Elem 6:7 - Quiché Bible

⁷ Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 6:7 ပူးပေါင်းရင်းမြစ်များ

Chapletajic 26:3

chatc'ol quieb oxib k'ij pa we c'olbal ri'. Quinc'oji' c'u awuc', catintewichi'j na, chawe c'u at xukuje' chque ri e awija'lil quinya' wi na conojel tak we ulew ri'. Je quintz'akatisaj ri chi'nic ri xinban che ri a tat Abraham.

Chapletajic 28:13

Xukuje' cärilo chi tac'al ri Ajawaxel pa u xc'ut, xubij c'u che: “In ri' ri Ajawaxel ri u Dios ri a mam Abraham xukuje' ri a tat Isaac. Chawe at xukuje' chque ri e awija'lil quinya' wi na ri ulew ri at k'oyol wi.

Nabe Ajawinelab 20:28

Xopan c'ut jun k'axal tzij ruc' ri ajawinel re Israel, xubij c'u che: “Jewa' cubij ri Ajawaxel: ‘Rumal rech chi qui bim ri aj siriyab chi ri in in jun dios quech ri c'ache'laj, chi ri in man in jun dios taj c'ut quech ri beya', quebenjach we q'uialaj winak ri' pa a k'ab. Jeri' cawetamaj na chi in ri' ri Ajawaxel.’ ”

Nabe Ajawinelab 8:60

Rech conojel ri nimak tak tinimit ri e c'o chuwäch ri uwächulew chquich'obo chi ri Ajawaxel are' Dios man c'o ta chi c'u jun.

Ri Nehemiy 1:10

Uj uj pataninelab la xukuje' tinimit la, ri xujlok' chi la rumal ri nimalaj cuinem la xukuje' chuk'ab la.

Salmib 100:3

¡Chich'obo' chi Dios ri Ajawaxel; are' xujbanowic, uj c'u rech; uj u tinimit xukuje' uj u chij re ri u yuk'bal!

Salmib 81:6

“Wesam ri eka'n ri e c'o paquiwi' tak ri e a teleb, xatinwesaj pa ri c'axalaj chac.

Elem 13:14

We c'u chwek cäbij cäc'ot na i chi' cumal ri e iwalc'ual: ‘¿Jas quel cubij wa'?’ Quibij na chque: ‘Ri Ajawaxel xujresaj ulok ruc' nimalaj cuinem pa Ejipt ri xujc'oji' wi na jacha' lok'om pataninelab.

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Elem 14:18

Aretak nu c'utum chic ri nu cuinem puwi' ri ajawinel, paquiwi' ri u carwaj xukuje' paquiwi' ri cajquiejab, ri aj ejiptib cäquetamaj na chi in ri' ri Ajawaxel.”

Elem 14:4

Quinban na co che ri ranima' ri ajawinel quixuterenej c'ut, quinc'ut c'u ri nu cuinem puwi' ri are xukuje' paquiwi' conojel ri rajch'ojab. Cäquetamaj na ri aj ejiptib chi in ri' ri Ajawaxel.” Je c'u xquiban ri aj israelib.

Elem 15:16

Oh, Ajawaxel, chquina' quib, chkaj xe'n ib paquiwi'. Checanaj canok jacha' ri abaj rumal ri u chuk'ab ri k'ab la, c'ä coc'ow na ri tinimit la.

Elem 15:2

“Ri nu bix quinya' che ri Ajawaxel, are nu chuk'ab xukuje' nu colotajic. Ri are' are nu Dios, ya'tal u k'ijilaxic wumal; are u Dios ri nu tat, ya'tal u ya'ic u k'ij wumal.

