Elem 6:12 - Quiché Bible

¹² Ri Moises xubij che ri Ajawaxel: “Mawi ne ri aj israelib cäquinimaj ri quinbij chque, ¿la are ta c'u lo quinunimaj ri ajawinel, xak c'u quinmemetic?”

Elem 6:12 ပူးပေါင်းရင်းမြစ်များ

Elem 3:11

Xubij c'u ri Moises che ri Dios: “¿Jas nu banic in chi quentac'aba' ta wib chuwäch ri ajawinel che quesaxic ta ulok ri aj israelib pa Ejipt?”

Elem 3:13

Are c'u ri Moises xubij che ri Dios: “Ri c'ax ri quinwilo we quinopan cuc' ri aj israelib chubixic chque: ‘Ri qui Dios ri e i mam xinutak ulok iwuc',’ we c'u ne cäquita' ri bi' la chwe: ¿Jas c'ut ri quinbij na chque?”

Elem 4:1

“Ri e are' man quecojon ta na ri' chwe, mawi caquiya' ta na qui xiquin ri',” xcha' ri Moises. “Xane' caquibij na chwe: ‘Ri Ajawaxel man u c'utum ta rib ri' chawäch.’ ”

Elem 4:10

“¡Ay, Ajawaxel!” xcha' ri Moises. “Ri in man quincuin taj quinch'awic, man c'äte ta re iwir wa' mawi c'ä re ta camic ri cätajin catzijon la ruc' we pataninel ech la ri', xane' ojer ulok wa'. Aretak quintzijonic, quinmemetic.”

Elem 6:13

Are c'u ri Ajawaxel xutak ri Moises xukuje' ri Aaron rech cäquibij chque ri aj israelib xukuje' che ri ajawinel chi yo'm takanic chque ri rajawaxic u tz'akatisaxic che quesaxic bic ri aj israelib pa Ejipt.

Elem 6:30

Ri Moises xubij che ri Ajawaxel: “Ajawaxel, eta'm ya' la chi xak cämemat quinch'awic, ¿la quinunimaj ta c'u lo ri ajawinel?”

Elem 6:9

Ri Moises xuya' u bixic wa' chque ri aj israelib, ri e are' c'ut man xquicoj taj ri xbix chque rumal ri c'axalaj tak chac ri e cojom wi.

Ri Isaiy 6:5

Xinchomaj c'ut: “¡Tok'ob nu wäch, quinecämok! Wilom ri Ajawinel cuc' ri nu bak'wäch, ri Ajawaxel ri c'o ronojel u cuinem; in, ri in jun winak ri e tz'il ri u chi', in c'o chquixo'l ri winak ri e tz'il ri e qui chi'.”

Ri Jeremiy 1:6

In xintzelej u bixic: “¡Ay, Ajawaxel! ¡Ri in sibalaj c'ä in c'ojol, man weta'm ta c'u ne quintzijonic!”

Ri Jeremiy 6:10

Ri in xintzelej u bixic: “¿Jachin ta ri quintatabenic, we queben tzijobej quinya' c'ut we tzijol ri chque? E tz'apital ri qui xiquin, Ajawaxel, man c'u quecuin taj quetatabenic; xa' caquitze'j u wäch ri tzij la, man cäkaj ta chquiwäch.

Ri Jeremiy 9:26

Ri Ejipt, Juda, Edom, Amon xukuje' ri Moab, xukuje' conojel ri e jekel chupam ri chaki'j uwo sak caquisocaj c'u ne tak ri qui wi' xe' tak qui xiquin. Conojel c'ut we tinimit ri', xukuje' c'u ne ronojel ri tinimit Israel man cojon ta quetal re kopinic pa ri canima', xane' kas e k'ijilal tak diosib ruc' ronojel canima'.”

Aj Levitib 26:41

xukuje' c'u ri in quixinc'ulelaj na quixinc'am c'u bic pa ri culew ri e i c'ulel; c'ä chi' c'ut cäquimach' na ri canima' ri quebuk'ijilaj tak diosib, caquitoj c'u na ri qui mac.

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

U Camulixic ri Pixab 30:6

Cucoj na ri retal ri c'ulwächinic pa tak ri iwanima', xukuje' pa tak ri canima' ri e iwija'lil, rech quilok'ok'ej na ruc' ronojel iwanima', xukuje' ruc' ronojel i c'aslibal, rech cäc'oji' i c'aslemal.