Elem 4:11 - Quiché Bible

¹¹ Ri Ajawaxel xubij che: “¿Jachin ta c'u lo yowinak ri u chi' ri winak? ¿Jachin taj, we man in in banowinak ri mem, ri man cuta' taj, ri moy xukuje' ri cäca'yic?

Elem 4:11 ပူးပေါင်းရင်းမြစ်များ

Chapletajic 11:7

Chujkaj bic kaya' jalajoj tak qui ch'abal chquijujunal, rech man cäquich'ob ta chic jas ri cäquibij chquibil tak quib.”

Chapletajic 18:14

¿La c'o ta c'u lo jun jasach ri ma ta cäcuin ri Ajawaxel che u banic? Che ri jun junab chic junab ak'anok quinpe na che a solixic, pa ri k'ij ri' ri Sara c'o chic jun ral ala.”

Salmib 146:8

ri Ajawaxel cutzelej chi jumul ri qui bak'wäch ri moyab; ri Ajawaxel quebuwalijisaj ri e tzakinak; ri Ajawaxel quebulok'ok'ej ri winak ri e tz'akatisanelab pa ronojel;

Salmib 51:15

Ajawaxel, jaka' la ri nu chi', ruc' c'u ri nu chi' quinya' na k'ij la.

Salmib 94:9

¿La xa ta c'u lo ma ta catanic ri e banowinak ri xquinaj? ¿La xa ta c'u lo ma ta cäril ri xebanow ri bak'wächaj?

E C'ambal tak Tzij 20:12

Ri xiquinaj che tatabenic xukuje' ri bak'wächaj che cäyanic xeban rumal ri Ajawaxel.

Ri Isaiy 42:7

Quinwaj chi cajak ri qui bak'wäch ri moyab xukuje' chi quebator ri e tz'apitz'oj pa che', chupam ri k'ekumalaj c'olbal ri e c'o wi.

Ri Isaiy 6:7

xunak ri nu chi' ruc' ri k'ak' xubij c'u chwe: “Chawilampe', we rachak k'ak' ri' e u nakom ri a chi'. Ri awetzelal estajinak chic chawe, ri a mac e sachtajinak chic.”

Ri Jeremiy 1:6

In xintzelej u bixic: “¡Ay, Ajawaxel! ¡Ri in sibalaj c'ä in c'ojol, man weta'm ta c'u ne quintzijonic!”

Ri Jeremiy 1:9

Xuyuk c'ut ri Ajawaxel ri u k'ab, xunak ri nu chi' xubij c'u chwe:

Ri Ezequiel 33:22

Pa ri chak'ab ri c'ä maja' copan ri animajininak ulok, ri Ajawaxel, u yo'm ulok ri u k'ab panuwi', chupam, c'u ri u sakaribal, aretak xul ri winak, ri Ajawaxel xutzelej ri nu ch'abal xintanaba' ri memal.

Ri Amos 3:6

we cok' ri trompet chupam ri tinimit, ri winak caquina' quib; we c'o jun lawaloyil cäc'ulmataj chupam ri tinimit, xa' are' ri Ajawaxel ri' takowinak.

Ri Matey 11:5

Ri moyab, queca'yic chic. Ri ch'ocojib quebin chic. Ri c'o ch'a'c chquij quecunatajic. Ri man queta'm taj, queta'm chic. Ri cäminakib quec'astajic. Chque ri mebayib cätzijox wi ri utzalaj tzijol.

Ri Lucax 1:20

Chawilampe', catmemar na, man catcuin ta na cattzijonic, c'ä pa ri k'ij ri quebantaj na wa', rumal rech chi man xacoj ta ri nu tzij. Aretak cäpe ri k'ij, cäbantaj na jas ri xinbij chawe.”

Ri Lucax 1:64

Chanim xtzelej ri u ch'abal ri Zacariy, xcuinic xch'awic. Xtzijonic, xunimarisaj u k'ij ri Dios.

Ri Xuan 10:21

Niq'uiaj chic xquibij: “We tzij ri' man e rech ta jun ri c'o itzel uxlabal che. ¿La cäcuin lo jun itzel uxlabal che qui jakic ri qui bak'wäch ri moyab?”