Elem 6:26 - Quiché Bible

²⁶ Kas e are' wa' ri Aaron xukuje' ri Moises ri xubij wi ri Ajawaxel chi quequesaj bic pa Ejipt ri aj israelib, quicholajim quib e jacha' juk'at ajch'ojab.

Elem 6:26 ပူးပေါင်းရင်းမြစ်များ

Chapletajic 2:1

Xtz'akat c'u u banic ri caj ulew, xukuje' conojel ri jastak ri e c'o pa ri caj xukuje' ri e c'o cho ri uwächulew.

Nabe Tzijobelil 6:3

Ri e ralc'ual ri Amram e are' ri Aaron, ri Moises xukuje' ri Mariy. Ri e u c'ojol ri Aaron e are' ri Nadab, Abiu, Eleazar xukuje' ri Itamar.

Salmib 77:20

Xc'am la u be ri tinimit la jacha' jumulaj chij, rumal ri Moises xukuje' ri Aaron.

Salmib 99:6

Ri Moises xukuje' ri Aaron e c'o chquixo'l ri e cojol tak tabal tok'ob; ri Samuel c'o chquixo'l ri cäquiya' u k'ij ri u bi'. Ri Ajawaxel cutzelej u wäch qui tzij aretak caquitz'onoj ri u to'banic.

Elem 12:17

Ri nimak'ij que ri caxlanwa ri man cäya' ta ch'am cuc' are jun k'ij ri qui nimak'ijaj na rumal rech chi kas pa ri k'ij ri' xixinwesaj ulok pa Ejipt chnimalaj iwonojel. Quinimak'ijaj na jacha' jun pixab ri cäjeki' canok ri quecoc'owisaj ri e tat nan xukuje' ri alc'ualaxelab.

Elem 12:41

kas c'u pa ri k'ij aretak xtz'akat ri quiejeb sient ruc' juwinak lajuj (430) junab, conojel ri e c'o chuxe' ri u takanic ri Ajawaxel xebel ulok pa ri rulew ri Ejipt.

Elem 12:51

Kas pa ri k'ij ri' ri Ajawaxel xeresaj ulok pa Ejipt ri aj israelib pa tak amak'.

Elem 13:18

Rumal ri' xuban chque chi cäquicotij na ri qui be pa ri chaki'j uwo sak ri cäbe chusuq'uil ri Quiäk Plo. Aretak xebel ulok ri aj israelib pa Ejipt quek'atatic e jacha' ajch'ojab.

Elem 20:2

“In ri' ri Ajawaxel ri a Dios, ri xatresaj ulok pa Ejipt, ri at cojom wi che pataninel jacha' ta ne ri lok'om.

Elem 32:1

Xquil c'u ri aj israelib chi, xbeytaj ri Moises che ri u kajic ulok puwi' ri juyub, xquimulij quib chrij ri Aaron, xquibij che: “Chatwalijok, chebabana' ka diosib ri cäc'amow ka be, ri Moises ri xujesan ulok pa Ejipt, man keta'm taj jas ri xuc'ulmaj.”

Elem 32:11

Ri Moises xuta' tok'ob che ri Ajawaxel ri u Dios, xubij: “Ajawaxel, ¿jas ta che cäk'ak'ar ri oyowal la puwi' ri tinimit la ri xesaj la ulok pa Ejipt ruc' ri nimalaj cuinem la?

Elem 32:7

Ri Ajawaxel xubij che ri Moises: “Jät, chatkaj bic, ri awinakil ri xebawesaj ulok pa Ejipt, e kajinak pa mac.

Elem 6:13

Are c'u ri Ajawaxel xutak ri Moises xukuje' ri Aaron rech cäquibij chque ri aj israelib xukuje' che ri ajawinel chi yo'm takanic chque ri rajawaxic u tz'akatisaxic che quesaxic bic ri aj israelib pa Ejipt.

Elem 6:20

Ri Amram xc'uli' ruc' ri Jocabed rana'b ri u tat, ri Jocabed xralaj ri Aaron xukuje' ri Moises. Ri Amram xc'asi' jun sient ruc' juwinak wuklajuj (137) junab.

Elem 6:7

Quixinc'am na ix jacha' che nu tinimit, are c'u ri in quinux na i Dios. Jeri' quiwetamaj na chi in ri' ri Ajawaxel ri i Dios, ri cätajin quixresaj chuxe' ri c'axalaj tak chac ri ix takom che qui banic cumal ri aj ejiptib.

Elem 7:4

Ri ajawinel man cunimaj taj ri quibij na che c'ä quinban na c'ax che ri Ejipt, che resaxic bic ri nu tinimit Israel.

Ri Miquey 6:4

In xatinwesaj ulok pa Ejipt, xatinto'tajisaj man xatcanaj ta che lok'om pataninel; ri in xebentak bic ri Moises ri Aaron xukuje' ri Mariy, rech quequic'am i be.

Ajilanic 33:1

E are tak c'olbal wa' ri xejeki' wi tak ri aj israelib aretak xebel ulok pa Ejipt ri qui cholajim wi quib e jacha' e banal tak ch'o'j, c'amom qui be rumal ri Moises xukuje' ri Aaron.

Ri Josue 24:5

Xintak c'u bic ri Moises xukuje' ri Aaron, xinsoc c'ut ri Ejipt che cämical, c'ä xixinwesaj na ulok ix chila'.

Nabe Samuel 12:6

Xubij chi c'u ri Samuel che ri tinimit: “Ri Ajawaxel are' ri xbanowic chi rumal ri Moises xukuje' ri Aaron, chi xeresaj ulok ri e i mam pa Ejipt.

Nabe Samuel 12:8

Aretak ri Jacob xukuje' ri e rija'lil xekaj bic pa Ejipt, ri e i mam xetzujun chuwäch ri Ajawaxel, ri are c'u ri are' xutak ri Moises xukuje' ri Aaron, ri xebesan ulok ri e i mam xixquijekeba' c'ut pa we c'olbal ri'.