Elem 32:7 - Quiché Bible

⁷ Ri Ajawaxel xubij che ri Moises: “Jät, chatkaj bic, ri awinakil ri xebawesaj ulok pa Ejipt, e kajinak pa mac.

Elem 32:7 ပူးပေါင်းရင်းမြစ်များ

Ucab Tzijobelil 27:2

Ri e u banoj ri Jotam e suc' chuwäch ri Ajawaxel, e jacha' ri xebuban ri Uziy, ri u tat. Man c'u ne xoc ta chupam ri rachoch ri Ajawaxel. E are' c'u ri winak xquitakej qui banic ri itzel tak qui banoj.

Salmib 78:36

Ruc' c'u ri qui chi' xukuje' ri cak', cäquibij je'lalaj tak banoj tak tzij che,

Elem 19:24

Xubij c'u ri Ajawaxel che ri Moises: “Jät, chatkaj bic; c'äte c'u catpaki' chi ulok cawachilaj ulok ri Aaron. E are' c'ut ri e cojol tabal tok'ob xukuje' ri winak meboc'ow puwi' ri c'ulbat rech quepaki' ta ulok chnuwäch, mebencämisaj ta c'ut.”

Elem 32:1

Xquil c'u ri aj israelib chi, xbeytaj ri Moises che ri u kajic ulok puwi' ri juyub, xquimulij quib chrij ri Aaron, xquibij che: “Chatwalijok, chebabana' ka diosib ri cäc'amow ka be, ri Moises ri xujesan ulok pa Ejipt, man keta'm taj jas ri xuc'ulmaj.”

Elem 32:11

Ri Moises xuta' tok'ob che ri Ajawaxel ri u Dios, xubij: “Ajawaxel, ¿jas ta che cäk'ak'ar ri oyowal la puwi' ri tinimit la ri xesaj la ulok pa Ejipt ruc' ri nimalaj cuinem la?

Elem 32:4

xuc'am c'u chque, xuja'risaj ri k'an puak pa k'ak', xuban jun alaj ama' wacax, conojel c'ut je xquibij wa': “¡Israel, are a dios wa' ri xatesan ulok pa Ejipt!”

Elem 33:1

Ri Ajawaxel xubij che ri Moises: “Jät, chatel bic waral, chebac'ama' bic ri winak ri xebawesaj ulok pa Ejipt. Jix pa ri ulew ri xinbij chi quinya' che ri Abraham, ri Isaac, ri Jacob, xukuje' chque ri qui' tak qui mam.

Ri Isaiy 1:4

¡Tok'ob i wäch winak ajmaquib, tinimit nojinak che etzelal, calc'ual itzel tak winak, alc'ualxelab ri e etzelatajinak! Inajtajisam iwib che ri Ajawaxel, i yo'm can ri Tastalicalaj u Dios ri Israel, i xutum canok.

Ri Daniel 9:24

Oxc'al lajuj (70) wukutak k'ij queboc'ow na paquiwi' ri a winak xukuje' puwi' ri tastalicalaj a tinimit rech cäq'uis u tza'm ri c'ulelanic xukuje' ri macunic, rech cäriktaj ri sachbal mac che ri etzelal cäjekebax c'u ri suq'uilal chbe k'ij sak, rech cätz'akat ri cubij ri c'utwächinic xukuje' ri yo'm u bixic cutas c'u rib ri sibalaj aj Tastalic.

Ri Osey 9:9

Xitz'akatisaj u chuwirisaxic iwib, jacha' ri pa tak ri k'ijol pa Gabaa. Are c'u ri Ajawaxel quenataj na ri e iwetzelal che cusolij na ri e i mac.

U Camulixic ri Pixab 31:29

Ri in weta'm chi aretak in cäminak chic caquichuwirisaj na quib, cäquiya' na can ri be ri nu bim chque chi cäquiterenej; xukuje' weta'm chi pa tak ri k'ij ri' cäpe na ri quiäkasakil paquiwi', rumal ri u banic ri etzelal chuwäch ri Ajawaxel, quiyac c'u ri royowal rumal wa'.”

U Camulixic ri Pixab 32:5

E itzel tak winak xukuje' e lawalo, ri e yok'oninak che ri Dios, ri man takal ta chque chi quebux ralc'ual:

U Camulixic ri Pixab 4:16

mixkaj pa ri mac che qui banic tak wächbal ri junam ta u bantajic ruc' jun achi o jun ixok,

U Camulixic ri Pixab 9:12

xubij c'u chwe: ‘Chatkaj bic ruc' aninakil, rumal rech chi e macuninak ri winak ri xebawesaj ulok pa Ejipt. Sibalaj chanim xquitastaj quib chrij ri takanic ri xinya' chque, xquiban jun qui dios re ch'ich'.’

U Camulixic ri Pixab 9:8

Xiyac royowal ri Ajawaxel pa ri juyub Horeb, sibalaj nim c'u ri royowal xiyaco chi xa co'l man xusach i wäch iwonojel.

K'atal tak Tzij 2:19

Aretak c'ut cäcäm ri c'amal be, caquixk'olij chi quib jumul, nim na ri etzelal ri cäquibano chuwäch ri xequiban ri e qui tat, quequipatanij, xukuje' quequik'ijilaj jule' tak diosib chic. Man cäquiya' ta can ri itzel tak qui nak'atisabal mawi ri itzel tak qui c'aslemal.