenicnobok xukuje' cäsachtaj na qui wäch conojel ri quetoban ruc', c'äte ri caquich'ob na chi in ri' ri Ajawaxel.

Ri Ezequiel 32:15

Aretak chinjalwächij ri Ejipt pa jun chaki'j uwo sak cätoli' c'u can ri ulew, man e c'o ta chi u winakil, c'äte ri' caquich'ob na chi in ri' ri Ajawaxel.’ ”

Ri Ezequiel 32:6

Quinnebenobisaj ri ulew ruc' ri a quiq'uel, ri copan na c'ä pa tak ri c'ache'laj, ruc' c'u wa' quenoj na ri qui be tak ri nima'.

Ri Ezequiel 38:23

Je c'u quinban wa' che u c'utic ri nu nimalil xukuje' ri nu tastajic chquiwäch ri tinimit winak. In quinc'utunisaj na wib chquiwäch we winak ri', caquich'ob c'u na chi in ri' ri Ajawaxel.”

Ri Ezequiel 39:28

In xebentak bic xebe chquixo'l ri nimak tak tinimit ri man e qui winakil taj, are c'u ri in quebenmulij chi na chupam ri culew. Man c'o ta jun quintzak ta can chque. C'äte ri' caquich'ob chi na chi in ri' ri Ajawaxel ri qui Dios.

Ri Daniel 4:17

Are c'u c'äjisabal wächaj wa' ri xquiya' u bixic ri tastalicalaj tak tako'n yuxlenelab, rech conojel ri winak chquetamaj chi ri Dios ri sibalaj chicaj c'o wi ri c'o u cuinem paquiwi' ri ajawinic aj winak chi are' cuya' ri ajawinic jachin che ri craj cuya' wi, cuban c'u che jun winak ri sibalaj man nim ta u k'ij chi cux c'amal u be jun nim tinimit.

Ri Daniel 4:32

catelesax na chquixo'l ri winak catejekel na chquixo'l ri awaj; catija' na k'ayes e jacha' ri wacax wukub junab, c'ä cach'ob na chi ri Dios ri sibalaj aj chicaj c'o u cuinem paquiwi' conojel ri nimak tak tinimit ri e c'o cho ri uwächulew, chi are' c'ut ri are' ri cäcojow jacha' che k'atal tzij jachin ri cuchomaj chi takal che.”

Ri Daniel 4:37

Are c'u ri camic, in Nabucodonosor, quink'ijilaj, quinya' u k'ij xukuje' quinya' juluwem che ri Ajawinel re ri caj, rumal rech chi ronojel ri cubano are kastzij xukuje' suc', cäcuin c'u che qui mach'irisaxic ri cäquichomaj quib chi nimak qui k'ij.”

Ri Daniel 5:21

Xesax chquixo'l ri winak xq'uextaj che u q'uexwäch jun awaj; xc'oji' cuc' ri juyubal tak bur, xutij k'ayes jacha' ri cäquiban ri wacax are c'u ri räxk'ab xch'akaban ri u cuerp, c'ä xuch'ob na u wäch ri Dios ri sibalaj aj chicaj, ri c'o u cuinem paquiwi' conojel ri ajawibal aj winak are' c'u ri are cäyo'w ri u c'amic u be ri k'atan tzij che jachin ri craj cuya' wi.

Ri Daniel 5:23

Man je ta c'u banom la, xane' etz'ben c'u la u wäch ri Ajawaxel aj caj, xtak c'u la qui c'amic tak ri kumubal xukuje' ri nimak tak lak re ri rachoch ri Dios, junam c'ut cuc' ri e ula' la, e kumum la u wa'l uva, e quik'ijilam c'ut ri diosib ri e re k'an puak, sak puak, k'an ch'ich', räx ch'ich', che' xukuje' abaj; e diosib wa' ri man queca'y taj mawi quetanic, mawi c'o jas queta'm. Man c'u ne k'ijlan ta la ri Dios ri c'o wi ri c'aslemal la, che c'u cäpe wi ronojel ri cäban la.

Apocalipsis 11:6

C'o qui cuinem che u tz'apixic ri caj, rech man cäpe ta chi jäb pa tak ri k'ij aretak cäquitzijoj ri u tzij ri Dios. Xukuje' c'o qui cuinem che qui q'uexic ri ja' pa quic', xukuje' che u banic c'ax che ri uwächulew ruc' ronojel u wäch c'axc'olil joropa' mul ri cäcaj.

Apocalipsis 8:8

Ri ucab tako'n aj caj xrok'esaj ri u trompet. Xq'uiak pa ri plo jun jasach je ta ne jun nimalaj juyub ri cänicow ruc' k'ak'. Ri u roxil ri plo xux quic'.