Elem 40:17 - Quiché Bible

¹⁷ Je c'u ri', aretak xchapletaj ri ucab junab re ri quelic ulok ri aj israelib pa Ejipt, pa ri nabe k'ij re ri nabe ic', xwoc ri k'ijilabal.

Elem 40:17 ပူးပေါင်းရင်းမြစ်များ

Elem 12:2

“We ic' ri' are jun ic' ri nim u banic chiwäch, are wa' ri nabe ic' chaplebal re ri junab.

Elem 40:16

Je c'u u banic ronojel xuban ri Moises, jacha' ri takanic ri xya' che rumal ri Ajawaxel.

Elem 40:18

Ri Moises xuwoc ri k'ijilabal, xebucoj ri e u tac'alibal, ri tz'alam, ri balul, xebutac'aba' tak ri akan,

Ajilanic 1:1

Pa ri nabe k'ij rech ri ucab ic' rech ri ucab junab, aretak nima jun junab chic e belinak ulok ri aj israelib pa Ejipt, ri Ajawaxel xutzijobej ri Moises chupam ri chaki'j uwo sak re Sinai chupam ri Lic'om Rachoch Dios re rikoj ib ruc' Dios, xubij c'u che:

Ajilanic 10:11

Pa ri juwinak rajilabal ri ucab ic' rech ri ucab junab, xwalij ri sutz' puwi' ri k'ijilabal re ri c'ulwächinic.

Ajilanic 7:1

Pa ri k'ij aretak ri Moises xuq'uis u woquic ri k'ijilabal, xutaso ruc' aseit, e rachil conojel ri e u chaconisan ri k'ijilabal xukuje' ri e rech ri porobal.

Ajilanic 9:1

K'axenak chi jun junab e elinak ulok ri aj israelib pa Ejipt, pa ri nabe ic' re ri ucab junab, ri Ajawaxel xutzijobej ri Moises pa ri juyub Sinai, xubij c'u che:

Ajilanic 9:15

Pa ri k'ij ri xwocotaj ri k'ijilabal, ri u bixic, ri Lic'om Rachoch Dios re ri c'ulwächinic, ri sutz' xch'ukuwic. Xuwi c'u caxk'ekayiric cac'utun u wächbal jun kak' puwi' ri k'ijilabal c'ä cäsakar na.