Elem 16:12

“Nu tom chi c'ax quech'aw ri aj israelib. Chatch'aw cuc' chabij chque: ‘Benak k'ij quitij ti'j, ak'ab quitij wa c'ä quixnoj na. Jeri' quiwetamaj na chi in ri' ri Ajawaxel.’ ”

Elem 16:6

Ri Moises rachilam ri Aaron xquibij chque ri aj israelib: “Benak k'ij quiwetamaj na chi are ri Ajawaxel xixesan ulok pa Ejipt,

Elem 2:11

Aretak achi chic ri Moises, xurika' jun k'ij xel bic che qui solixic ri e u winakil, xril c'ut chi sibalaj c'ax ri chac ri e takom che u banic. Xril jun achi aj ejipt ri cätajin cuch'ay jun aj hebrey u winakil ri Moises.

Elem 6:6

Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 7:17

Jewa' u bim ri Ajawaxel: Camic quetamaj na la chi in ri' ri Ajawaxel: Aretak quinjabuj ri nu ch'amiy ri c'o pa nu k'ab puwi' ri nima' Nil, ri ja' caq'uex taj na pa quic'.

Ri Isaiy 41:20

rech ronojel ri uwächulew cärilo, xukuje' cäretamaj, coc il che, u chuch'obo' c'ut chi in ri Ajawaxel nu banom wa' ruc' ri nu cuinem, chi ri in, ri Tastalicalaj u Dios ri Israel, nu banom ronojel.”

Ri Isaiy 49:23

Ri ajawinelab caquiban na calc'ual chiwe e are' c'ut ri e qui mia'l e yuk'ul tak iwech. Cäquimej na quib chawäch c'ä cho ri ulew, cäquirik' na ri ulew ri c'o chque tak ri awakan. Cäquetamaj c'u na chi in ri Ajawaxel, chi ri cäcu'bi qui c'u'x chwij man quel ta na qui q'uixbal.”

Ri Isaiy 49:26

Quincoj na chuk'ab chque ri xebanow c'ax chawe che u tijic ri kas qui ti'jal, quek'abar c'u na ruc' ri qui quiq'uel jacha' u tijic u wa'l uva. Jeri', conojel ri winak cäquetamaj na chi in ri Ajawaxel, in a colonel; chi in, ri cuinelaj u Dios ri Jacob, in ri torol awech.”

Ri Isaiy 51:15

In ri Ajawaxel ri a Dios, ri nu bi' are Ajawaxel ri c'o ronojel u cuinem in xinslaban ri plo xewalij c'u ri e u rekbala',

Ri Isaiy 60:16

Ri nimak tak tinimit quequiya' na ri utzalaj tak qui k'obibal chawe, ri ajawinelab tak quequic'am na ulok ri qui k'inomal chawe cäquetamaj c'u na chi in, ri Ajawaxel, in ri a colonel, chi ri in, ri c'o ronojel u cuinem che ri Jacob in torol awech.

Ri Isaiy 63:8

Ri are xubij: “Ri e are e nu tinimit, alc'ualxelab ri man quinquijach ta na.” Ri are c'ut xebucolo

Ri Jeremiy 31:33

Are' c'u c'ulwächinic wa' quenbana' na ruc' ri Israel pa ri k'ijol ri': Quincoj na ri nu pixab chupam ri ranima' quintz'ibaj c'u na chupam ri u chomanic. In quinux na qui Dios are c'u ri e are' quebux na nu tinimit. In, ri Ajawaxel, quinjiquiba' u bixic.

Ri Ezequiel 20:19

Xinbij chque: In ri' ri Ajawaxel ri i Dios. Chebitz'akatisaj qui banic tak ri nu pixab jas ri tz'ibatalic xukuje' tak ri takanic ri e nu yo'm qui bixic,

Ri Osey 1:10

Cäpe jun k'ij aretak ri aj israelib quebux na jacha' ri e u sanyebil ri plo, ri man c'o ta jachin ta jun cacuin ta che u pajic mawi rajilaxic. Che c'u u q'uexwäch che u bixic chque: “Ix man ix ta chi nu tinimit”, ri Dios cubij na chiwe: “Ix ix ralc'ual ri c'aslic Dios.”

Aj Levitib 11:44

“In c'ut ri Ajawaxel ri i Dios, ri ix rajawaxic chi kas quitas iwib, chixux c'u tastalic, in c'u in tastalic, man quinban ta etzelal. Mitz'iloj ba iwib ruc' apachique chicop ri cujururej rib cho ri ulew.

