Elem 7:11 - Quiché Bible

¹¹ Xtakan c'u ri ajawinel che qui siq'uixic ri e u ch'obonelab xukuje' ri rajk'ijab, xquiban c'u que ri mayibal ruc' ri qui tzibal:

Elem 7:11 ပူးပေါင်းရင်းမြစ်များ

Chapletajic 41:8

Chucab c'u k'ij aretak sakarinak chic sibalaj oquinak il, xuya' c'u takanic chi chepet conojel ch'obonelab xukuje' ri ajno'jab aj ejiptib. Ri paraon xutzijoj chque ri xerichic'aj, man c'o ta c'u jun chque xcuin ta che qui ch'obic ri quelcaquibij.

Elem 7:12

chquijujunal xquiq'uiak ri qui ch'amiy cho ri ulew, chquijujunal c'ut ri ch'amiy xejalwächitaj pa jujun cumätz. Are c'u ri u ch'ämiy ri Aaron xebubik' ri qui ch'ämiy ri ch'obonelab xukuje' ri qui ch'ämiy ri ajk'ijab.

Elem 7:22

E are' tak c'ut ri ajk'ijab aj ejiptib junam xquiban rumal ri qui nawinic che qui banic tak itzinic, ri ajawinel co xutacaba' rib man xuya' ta u xiquin che ri xubij ri Moises xukuje' ri Aaron, je jas u bim ri Ajawaxel.

Elem 8:18

Ri ajk'ijab xukuje' xquitij qui k'ij che qui q'uiyisaxic alaj tak u's rumal ri qui nawinic che qui banic tak itzinic, man c'u xecuin taj. Ri alaj tak u's qui takem qui xet'ic tak ri winak xukuje' tak ri awaj.

Elem 8:3

Ri nima' Nil quebupok'isaj na xtutz', quepaki' c'u ulok queboc na chupam ri nimalaj awachoch, chupam ri a warbal, puwi' ri a ch'at, pa tak ri cachoch ri e awach k'atal tzij, xukuje' pa tak ri cachoch ri e a winakil, pa tak ri a jorno, pa tak ri jucub ri cäyok' wi ri u k'oril ri a caxlanwa.

Elem 8:7

Xukuje' c'u ne ri ajk'ijab junam xquiban rumal ri qui nawinic che qui banic tak itzinic, xequic'am ulok xtutz' puwi' ri rulewal ri Ejipt.

Ri Daniel 2:2

Xtakan c'u che qui siq'uixic tak ri ajk'ijab, ch'obonelab, itzinelab xukuje' ajno'jab, rech quequik'alajisaj ri richic'. Xepe c'u conojel wa' xeboc chuwäch ri ajawinel,

Ri Daniel 2:27

Ri Daniel xubij: “Man c'o ta jun ajno'j mawi jun ch'obonel mawi ajk'ij mawi ajch'imil, ri cäcuin ta chubixic che la, ri c'utalic ri caj la retamaxic.

Ri Daniel 4:6

Xinya' c'u takanic chi quepe conojel ri ajno'jab aj babilonib rech quepe che wilic, rech cäquik'alajisaj ri quel cubij ri ichic'.

Ri Daniel 5:11

chi pa ri ajawibal la c'o jun achi ri c'amom u be rumal ri ruxlabal ri tastalicalaj Dios. Aretak ri tat la, c'o che ajawinel, we achi ri' xuc'utu chi c'o jun sakalaj u chomabal, ri c'o retamanic xukuje' u no'j e jacha' tak ri diosib. Rumal ri' ri ajawinel Nabucodonosor ri tat la, xucoj we achi ri' che c'amal qui be conojel ri ajk'ijab, ri ch'obonelab, ri ajno'jab xukuje' ri ajch'imilab ri e c'o pa ri nim tinimit,

Ri Daniel 5:7

Xuchaplej c'u u rakic u chi', xebusiq'uij ri ch'obonelab, ri ajno'jab xukuje' ri ajch'imilab ri e c'o pa Babilon, xubij c'u chque: “Apachin ta ne ri cäcuinic cusiq'uij u wäch ri tz'ibatal chi', cuk'alajisaj ta c'u chnuwäch ri quel cubij, cäcoj na atz'iak re morato chrij, cäcoj na jun pach'um k'an puak chukul, cäcanaj chupam ri urox c'olbal chupam ri wajawibal.”

Ri Matey 24:24

Quepe c'u na winak ri cäquijaluj quib chi e Crist. Quepe na ri cäquijaluj quib chi e k'axal tak tzij. Quequiban na nimak tak etal xukuje' mayibal che qui subic we ta cäbantajic xukuje' ne ri e cha'om kas rumal ri Dios.

Gálatas 3:1

¡Ay, ri ix aj Galas, xa' man quiwaj taj quixch'obonic! ¿Jachin xixsubuwic, rech man quixniman ta che ri kastzij? Xkatzijoj chiwe, xkac'ut chiwäch chi ri Jesucrist xrip cho ri ripibal.

Efesios 4:14

Rech man uj ac'alab ta chic. Man cujc'am ta chi bic apawije' rumal ronojel tijonic ri je cäpe quiakik'. Man cujkaj ta chic pa ri qui subunic ri winak ri quena'w che u bixic je'lalaj tak tzij, ri cäcaj cujquic'am bic pa jun be jalan chi wi.

2 Tesalonicenses 2:9

Ri achi re etzelal ri', rumal ri u chac ri Satanas cäpe na. Cäpe ruc' nimalaj chuk'ab, cuban tak etal xukuje' mayibal ri man e kastzij taj.

2 Timoteo 3:8

Jacha' ri xquiban ri Jans xukuje' ri Jambres aretak xquik'atij u wäch ri Moises, jeri' xukuje' ri winak ri cäquiban ri jastak ri' cäquik'atij u wäch ri kastzij. Itzelalaj tak no'j ri c'o cuc'. Rumal c'u wa' man e c'o ta pa ri cojonic.

2 Timoteo 3:9

Man utz taj quel na ri qui chac. Quel na chi sak chquiwäch conojel chi man utz ta ri quechomanic, jas ri xquic'ulmaj ri e quieb ri xquik'atij u wäch ri Moises.

Apocalipsis 19:20

Xchap c'u ri awaj, xukuje' xchap ri jun ri u jalum rib chi k'axal tzij, ri e u banom mayibal chuwäch ri itzel awaj, ri xukuje' rumal ri mayibal e u subum ri xec'amow ri retal ri itzel awaj xukuje' ri xek'ijilan ri u wächbal. We quieb ri' e c'asc'oj xeq'uiak bic pa ri cho re k'ak' ri cänicow ruc' asubre.

Nabe Samuel 6:2

Ri aj pilisteyib xequimulij ri e qui cojol tabal tak tok'ob xukuje' tak ri e qui ch'obonelab rech caquita' chque: “¿Jas cäkaban che ri u caxa ri Ajawaxel? Chibij chke jas cäkaban che u tzelexic pa ri u c'olbal.”