Elem 6:6 - Quiché Bible

⁶ Rumal ri' jät jabij chque ri aj israelib chi ri in, ri Ajawaxel, quebenwesaj na chuxe' ri u takanic ri ajawinel xukuje' pa ri c'axalaj tak chac ri e cojom che qui banic cumal ri aj ejiptib. Quinc'ut na ri nu cuinem, quebentor na bic cumal nimak tak banoj aj suq'uilal.

Elem 6:6 ပူးပေါင်းရင်းမြစ်များ

Nabe Ajawinelab 8:42

cuban c'u ch'awem uc' la chusuq'uil we achoch la ri' (cätataj c'u ya' u tzijol ri bi' la ri sibalaj nim u banic xukuje' ri nimalaj u jabuxic ri cuinem la),

Ucab Ajawinelab 17:36

Chiya' k'ijilanic chwe in, chwe in ri Ajawaxel ri i Dios, ri xixesan ulok pa Ejipt ruc' ri u cojic ri nimalaj u cuinem. Xuwi chwe in rajawaxic quiya' wi k'ijilanic, xukuje' chimeja' wi iwib xukuje' chebichi'j wi tabal tak tok'ob.

Nabe Tzijobelil 17:21

Are c'u ri Israel, ri winakil la ¡Man c'o ta chi jun jacha' ta ri are', man c'o ta chi jun nim tinimit ri cajunamataj ta ruc' cho ri uwächulew! Lal, Dios, xto'tajisaj la rech cux tinimit la, xnimarisax c'u k'ij la cumal ri qui banic nimak tak jastak xukuje' e mayibal. Lal xerokij la bic chuwäch ri tinimit la ri xto'tajisaj la ulok pa Ejipt, ri jule' ri nimak tak tinimit chic,

Ri Nehemiy 1:10

Uj uj pataninelab la xukuje' tinimit la, ri xujlok' chi la rumal ri nimalaj cuinem la xukuje' chuk'ab la.

Salmib 77:16

Nu Dios, aretak xil la rumal ri plo xuxe'j rib, xeyicop ri e u ja'il ri e c'o c'ä chuxe';

Salmib 81:11

Are c'u ri nu tinimit man xraj ta xinutatabej; ¡ri Israel man xraj taj xinunimaj!

Salmib 81:6

“Wesam ri eka'n ri e c'o paquiwi' tak ri e a teleb, xatinwesaj pa ri c'axalaj chac.

Salmib 81:7

Xinasiq'uij aretak at c'o pa bis, xatinto' c'ut; xatinch'abej ulok pa ri sutz' ri cätililic; xatinc'ambejej chuchi' ri ja' re Merib.

Elem 1:11

Rumal ri' ri aj ejiptib xequicoj takanelab paquiwi' rech quequicoj ri aj israelib che qui banic c'axalaj tak chac. Xetak che qui yaquic ri tinimit Piton xukuje' ri Ramses ri xebucoj ri rajawinel re ri Ejipt, ri paraon, che c'olbal ri cätijic.

Elem 12:41

kas c'u pa ri k'ij aretak xtz'akat ri quiejeb sient ruc' juwinak lajuj (430) junab, conojel ri e c'o chuxe' ri u takanic ri Ajawaxel xebel ulok pa ri rulew ri Ejipt.

Elem 12:51

Kas pa ri k'ij ri' ri Ajawaxel xeresaj ulok pa Ejipt ri aj israelib pa tak amak'.

Elem 13:14

We c'u chwek cäbij cäc'ot na i chi' cumal ri e iwalc'ual: ‘¿Jas quel cubij wa'?’ Quibij na chque: ‘Ri Ajawaxel xujresaj ulok ruc' nimalaj cuinem pa Ejipt ri xujc'oji' wi na jacha' lok'om pataninelab.

Elem 13:16

Ruc' ri qui banic we jastak ri' je ta ne ri cäcanaj jun etal che ri i k'ab, o che ri i palaj, we nak'atisabal ri' cunataj chiwe chi ri Ajawaxel xujresaj ulok ruc' nimalaj cuinem pa Ejipt.’ ”

Elem 13:3

Ri Moises xubij chque ri aj israelib: “Mäsach we k'ij ri' pa i jolom, aretak ruc' nimalaj cuinem xixresaj ulok ri Ajawaxel pa Ejipt ri xixc'oji' wi na jacha' pataninelab lok'om. Mitij caxlanwa ri yo'm ch'am ruc'.

