Elem 38:21 - Quiché Bible

²¹ Rumal ri takanic ri xuya' ri Moises che ri Itamar, ri u c'ojol ri Aaron ri cojol tabal tok'ob, ri aj levitib xcajilaj ri u q'uial ri ch'ich' ri xecoj che u banic ri k'ijilabal re ri c'ulwächinic.

Elem 38:21 ပူးပေါင်းရင်းမြစ်များ

Nabe Tzijobelil 6:3

Ri e ralc'ual ri Amram e are' ri Aaron, ri Moises xukuje' ri Mariy. Ri e u c'ojol ri Aaron e are' ri Nadab, Abiu, Eleazar xukuje' ri Itamar.

Ucab Tzijobelil 24:6

Are c'u ri ajawinel xusiq'uij ri Joiad, qui nimal ri cojol tabal tok'ob xubij c'u che: “¿Jasche man e oquinak ta la il chi ri aj levitib quequic'am ulok ri qui cuchuj ri aj Juda xukuje' ri aj Jerusalen ri u bim ri Moises, ri pataninel rech ri Ajawaxel, chi cämol chquiwäch ri tinimit aj Israel che ri Lic'om Rachoch Dios re ri c'ulwächinic?”

Ri Job 11:4

Ri at cabij chi ri a tijonic colom, xukuje' c'u ri at cabij awib chi at ch'ajch'oj.

Ri Job 22:23

We camach'irisaj awib, cattzelej c'u ruc' ri c'o ronojel u cuinem, canajtajisaj c'ut ri etzelal ri c'o pa ri awachoch,

Ri Job 26:1

Ri Job xubij: “¡Je' ba' wa' ri u to'ic ri tukar, ri u to'tajisaxic ri man c'o ta chi u chuk'ab!

Salmib 15:1

Ajawaxel, ¿jachin ta ri cäcuinic cac'oji' pa ri achoch la? ¿Jachin ta ri cäcuinic cäjeki' pa ri tastalicalaj juyub la?

Elem 25:16

chaya' c'u chupam ri caxa ri pixab ri quenya' chawe.

Elem 26:33

Caxequeba' ri ch'ukubal cuc' ch'epebal re k'an puak, chila' c'ut, chrij ri ch'ukubal caya' wi ri caxa ri c'olbal re ri c'ulwächinic. We ch'ukubal ri' cajwataj na chiwe che tasbal u xo'l ri c'olbal tastalic ruc' ri c'olbal ri sibalaj tastalic.

Elem 38:20

Conojel ri e u ch'ic ri k'ijilabal xukuje' ri re ri uwo ja, ri sutininak rij, conojel e re k'an ch'ich'.

Elem 38:22

Ri u tat ri Bezaleel are' ri Uri, ri u mam ri Bezaleel are' ri Hur ri aj Juda, xuban ronojel ri xubij ri Ajawaxel che ri Moises chi cäbanic.

Elem 40:3

Chacojo' ri caxa ri c'o wi ri c'ulwächinic chupam, cach'uk c'u ruc' ri ch'ukubal.

Elem 6:23

Ri Aaron xc'uli' ruc' ri Elisabet u mia'l ri Aminadab, rana'b ri Naason, ri Elisabet xralaj ri Nadab, ri Abiu, ri Eleazar xukuje' ri Itamar.

Ajilanic 1:50

Ri aj levitib rajawaxic e are' quebacojo rech quepatanij chupam ri k'ijilabal rech ri c'ulwächinic, e are' ri quek'axen ri k'ijilabal e rachil tak ri e u chaconisan, xukuje' ronojel ri cajwataj che ri u patanixic. Xukuje' rajawaxic chi chrij ri k'ijilabal quekaj wi.

Ajilanic 1:53

E are' c'u tak ri aj levitib, chrij ri k'ijilabal re ri c'ulwächinic quekaj wi, e are' c'u quechajinic, rech man cäpe ta royowal ri Ajawaxel chquij ri aj israelib.”

Ajilanic 10:11

Pa ri juwinak rajilabal ri ucab ic' rech ri ucab junab, xwalij ri sutz' puwi' ri k'ijilabal re ri c'ulwächinic.

Ajilanic 18:2

Rajawaxic cabano chi ri niq'uiaj e u tz'akatil chic ri ramak' ri Levi, ri c'o catux chque, chatquito' ri at xukuje' ri e a c'ojol che u banic ri patanijic chuwäch ri Lic'om Rachoch Dios re ri c'ulwächinic.

Ajilanic 24:5

¡Jacob, sibal e je'l tak ri a cäbal ri lic'om! ¡Sibalaj je'lic, Israel, ri tak a kajebal!

Ajilanic 9:15

Pa ri k'ij ri xwocotaj ri k'ijilabal, ri u bixic, ri Lic'om Rachoch Dios re ri c'ulwächinic, ri sutz' xch'ukuwic. Xuwi c'u caxk'ekayiric cac'utun u wächbal jun kak' puwi' ri k'ijilabal c'ä cäsakar na.

Ri Matey 17:4

Ri Lu' xubij che ri Jesus: “Kajaw utz ri' chi chujcanaj can waral. We caj la, cäkaban oxib cäbal waral. Cäkaban jun ech la, jun re ri Moises, jun re ri Eliy.”

Hechos 7:44

Xc'oji' ri Lic'om Rachoch re ri C'ulwächinic cuc' ri e ka mam pa ri chaki'j uwo sak, jas ri xtakan wi ri Dios aretak xubij che ri Moises chi chubana' je jas ri u cholajil ri c'utbal ri xrilo.

2 Corintios 5:1

Ri uj uj junam ruc' jun ja aj uwächulew, jacha' jun lic'om cäbal. Keta'm c'ut chi we cäsach u wäch wa', c'o jun kachoch ri junalic ruc' ri Dios pa ri caj, ri man k'abaj ta banowinak.

Hebreos 8:2

are c'u cojol tabal tok'ob ri cäpatanin pa ri kas k'ijilabal ri xban rumal ri Ajawaxel, man rumal ta winak.

Hebreos 9:11

Aretak c'u petinak chic ri Crist, ri qui nimal ri cojol tabal tok'ob, ri cojom paquiwi' ri utzalaj tak jastak ri quepe na. Cäpatanin pa ri k'ijilabal ri nim na u banic, ri sibalaj tz'akat, ri man banom ta rumal qui k'ab ri winak; quel cubij wa' chi man aj uwächulew taj.

2 Pedro 1:13

In quinchomaj chi utz we quinnataj wa' chiwe che i c'asuxic, joropa' k'ij ri quinc'asi' na cho ri uwächulew.

Apocalipsis 11:19

Xjaktaj c'ut ri rachoch Dios pa ri caj. Xilitaj c'ut ri caxa re ri u c'ulwächinic chupam ri rachoch Dios. Xec'ulmataj caypa', jininem, cakultakja, cabrakan xukuje' nimalaj sakbach.

Apocalipsis 15:5

Oc'owinak chi wa', xinca'yic xinwil c'ut u jakic pa ri caj ri k'ijilabal, are wa ri Lic'om re ri k'alajisabal.

Apocalipsis 21:3

Xinta' jun cowilaj ch'abal ri xel ulok pa ri tem re ajawibal, ri xubij: “Chiwilampe', ri u kajebal ri Dios c'o chquixo'l ri winak. Cajeki' c'u na cuc'. Ri e are' quebux na u tinimit, kas are' ri Dios cac'oji' na cuc' cux c'u na qui Dios.