Aj Levitib 11:45

In ri' ri Ajawaxel ri xixinwesaj ulok pa Ejipt rech quinux i Dios: rumal ri' rajawaxic quixux tastalic, ri in man quinban ta etzelal, in c'u tastalic in.”

Ajilanic 15:41

In ri' ri Ajawaxel ri i Dios ix, ri xixesan ulok pa Ejipt rech quinux i Dios. In ri' ri Ajawaxel ri i Dios.”

Ri Matey 22:32

‘In ri' ri u Dios ri Abraham, ri u Dios ri Isaac, xukuje' ri u Dios ri Jacob.’ Ri Dios c'ut man are ta qui Dios ri cäminakib, xane' are ri qui Dios ri e c'aslic.”

Romanos 8:31

¿Jas c'u cäkabij che wa'? We c'o ri Dios kuc', ¿jachin ta ri cujc'ulelanic?

U Camulixic ri Pixab 14:2

Ix c'u jun tinimit ri ix tastajinak che u ternexic ri Ajawaxel ri i Dios, are' ix chowinak chquixo'l conojel tak ri tinimit cho ri uwächulew rech ix ri tinimit ri quixux rech.”

U Camulixic ri Pixab 26:18

Xukuje' ri Ajawaxel u yo'm u bixic camic chi ri at, Israel, at ri tinimit ri at rech, jacha' ri u chi'm ulok chawe, catoc c'u che qui nimaxic tak ri e u takomal.

U Camulixic ri Pixab 29:12

rech quiya' i tzij aretak quiban ri chi'nic ri kas cäban na chi quinimaj ri c'ulwächinic ri cuban ri Ajawaxel ri i Dios iwuc' camic.

U Camulixic ri Pixab 29:13

Camic cäjekebax canok chi ri ix ix u tinimit ri Ajawaxel xukuje' ri are' are i Dios, jas ri xuchi'j che ri Abraham, ri Isaac xukuje' ri Jacob, ri e i mam.

U Camulixic ri Pixab 29:5

Cawinak junab nu c'amom i be pa ri chaki'j uwo sak, pa conojel c'u we junab ri' man jarinak ta ri iwatz'iak mawi ri i xajäb.

U Camulixic ri Pixab 4:20

Are c'u ri ix xixuc'am ri Ajawaxel, xixresaj chupam ri jorno ri cäjarisax wi ch'ich', are wa' ri Ejipt, rech quixux u tinimit jas ri i banom camic.

U Camulixic ri Pixab 7:6

Rumal rech chi ri ix ix jun tinimit ri ix tastalic che u patanixic ri Ajawaxel; ri i Dios ix u cha'om chquixo'l conojel tak ri tinimit cho ri uwächulew, rech quixux jun tinimit ri nim u k'ij chuwäch.”

Hebreos 11:16

Ri e are' c'ut sibalaj cäcaj jun c'olbal ri utz na, are wa' ri aj chicaj. Rumal ri' ri Dios man cäq'uix taj chi cäbinax qui Dios. U suc'umam chi c'u jun tinimit chque.

1 Pedro 2:10

Ri ix man ix ta tinimit canok pa ri ojer tak k'ij. Are c'u ri camic ix u tinimit ri Dios. Ojer man c'o ta jun xel u c'u'x chiwe. Camic c'ut i rikom chic elebal c'u'x.

Apocalipsis 21:3

Xinta' jun cowilaj ch'abal ri xel ulok pa ri tem re ajawibal, ri xubij: “Chiwilampe', ri u kajebal ri Dios c'o chquixo'l ri winak. Cajeki' c'u na cuc'. Ri e are' quebux na u tinimit, kas are' ri Dios cac'oji' na cuc' cux c'u na qui Dios.

Apocalipsis 21:7

Are' c'ut ri cäch'äcanic cärechbej na we jastak ri'. Quinux na u Dios, ri are' cux na walc'ual.