Elem 6:3 - Quiché Bible

³ Xinc'ut wib chuwäch ri Abraham, ri Isaac, ri Jacob, ruc' ri bi'aj: Dios ri c'o ronojel u cuinem, man xink'alajisaj ta c'u ri kas nu bi' chquiwäch: RI AJAWAXEL.

Elem 6:3 ပူးပေါင်းရင်းမြစ်များ

Chapletajic 13:18

Je c'u ri', ri Abram xuwalijisaj bic ri u lic'om rachoch, xejekel pa ri c'ache'laj aj räx che' ri rech jun achi Mamre u bi', chunakaj ri tinimit Hebron. Chila' xuyac wi jun porobal che u ya'ic u k'ij ri Ajawaxel.

Chapletajic 17:1

Aretak c'o chi jumuch' ruc' belejlajuj (99) u junab ri Abram, xuc'ut rib ri Ajawaxel chuwäch, xubij che: “In ri' ri Dios ri c'o ronojel u cuinem; chatbin pa jun suc'alaj c'aslemal chnuwäch.

Chapletajic 22:14

Ri Abraham xucoj u bi' we c'olbal ri', ri u bi' ri xucojo are' wa': “Ri Ajawaxel cuya' ri cajwatajic.” Rumal ri' c'ä cäbixic: “Pa ri juyub, ri Ajawaxel cuya' ri rajawaxic.”

Chapletajic 28:3

Ri Dios ri c'o ronojel u cuinem cattewichi'n na, chebuya' ta ba' na e q'ui ri e awija'lil rech chawe quebel wi tinimit tak winak.

Chapletajic 35:11

ri Dios xubij che: “In ri' ri Dios ri c'o ronojel u cuinem; chec'ol q'ui awalc'ual xukuje' ri e awija'lil Chawe quel wi na jun nim tinimit xukuje' q'ui tak tinimit, quebel na ajawinel chquixo'l tak ri e awija'lil.

Chapletajic 48:3

Xubij c'u che ri Jose: “Ri Dios ri c'o ronojel u cuinem, xuc'ut rib chnuwäch pa ri tinimit ri Luz u bi' ri c'o pa Canaan, xinutewichi'j c'ut,

Salmib 68:4

Chixbixon ix che ri Dios, chebibixoj bix che ri u bi'; chiya' u k'ij ri cäquiejen paquiwi' tak ri sutz'. ¡Chixquicot ruc' ri Ajawaxel! ¡Chixquicot chuwäch!

Salmib 83:18

¡Chquetamaj chi xuwi ri lal lal Ajawaxel, chi xuwi ri lal lal aj chicaj puwi' ronojel ri uwächulew!

Elem 15:3

Ri Ajawaxel are jun nimalaj ch'ojinel, Ajawaxel ¡are u bi' wa'!

Elem 23:21

Matnajtin che; chanimaj maban awib chi ma ta mawaj ch'abexic che, are' c'o c'u che nu q'uexwäch, we quixmacunic man qui xucuy taj.

Elem 3:14

Ri Dios xubij che ri Moises: “IN RI' RI IN. Jewa' cabij na chque ri aj israelib: ‘Ri IN RI' in u takom ulok iwuc'.’ ”

Ri Isaiy 42:8

In ri' ri Ajawaxel, are nu bi' wa', man quinya' ta c'olbal chi cäya' ri nu juluwem che ta jachin chi jun mawi chi are ta nim quebil wi ri diosib che nu q'uexwäch in.

Ri Isaiy 44:6

Ri Ajawaxel, ri ajawinel xukuje' torol c'u re ri Israel, ri Ajawaxel ri c'o ronojel u cuinem cubij: “In ri nabe xukuje' ri q'uisbal chnuwäch in man c'o ta chi jun dios.

Ri Jeremiy 16:21

“Rumal ri', kas xa' jumul quenc'utu' na ri nu cuinem puwi' ronojel; jeri' caquetamaj na chi ri nu bi' are ri Ajawaxel.”

Ri Jeremiy 33:2

“In, ri Ajawaxel, ri xinban ri ulew, ri xinya' u ca'yebal co c'ut xintiq'uiba' pa ri u c'olbal, quinbij chawe:

Ri Ezequiel 20:5

Chabij chque: ‘Are wa' ri cubij ri Ajawaxel: Aretak xincha' ri Israel, xinban jun chi'nic ri kas cäban na, xincha' chque ri quija'lil, xinc'ut c'u wib chquiwäch pa Ejipt. Nimalaj u banic we chi'nic ri' ri kas cäban na ri', xincha' chque: In ri' ri Ajawaxel.

Ri Ezequiel 37:13

Aretak c'u chebenjaka' ri ix mukutal wi, quixinwesaj c'u ulok chquipam, quich'ob c'u na ri ix, nu tinimit, chi in ri' ri Ajawaxel.

Ri Ezequiel 37:6

Quebencoj na iboch' chiwij, quixennojisaj na che ti'j, quincoj na i tz'umal quinya' na iwuxlab re c'aslemal rech cac'astaj i wäch. C'äte ri' quich'ob na ix chi in ri' ri Ajawaxel.’ ”

Ri Xuan 8:58

Xubij ri Jesus chque: “Kastzij, kastzij quinbij chiwe: C'ä majok calax ri Abraham, in c'o chic.”

Apocalipsis 1:4

In Xuan quintz'ibaj chque ri wukub comon cojonelab ri e c'o pa Asiy. Chic'ama' ri tok'ob xukuje' ri jamaril che ri ri c'olic, ri c'o ulok, ri cäpe na, xukuje' chque ri wukub uxlabal ri e c'o chuwäch ri u tem re ajawibal,

Ri Rut 1:20

Ri are' xutzelej u bixic chque: “Man quibij ta chic Noemi chwe; C'ayil chixchok chwe, rumal rech chi ri Dios ri c'o ronojel u cuinem in u nojisam che c'ayil.