Elem 5:3 - Quiché Bible

³ Ri Moises ri Aaron, xquibij che ri ajawinel: “Ri qui Dios ri aj hebreyib petinak che ka rikic; rumal ri' cujbe na pa ri chaki'j uwo sak, oxib k'ij be cäkaban na, quekaya' c'u tabal tok'ob chuwäch ri Ajawaxel ri ka Dios, mebutak c'u ne ulok ch'o'j o yabil pakawi' che ka cämisaxic.”

Elem 5:3 ပူးပေါင်းရင်းမြစ်များ

Ucab Ajawinelab 17:25

Rumal c'u rech chi we winak ri' man quek'ijilan ta che ri Ajawaxel, aretak xquichaplej u jekebaxic quib ri Ajawaxel xebutak ulok coj, ri xequicämisaj jujun chque.

Ucab Tzijobelil 30:8

Are c'u ri camic, mixux tak tacatak e jacha' ri e i mam; chilica' ri i k'ab che ri Ajawaxel che u q'uexic ri c'ulwächinic ri i banom ruc' tisaj chupam ri u k'ijilabal, ri kas xa' jumul u tasom. Chipatanij ri Ajawaxel ri i Dios, cutanaba' c'u na ri oyowarem iwuc'.

Ri Esdras 7:23

Ronojel ri cutz'onoj ri Dios aj caj che ri rachoch, chanim cäjachaxtaxic, rech man c'o ta jun c'äjisabal wäch ri cäpe ta paquiwi' ri e u c'ojol ri ajawinel xukuje' puwi' ri quebajawin wi.

Elem 3:18

Ri nimak tak tatayib aj israelib, catquinimaj na, quebe c'u awuc' che u ch'abexic ri ajawinel pa Ejipt, cabij c'u na che: ‘Ri Ajawaxel ri qui Dios ri aj hebreyib xpe che ka siq'uixic. Rumal ri chujtzokopij la bic rech cujbe pa ri chaki'j uwo sak, oxib k'ij be che u chi'xic tabal tok'ob chuwäch ri Ajawaxel ri ka Dios.’

Elem 7:16

Chila' cabij wi che: ‘Ri Ajawaxel ri qui Dios ri aj hebrey in u takom ulok che u bixic chech la: Chi catzokopij bic ri nu tinimit rech cäbe che nu k'ijilaxic pa ri chaki'j uwo sak. Man nimam ta c'u la c'ä camic ri nu bim chech la.

Elem 8:1

ri Ajawaxel xubij che ri Moises: “Jät che u ch'abexic ri ajawinel ri paraon, chabij che: ‘jewa' cubij ri Ajawaxel: Chatzokopij bic ri nu tinimit Israel rech cäbe na che nu k'ijilaxic.

Elem 8:20

Ri Ajawaxel xubij che ri Moises: “Ri ajawinel ak'ab cäbe chuchi' ri nima', rumal ri' chatwalij ak'ab, catbe che u bixic che: ‘Jewa' u bim ri Ajawaxel: Chatzokopij bic ri nu tinimit rech cäbe che nu k'ijilaxic.

Elem 8:27

Rajawaxic cujbe na pa ri chaki'j uwo sak, oxib k'ij cujbin na c'äte ri' cäkaya' ri tabal tok'ob chuwäch ri Ajawaxel ri ka Dios, jacha' ri takanic ri u yo'm chke.”

Ri Ezequiel 6:11

Ri Ajawaxel xubij chwe: “Chatjuyuwok chatt'ocon cuc' tak ri a k'ab, chatyok'on cuc' tak ri awakan; chebaraka' tak a chi' re k'oxomal cumal ri xojibalalaj tak retzelal ri e u banom ri tinimit Israel, quecäm c'u na rumal ri ch'o'j, ri wi'jal xukuje' ri yabil.

Aj Levitib 26:25

Quinc'am na ulok cämical piwi', che u c'äjisaxic i wäch u mac rech chi man i tz'akatisam taj ri nu c'ulwächinic; we c'u quitzucuj u to'ic iwib pa tak ri i tinimit, ri in quintak na ulok yabil chixo'l, quixkaj c'u na pa u k'ab ri c'ulel.

U Camulixic ri Pixab 28:21

Ri Ajawaxel cutak na ulok jun cämisanel yabil ri cusach na a wäch pa ri ulew ri catejekel wi na.