Elem 40:15 - Quiché Bible

¹⁵ chak'ija' c'u aseit paquiwi' jacha' ri xaban che ri Aaron, rech quecanaj che nu cojol tabal tok'ob. Ruc' we u k'ijic we aseit ri paquiwi' cäjekebax na ri u cojic ri junalic u cojic tabal tok'ob re chbe k'ij sak.”

Elem 40:15 ပူးပေါင်းရင်းမြစ်များ

Salmib 110:4

Ri Ajawaxel xuban jun chi'nic ri kas cäban na, man c'u caresaj ta rib chupam: “At, at cojol tabal tok'ob chbe k'ij sak, xak junam abantajic ruc' ri Melquisedec.”

Elem 12:14

Are jun k'ij wa' ri takal u nataxic iwumal, quiban jun nimalaj nimak'ij che roc'owisaxic che u ya'ic u k'ij ri Ajawaxel. Pixab wa' ri cäcanaj chiwe amak'el, ri quecoc'owisaj ri e tat nan xukuje' ri alc'ualaxelab.

Elem 28:41

Chebacojo' we atz'iak ri' chrij ri Aaron xukuje' chquij ri e u c'ojol, cak'ij c'u aseit puwi' ri qui jolom che u ya'ic takanic pa qui k'ab xukuje' che qui tewichi'xic rech quecanaj che cojol tabal tok'ob chnuwäch.

Elem 29:9

Utz u cojic ri u pas ri Aaron cabano xukuje' ri qui pas ri e u c'ojol, utz caban che u cojic ri pisbal jolomaj chqui jolom. Je caban wa' che u ya'ic ri takanic pa qui k'ab, xukuje' ri qui chac re cojol tabal tok'ob cäcanaj c'u can che jun pixab re chbe k'ij sak.

Elem 30:31

chabij wa' chque ri aj israelib: ‘Chbe k'ij sak, are waseit wa' ri tastalic re tastajic.

Elem 30:33

We c'o jachin cusuc'umaj jun aseit ri junam ruc' wa' o cujamij puwi' apachique winak, quesax ri u bi' chquixo'l ri u winakil.’ ”

Elem 40:14

Quebasiq'uij chi c'u ri e u c'ojol, chebacojo' ri u pam atz'iak chquij,

Elem 40:16

Je c'u u banic ronojel xuban ri Moises, jacha' ri takanic ri xya' che rumal ri Ajawaxel.

Ri Zacariy 4:14

Ri are' xutzelej u bixic chwe: “E are' quieb wa' ri e tasom che u patanixic ri Ajawaxel rech ronojel ri uwächulew.”

Ajilanic 25:13

rumal c'u rech wa' quinjächo, che are' xukuje' pa qui k'ab ri e rija'lil, chi quebux cojol tak tabal tok'ob re amak'el, rumal rech chi xachixom chwe je c'u ri' xurik ri sachbal macaj chque ri aj israelib.”

Hebreos 7:3

Man c'o ta u tzijol ri u tat mawi ri u nan, mawi ri e u mam, mawi catzijox ri ralaxic, mawi ri u cämical. Junam c'ut ruc' ri u C'ojol ri Dios, cojol tabal tok'ob chbe k'ij sak.

Hebreos 7:7

Man c'o ta jachin cac'ulelanic chi ri cayo'w ri tewichi'nic are' nim na u k'ij chuwäch ri cac'amow ri tewichi'nic.