Elem 5:6 - Quiché Bible

⁶ Pa ri k'ij ri' ri ajawinel xuya' takanic chque ri takanelab xukuje' chque ri quesolin ri chac, xubij chque:

Elem 5:6 ပူးပေါင်းရင်းမြစ်များ

Ucab Tzijobelil 26:11

Ri Uziy kas xak c'u e c'o wi ri rajch'ojab ri quebe che qui banic ch'o'j, quebel c'u bic pa jutak k'at che qui banic ch'o'j jas ri tz'ibatal rumal ri Jehiel ri tz'ibal tzijol ruc' ri ajawinel, xukuje' rumal ri Maasiy, ri qui nimal rajch'ojab ri c'o chuxe' ri u takanic ri Hananiy, jun chque ri u nimal rajch'ojab ri ajawinel.

Elem 1:11

Rumal ri' ri aj ejiptib xequicoj takanelab paquiwi' rech quequicoj ri aj israelib che qui banic c'axalaj tak chac. Xetak che qui yaquic ri tinimit Piton xukuje' ri Ramses ri xebucoj ri rajawinel re ri Ejipt, ri paraon, che c'olbal ri cätijic.

Elem 3:7

xutakej c'u u bixic ri Ajawaxel: “Kas wilom ri c'ax ri curik ri nu tinimit ri c'o pa Ejipt. Nu tom ri qui rakoj tak chi'aj u mac rech ri c'ax ri cäban chque cumal ri takanelab ri e cojom paquiwi', kas weta'm ri c'ax ri cäquiriko.

Elem 5:10

Ri takanelab xukuje' ri quesolin ri chac, xebe che u bixic chque ri aj israelib, “ri ajawinel u yo'm takanic chi man cäya' ta chic pajo chiwe.

Elem 5:19

Ri solil tak qui chac ri aj israelib man cäquirik ta chic jas cäquibano, aretak xbix chque chi man c'o ta cäquesaj che ri cajilabal ri xan ri quequijach ronojel k'ij.

Elem 5:7

“Miya' chic pajo chque ri aj israelib che qui banic ri xan, jas ri takem ulok u banic; cheboj ri e are' che u molic ri pajo.

E C'ambal tak Tzij 12:10

Ri suc' reta'm querilij ri rawaj, are c'u ri ranima' ri itzel winak man catok'basan ta wächaj.

Ajilanic 11:16

Are c'u ri Ajawaxel xutzelej u bixic chwe: “Chebamulij oxc'al lajuj nimak tak tatayib aj israelib, ri e aweta'm qui wäch chi c'o qui takanic chquixo'l ri winak, chebac'ama' c'u ulok chupam ri Lic'om Rachoch Dios re rikoj ib che eyem c'u chila' awuc'.

U Camulixic ri Pixab 1:15

Xebenwesaj c'u pa jujun tak amak' achijab ri c'o na qui no'j, xukuje' elinak chic qui no'j, xinya' c'u takanic pa qui k'ab rech quetakan piwi'; jujun xebencoj puwi' jun mil (1000) achijab, niq'uiaj chic xebencoj puwi' jun sient (100), niq'uiaj chic puwi' cawinak lajuj (50), niq'uiaj chic puwi' lajuj (10) jujun chi c'ut xinya' takanic pa qui k'ab rech quetakan paquiwi' jujun tak amak'.

U Camulixic ri Pixab 16:18

“Chebicojo' k'atal tak tzij xukuje' takanelab paquiwi' conojel ri tinimit tak ri cuya' ri Ajawaxel ri i Dios chiwe chque jujun tak amak', rech cäquik'at tzij paquiwi' ri tinimit ruc' kas suq'uilal.

Ri Josue 24:1

Ri Josue xebumulij conojel tak ri amak' re Israel pa Siquem. Xebusiq'uij ri achijab ri e nimak tak winak chic, c'amal tak be, k'atal tak tzij xukuje' cach k'atal tak tzij, chuwäch c'ut ri Ajawaxel,

Ri Josue 24:4

Xinya' c'u quieb u c'ojol ri Isaac, ri Jacob xukuje' ri Esau. Xinya' c'ut ri c'ache'laj ulew che ri Esau ri rech can ri Seir, are' c'u ri Jacob xukuje' tak ri e u c'ojol xebe pa Ejipt.

Ri Josue 8:33

Ronojel c'ut ri tinimit, ri e rija'lil ri Israel jacha' xukuje' ri man e qui winakil taj, xukuje' ri e qui rija'l, ri takanelab xukuje' ri k'atal tak tzij xquiya' quib pa tak u xcut ri caxa ri c'o wi ri u c'ulwächinic ri Ajawaxel, chquiwäch ri e cojol tabal tok'ob aj levitib ri e uc'aninak puwi' qui teleb. Che ri u tewichibal ri tinimit Israel, pa niq'uiaj chque e c'o pa u xcut ri juyub Jerizim, ri jun pa niq'uiaj chic pa u xcut ri juyub Ebal, je jacha' ri takanic ri xuya' ri Moises kas pa ri chaplebal, ri pataninel rech ri Ajawaxel.