Elem 15:13

Ruc' ri lok'ok'ebal c'u'x la cätajin cäc'am la u be we tinimit ri' ri xcol la; ruc' ri cuinem la cac'am la bic pa ri tastalicalaj achoch la.

Elem 16:6

Ri Moises rachilam ri Aaron xquibij chque ri aj israelib: “Benak k'ij quiwetamaj na chi are ri Ajawaxel xixesan ulok pa Ejipt,

Elem 18:1

Ri Jetro, ri cojol tabal tok'ob pa Madian, u ji' ri Moises, xuta' u tzijol ronojel ri u banom ri Dios che u to'ic ri Moises xukuje' ri u banom che ri u tinimit Israel, xretamaj chi ri Ajawaxel xeresaj ulok ri aj israelib pa Ejipt.

Elem 2:11

Aretak achi chic ri Moises, xurika' jun k'ij xel bic che qui solixic ri e u winakil, xril c'ut chi sibalaj c'ax ri chac ri e takom che u banic. Xril jun achi aj ejipt ri cätajin cuch'ay jun aj hebrey u winakil ri Moises.

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Elem 32:11

Ri Moises xuta' tok'ob che ri Ajawaxel ri u Dios, xubij: “Ajawaxel, ¿jas ta che cäk'ak'ar ri oyowal la puwi' ri tinimit la ri xesaj la ulok pa Ejipt ruc' ri nimalaj cuinem la?

Elem 6:2

Xtzijon chi jumul ri Dios ruc' ri Moises, xubij che: “IN RI' RI AJAWAXEL.

Elem 6:29

xubij che: “In ri' ri Ajawaxel. Chabij ronojel ri quinbij chawe che ri paraon ri ajawinel re Ejipt.”

Elem 6:8

Quixinc'am na bic pa ri ulew ri xinbij chi quinya' che ri Abraham, ri Isaac xukuje' ri Jacob, quinya' c'u na chiwe che iwechbal. In ri' ri Ajawaxel.”

Elem 7:4

Ri ajawinel man cunimaj taj ri quibij na che c'ä quinban na c'ax che ri Ejipt, che resaxic bic ri nu tinimit Israel.

Elem 7:5

Aretak c'u nu banom chi c'ax che ri Ejipt, xukuje' e wesam chi bic ri aj israelib, ri e aj ejiptib cäquetamaj na chi in ri' ri Ajawaxel.”

Ri Isaiy 9:12

Pa elebal k'ij ri aj Siriy, pa u kajebal k'ij ri aj pilisteyib. Xak juba' xquiban che u bik'ic ri Israel. Man oc'owinak ta c'u ne ri royowal ri Ajawaxel ri are' c'ä cätajin cucoj xib.

Ri Isaiy 9:17

Rumal ri' ri Ajawaxel man xutok'obisaj ta qui wäch ri alabom, mawi xel u c'u'x chque ri minorib xukuje' ri malca'nib. Rumal rech chi ronojel ri tinimit man nimanel taj xukuje' banal etzelal, conojel cäquibij conalaj tak tzij. C'ä maja' c'u ne coc'ow ri royowal ri Ajawaxel ri are' c'ä u takem na u cojic xib.

Ri Isaiy 9:21

Ri Manases cusach u wäch ri Eprain, ri Eprain cusach u wäch ri Manases, qui cabichal quebe chrij ri Juda. Man c'u tanalinak taj ri royowal ri Ajawaxel, ri are' c'ä u takem na u cojic xib.

Ri Jeremiy 21:5

Kas in c'ut quinch'ojin na iwuc' ix che i ch'äquic ruc' nimalaj u cojic ri cuinem xukuje' ruc' nicowelalaj oyowal xukuje' nimalaj k'ak'al.

Ri Jeremiy 27:5

Ruc' nimalaj u liq'uic cuinem xinban ri uwächulew, ri winak xukuje' ri awaj ri e c'o puwi', quincuin c'ut quinya' che apachin che ri quinwaj wi.

