Elem 33:3 - Quiché Bible

³ Jix pa ri ulew jawije' ri cabelel wi leche xukuje' juyubal räx cab jacha' ri ja'. Man quinbe ta c'u chixo'l, mäc'ulmataj ne chi quinsach i wäch pa ri be, ri ix c'ut ix winak ri sibalaj ix tac.”

Elem 33:3 ပူးပေါင်းရင်းမြစ်များ

Ucab Ajawinelab 17:14

Man c'u xquinimaj taj ri xbix chque, xane' sibalaj e taquib e jacha' ri e qui mam, ri man xquicu'ba' ta qui c'u'x chrij ri Ajawaxel ri qui Dios;

Salmib 78:8

je c'u mebuxic e jacha' ri e qui mam man ch'abexic ta xcaj xukuje' man etal ta tzij, man co ta xtiqui ri canima' xukuje' ri cuxlabal; ¡ija'lil ri man e jictaj chuwäch ri Dios!

Elem 13:5

chupam c'u we ic' ri' rajawaxic coc'owisax ri nimak'ij re ri Oc'owem, aretak ix u cojom chic ri Ajawaxel pa ri ulew ri cabelel wi ri leche xukuje' juyubal räx cab jacha' ri ja', are wa' ri culew ri aj cananeyib, ri aj hititib, ri aj amoreyib, ri aj hebeyib, ri aj jebuseyib, ri xuchi'j chque ri e i mam chi cuya' chiwe.

Elem 23:21

Matnajtin che; chanimaj maban awib chi ma ta mawaj ch'abexic che, are' c'o c'u che nu q'uexwäch, we quixmacunic man qui xucuy taj.

Elem 3:17

Xukuje' xubij chwe chi quixresaj bic pa ri rikoj tak c'ax ri ix c'o wi pa Ejipt, quixuc'am bic pa ri culew ri aj cananeyib, ri aj hititib, ri aj amoreyib ri aj perezeyib, ri aj hebeyib, ri aj jebuseyib, ulew wa' ri cabelel wi leche xukuje' ri juyubal räx cab jacha' ri ja'.’

Elem 3:8

Rumal ri' in kajinak ulok che quesaxic pa qui k'ab ri aj ejiptib; quebenwesaj ulok pa Ejipt quebenc'am bic pa jun nimalaj ulew ri utz, jawije' ri cabelel wi leche xukuje' u juyubal räx cab jacha' ri ja'. Are wa' ri ulew ri e c'o wi ri aj cananeyib, ri aj hititib, ri aj amoreyib, ri aj perezeyib, ri aj hebeyib, xukuje' ri aj jebuseyib.

Elem 32:14

Xuk'il c'u rib ri Ajawaxel che ri c'ax ri u chomam u banic puwi' ri u tinimit.

Elem 33:5

u bim chi c'u ri Ajawaxel che ri Moises: “Chabij chque ri aj israelib: ‘Ix, ix winak ri sibalaj ix tac. Pune' ta xa jubik' quinc'oji' chixo'l, quinq'uis u sachisaxic i wäch ri'. Chebiwesaj ba' conojel ri wikbal tak iwib kas camic, quinwil c'u na jas ri quinban na chiwe.’ ”

Elem 34:9

“¡Ajawaxel! ¡Ajawaxel! We kastzij chi in lok' chwäch la, chujachilaj la bic. We winak ri' kastzij sibalaj e tac, xa ba' sacha' la ri ka mac, ri ketzelal, chujc'ama' che tinimit la.”

Ri Isaiy 48:4

Weta'm c'ut chi sibalaj at tac, chi sibalaj at co jacha' ri ch'ich', man catk'usk'ub ta jacha' ri kan ch'ich',

Ri Jeremiy 11:5

We ri ix quibano ri quinbij chiwe, ri in quintz'akatisaj na ri chi'nic ri kas cäban na, ri xincha' chque ri e i mam, chi quinya' jun ulew chque, ri ulew ri c'o pa i k'ab camic, jawije' ri cabin wi ri leche xukuje' ri juyubal räx cab jacha' ri ja'.” Are c'u ri in xintzelej u bixic: “Je' Ajawaxel.”