Ri Jeremiy 32:21

Lal, ruc' ri nimalaj u liq'uic ri cuinem la, xesaj la ulok pa Ejipt ri tinimit la Israel, xeban tak la mayibal xukuje' tak etal xenojisaj c'u la conojel ri winak che xibin ib.

Ri Ezequiel 20:33

In, ri Ajawaxel, quinban ri chi'nic ri kas cäban na, quincha' rumal ri nu c'aslemal chi quinajawin na puwi' ruc' ri nimalaj u cuinem ri nu chuk'ab xukuje' c'äjisan wächaj ruc' oyowal.

Hechos 13:17

Ri u Dios ri tinimit Israel, xebucha' ri ka mam, xuban jun nim tinimit chque, aretak c'ä e jekel pa Ejipt jacha' chi man aj ejiptib taj, xeresaj c'u na ulok ruc' ri nimalaj u cuinem chupam we ulew ri'.

U Camulixic ri Pixab 11:2

Chiya' u k'ij ri u pixbenic ri Ajawaxel ri i Dios camic, e are tak c'ut ri e i c'ojol ix man queta'm taj mawi quilom. Chiya' u k'ij ri u nimalil xukuje' ri nimalaj u liq'uic ri u cuinem,

U Camulixic ri Pixab 15:15

Mäsach pa a jolom chi ri at xukuje' xatux can lok'om pataninel lok'om pa Ejipt, are c'u ri Ajawaxel ri a Dios xyo'w ri a tzopitajem. Rumal ri' quinya' we takanic ri' chawe camic.

U Camulixic ri Pixab 26:8

xulic' ri nimalaj u cuinem, chupam c'ut nimalaj xibriquil xukuje' tak c'ulmatajic ri man e c'o ta c'o wi, xujresaj ulok chupam ri Ejipt

U Camulixic ri Pixab 4:23

Chichajij ba iwib, mäsach pa i jolom ri c'ulwächinic ri u banom ri Ajawaxel ri i Dios iwuc'. Miban jun dios mawi jun wächbal ri e u bim tak ri Ajawaxel chiwe chi man quebiban taj,

U Camulixic ri Pixab 4:34

¿La c'o lo jun dios ri u cha'om ta jun u tinimit chquixo'l ri niq'uiaj tak tinimit chic, cuc' tak c'ambejenic, etal, mayibal xukuje' tak ch'o'j, ri xuc'ut ta ri nimalaj u chuk'ab chuwäch, xebuban ta xibibalalaj tak jastak jas jacha' ri xebuban xukuje' chiwe ri Ajawaxel pa Ejipt?

U Camulixic ri Pixab 5:15

Chnataj chawe chi xatc'oji' na che lok'om pataninel pa Ejipt, are c'u ri Ajawaxel ri a Dios xatresaj ulok chila' ruc' nimalaj chuk'ab. Rumal c'u ri' ri Ajawaxel ri a Dios catutako chi man catchacun ta pa ri k'ij re uxlanem.

U Camulixic ri Pixab 6:12

Aretak cäc'ulmataj wa', chixoc il, mäsach ri Ajawaxel ri Dios pa i jolom ri xixelesan ulok pa Ejipt jawije' ri xixpatanin wi jacha' ri cäban chque ri lok'om tak pataninelab.

U Camulixic ri Pixab 7:19

chichomaj quij ri nimak tak c'ambejenic ri kas xebiwilo, ri e etal tak, xukuje' tak ri cajmajibal xukuje' ri nimalaj cuinem ri xuban ri Ajawaxel ri i Dios aretak xixresaj ulok pa Ejipt. Jewa' xukuje' cuban na ri Ajawaxel chque conojel tak ri tinimit ri quixe'j iwib chquiwäch.

U Camulixic ri Pixab 7:8

Ri Ajawaxel xixresaj ulok pa Ejipt, jawije' xixc'oji' wi na che lok'om pataninelab lok'om, ruc' c'u nimalaj cuinem xixresaj ulok pa u k'ab ri ajawinel re Ejipt, ix c'u lok' chuwäch, kas c'u je xubano jas ri xuchi'j chque ri e i mam.

U Camulixic ri Pixab 9:29

E tinimit c'u la xukuje' e ech la; xebesaj c'u la ulok pa Ejipt ruc' ri nimalaj cuinem la ri xc'ut la.’ ”