Ri Ezequiel 20:6

Pa ri k'ij ri' xinya' nu tzij che quesaxic ulok pa Ejipt quebenc'am c'u bic pa jun ulew jawije' ri cabelel wi ri leche xukuje' ri u juyubal räx cab jacha' ri ja', ¡ri ulew sibalaj je'l na chquiwäch conojel!

Aj Levitib 20:24

Quinchi'j chiwe: Chi ix quixechben na ri culew we winak ri'; quinjach na pa i k'ab rech cäcanaj che iwechbal, ulew wa' ri cabelel wi leche xukuje' juyubal räx cab jacha' ri ja'. In ri' ri Ajawaxel ri i Dios, ri in banowinak chiwe chi man ix junam ta cuc' ri niq'uiaj chic tinimit.

Ri Jonas 3:10

Ri Dios xrilo ri caquiban ri winak aj Ninibe ri xquiban che u ya'ic canok ri itzelalaj qui no'jibal, xuchomaj chi man cuc'am ta chi ulok ri c'ax ri u chomam u c'amic ulok paquiwi'.

Ajilanic 13:27

Xquibij che ri Moises: “Xujbe pa ri ulew ri xujatak wi bic. Kastzij are jun ulew jawije' ri cäbelel wi ri leche xukuje' juyubal räx cab jacha' ri ja', e are tak wächinic wa' ri cuya'.

Ajilanic 14:12

Quintak na ulok jun cämisanel yabil paquiwi' che qui k'atixic rech man queboc ta che rechbexic we ulew ri'; chawe c'u at quinban c'u na jun tinimit ri nim na xukuje' c'o na u chuk'ab chquiwäch e are'.”

Ajilanic 14:8

We ri Ajawaxel cutok'obisaj ka wäch, cujuto' na che oquem chupam we ulew ri' cuya' c'u na chke. Are jun ulew ri cäbelel wi ri leche xukuje' juyubal räx cab jacha' ri ja'.

Ajilanic 16:13

¿La xa man nim ta cawilo chi xujawesaj ulok chupam jun ulew ri cabelel wi ri leche xukuje' ri juyubal räx cab jacha' ta ne ri ja', rech caban chke chi cujcäm chupam ri chaki'j uwo sak, ri are c'u cawaj catux nimalaj c'amal ka be?

Ajilanic 16:21

“¡Chixel chuxo'l we tinimit ri', quebensachisaj c'u u wäch pa jok'otaj!”

Ajilanic 16:45

“¡Chixel chquixo'l we winak ri', xa c'u pa jok'otaj quinsachisaj na qui wäch!” Ri Moises xukuje' ri Aaron xquimej quib c'ä xquiya' na ri qui palaj cho ri ulew,

Hechos 7:51

Ri Estebn xutakej u bixic: “Ri alak amak'el uxinak alak tac, e c'o xiquin alak xukuje' anima' alak ri man quecojon taj. Amak'el cak'atij alak u wäch ri Ruxlabal ri Dios. Alak junam c'u cuc' tak ri e mam alak.

U Camulixic ri Pixab 4:24

rumal rech chi ri Ajawaxel ri i Dios, are' jun Dios achixomanel, jun k'ak' ri cujarisaj ronojel.

Ri Josue 5:6

Rumal c'u rech chi cawinak junab xebin ri aj israelib pa ri chaki'j uwo sak, e cäminak chi c'u conojel ri achijab ri xebel ulok pa Ejipt ri c'o chi qui junab che u banic ch'o'j. We achijab ri' man xeniman ta che ri Ajawaxel rumal ri' ri are' xcha' chque ruc' chi'nic ri kas cäban na chi man caquil ta na ri ulew ri xuchi'j u ya'ic chque ri e qui mam, ulew ri cabelel wi ri leche xukuje' ri juyubal räx cab jacha' ri ja'.

Nabe Samuel 2:30

Rumal c'u ri' ri Ajawaxel, ri u Dios ri Israel, ri u bim ulok chi ri at xukuje' conojel ri e awachalaxic quepatanin na chuwäch amak'el, camic cuk'alajisaj: Mawi jubik' xak quinwilo chi je caban wa', xane' quinya' qui k'ij ri queyo'w nu k'ij, are c'u ri cäquetzelaj nu wäch queq'uis na pa yok'ic. In, ri Ajawaxel quinjiquiba' u bixic.